Categories
राजनीतिक

देउवासँगमात्रै वार्ता, पदाधिकारी बैठकमा सहभागी नहुने : पौडेल समूह

काठमाडौं । नेपाली कांग्रेसका वरिष्ठ नेता रामचन्द्र पौडेल समूहले सभापति शेरबहादुर देउवासँगमात्रै वार्ता गर्ने निर्णय गरेको छ ।

पार्टी केन्द्रीय कार्यालय सानेपामा मंगलबार बसेको पौडेल समूहको बैठकले पार्टीमा चुलिएको पछिल्लो विवाद समाधानका लागि सभापति देउवासँगमात्रै वार्ता गर्ने निर्णय गरेको हो ।

यसअघि सभापति देउवाले आइतबार आफूनिकट नेताहरुसँगको छलफलमा विभाग, नेविसंघ र तरुण दल गठन तथा विस्तारका लागि सहमति जुटाउने जिम्मा उपसभापति विमलेन्द्र निधिलाई सुम्पेका थिए ।

पौडेल समूहको बैठकले उपसभापति निधिसँग संवाद गरे पनि वार्ता भने सभापति देउवासँगमात्रै गर्ने निर्णय गरेको युवा नेता कल्याण गुरुङले बताए । “संवाद सबैसँग गर्छौं । वार्ता सभापतिसँगमात्रै हुन्छ । बैठकले गरेको निर्णय यही हो,” उनले भने ।

बैठकले पुस २१ गते जिल्ला सभापतिहरुको भेला बोलाउने पनि निर्णय गरेको छ । “२१ गते जिल्ला सभापतिहरुसँग परामर्श गर्ने निर्णय भएको छ,” नेता गुरुङले भने, “त्यसपछि नेविसंघ, नेपाल महिला संघलगायतका भ्रातृ संगठनहरुसँगको परामर्श प्रक्रियालाई अगाडि बढाउँछौं ।”

उनका अनुसार बैठकले जिल्ला स्तरीय नेता–कार्यकर्ता, सांसद, पूर्वसांसद, केन्द्रीय सदस्य, पूर्वकेन्द्रीय सदस्यलगायतका पार्टीका सबै तह र तप्काका नेता–कार्यकर्ताहरुसँग परामर्श गर्ने निष्कर्ष निकालेको छ ।

बैठकले बुधबार सभापति देउवाले बोलाएको पदाधिकारी बैठकमा सहभातिा नजनाउने पनि निर्णय गरेको छ । सभापति देउवाले राष्ट्रियसभा निर्वाचनका लागि उमेदवारको टुंगो लगाउन आप्mनो निवास बूढानीलकण्ठमा पदाधिकारी बैठक बोलाएका छन्

Categories
ताजा समाचार

उदयपुरमा ऐलानी जग्गा नाप्ने कार्य शुरु

उदयपुर : उदयपुरको त्रियुगा नगरपालिकाले आधुनिक मेसिनबाट ऐलानी जग्गाको नाप जाँच विवरण संकलन कार्यको सुरुवात गरेको छ। नगरपालिकाले मंगलबारदेखि औपचारिक कार्यक्रमको आयोजना गरी वडा नं. ६ देखि सो कार्यको थालनी गरेको हो।

नापचाँच गरी विवरण संकलनपछि उपभोग गर्नेलाई सो जग्गाको स्वमित्व दिने प्रक्रिया थाल्ने जनाएको छ। नगरवासीको प्रमुख समस्या, आवश्यकता र चाहना अनुरुप यस्तो कार्य थालनी गरिएको प्रमुख बलदेव चौधरीले बताए। नगर प्रमुख चौधरीका अनुसार वडा नं. ६ देखि थालिएको कार्यलाई १६ वटै वडामा विस्तार गरिने छ।

कामको प्रभावकारिता र पारदर्शिताका लागि ऐलानी जग्गाको विवरण संकलन तथा व्यवस्थापन निर्देशन समिति नै बनाइएको छ। नगरपालिका क्षेत्रमा करिब ६० प्रतिशत जग्गा ऐलानी, प्रति रहेको जनाउदै ऐलानी जग्गाको विवरण संकलनको उद्देश्यले उपभोगका आधारमा फारम भर्न निवेदन माग यस अघि गरिएकामा करिब १९ हजारले निवेदन दिएको प्रमुख चौधरीले बताए। प्रमुख चौधरीले वडा नं. ६ र वडा नं. १ देखि नाँप जाँचको काम थाल्ने र अन्य थप दुईवटा मेसिन किनेर सबै वडामा तीन महिनाभित्रमा नापजाँच गरी ऐलानी जग्गाको विवरण निकाल्ने कार्य गरिने बताए।

उनले विवरण संकलन लगत्तै नगरबासीलाई स्वामित्व दिने काममा नगरपालिका लाग्ने, ढिलोमा डेढ वर्ष भित्रमा नागरिकलाई स्वामित्व दिने काम पूरा गर्ने जानकारी दिए। प्रमुख चौधरीले भने, ‘अझै पनि प्रदेश र संघबाट नीति, निर्देशन र अधिकार प्राप्त गर्न आवश्यक छ। हामीले दृढताका साथ नगरबासीको आवश्यकता र चाहनाअनुरुप यो काम थालेका छौं।’ विवादरहीत बनाउन र आवश्यक परे संघ र प्रदेशमा जनमत देखाउन नगरबासीको सहयोग मागेको प्रमुख चौधरीले बताए। प्रमुख चौधरीले भने, ‘नगरबासीको पूर्ण सहयोग मिल्नेछ भन्नेमा म विश्वस्त छु।’ ऐलानी जग्गामा शदियौंदेखि जग्गाको चासभोग रहनुका साथै लाखौं खर्चेर घर बनिसकेका छन्।

तर स्वामित्वको सामान्य निस्सा प्रमाण भने नभएकाे स्थानीयको गुनासो छ। त्यस्तो ठाउँमा नगरपालिकाले बस्ती उठाउन पनि नसक्ने र राजस्व पनि उठाउन नसक्ने अवस्था यथावत छ। प्रमुखचौधरीले हाल ऐलानी जग्गाको विवरण संकलन गरी स्वामित्व दिने कामको प्रक्रिया थालिएको बताए।

Categories
ताजा समाचार

यातायातको प्रमुख माध्यम नै सडक पूर्वाधार हो : मन्त्री नेम्बाङ

काठमाडौं : भौतिक पूर्वाधार तथा यातायातमन्त्री बसन्तकुमार नेम्बाङले सडक पूर्वाधार नै नेपालको प्रमुख यातायातको माध्यम भएको बताए। मंगलबार सडक बोर्ड नेपालको १७ औं बार्षिक उत्सवलाई सम्बोधन गर्दै मन्त्री नेम्बाङले यस्तो बताएका हुन्।

नेम्वाङले नेपालमा सडक पूर्वाधार नै यातायातको प्रमुख माध्यम रहेकाले आम नागरिकसम्म पहुँच पुर्‍याउन सडक यातायातमै जोड दिने बताए। उनले भने, ‘देशका सवै भूभागमा सुविधायुक्त सडक निर्माणमा मन्त्रालय र अन्तर्गतका सबै निकायहरू क्रियाशील छन्।’ मन्त्री नेम्बाङले सडक निर्माण तथा मर्मत सम्भार कार्यमा राज्यका सबै तहको समान जिम्मेवारी रहेको समेत बताए।

‘केन्द्रीय स्तरको रणनीतिक सडकको निर्माण एवं मर्मत संभारसम्बन्धी कार्य सडक विभागबाट गरिँदै आएको छ’, उनले भने, ‘प्रदेश तथा स्थानीय स्तरका सडक निर्माण तथा मर्मत सम्भार सम्बन्धित प्रदेश र स्थानीय तहबाट गरिने हुँदा मुलुकले ठूलो धनराशी लगानी गरी निर्माण गरेको सडक पूर्वाधारको अनुगमन, नियमन स्थानीय सरकारले पनि गर्नुपर्छ।

सरकारले उत्तर तथा दक्षिण सीमापार सडकको विस्तार गर्ने कार्यलाई जोड दिएको उल्लेख गर्दै मेची, कोशी, गण्डकी र कर्णाली करिडोर जस्ता सडक निर्माणलाई उच्च प्राथमिकतामा राखेको नेम्वाङको भनाई छ। मन्त्री नेम्वाङले भने, ‘निर्माण सम्पन्न भएका र अहिले निर्माणाधीन सडकको निरन्तर मर्मत सम्भार एवं सम्वर्द्धन आवश्यक देखिएको छ। निर्माण गर्ने बेलामा देखिएका कमी कमजोरीलाई योजनाबद्ध रुपमा निराकरण गर्नुपर्छ।

उक्त कार्यक्रममा राष्ट्रिय योजना आयोगका उपाध्यक्ष प्रा.डा. पुष्पराज कँडेलले नेपालको भौगोलिक संरचनाले धेरै सडकको माग गर्ने बताए। ‘नेपालमा यातायातको मूल साधन सडकलाई नै बनाउनुपर्ने देखिन्छ’, कँडेलले भने,‘राष्ट्रिय योजना आयोगमा माग भएका योजनाहरू मध्ये ८० प्रतिशत भौतिक पूर्वाधारका छन्। त्यसमा पनि सडक बढी हुने गरेको छ।’ उपाध्यक्ष कँडेलले ठूला राजमार्ग र उपत्यकाका सडकमा बढी समस्या हुने गरेकाले मर्मत सम्भार पनि गर्दै आएको उनको भनाई थियो।

Categories
राजनीतिक

सभामुखबारे ओली-प्रचण्डबीच बालुवाटारमा छलफल

प्रधानमन्त्री एवम् नेकपा अध्यक्ष केपी शर्मा ओली र अर्का अध्यक्ष पुष्पकमल दाहाल ‘प्रचण्ड’बीच बालुवाटारमा छलफल सुरू भएको छ।

पार्टीबाट प्रतिनिधि सभाको सभामुख कसलाई बनाउने भन्ने विषयमा उनीहरूको छलफल केन्द्रीत छ।

सभामुखको उम्मेदवार को हुने भन्नेबारे नेकपाभित्र सहमति हुन सकेको छैन। आजको भेटमा दुई अध्यक्षले सभामुखको उम्मेदवार टुंगो लगाउने अपेक्षा नेकपा नेताहरूले गरेका छन्।

प्रधानमन्त्री केपी ओलीले पूर्व सभामुख एवम् स्थायी समिति सदस्य सुवास नेम्वाङलाई सभामुख बनाउन चाहेका छन् भने पूर्वमाओवादी पक्षधरले स्थायी समिति सदस्य अग्नि सापकोटालाई सभामुख बनाउन बल गरिरहेका छन्।

उपसभामुख शिवमाया तुम्बाहाङफेले पनि सभामुखका लागि आफू स्वभाविक दाबेदार रहेको बताउँदै आएकी छन्।

नेकपाभित्र सभामुखको चयनमा सहमति नहुँदा प्रतिनिधि सभाको बैठक समेत प्रभावित भएको छ।

पुस ११ गते बस्ने भनिएको संसद बैठक सूचना टाँसेर स्थगित गरिएको थियो। अर्को बैठक पुस १६ गतेका लागि बोलाइएको छ।

भोलिको बैठकबाट सभामुख निर्वाचनको कार्यतालिका सार्वजनिक गर्ने संसद सचिवालयको तयारी छ। तर नेकपामा सहमित जुटेन भने भोलिको बैठक पनि सूचना टाँसेर स्थगित गर्नु पर्ने हुन्छ।

Categories
ताजा समाचार

यसरी आरोहण गरेकी थिइन् पूर्व ‘मिस नेपाल वर्ल्ड’ खतिवडाले ‘मो ब्लाँ’(हेर्नुहोस भिडियो सहित)

पूर्वमिस नेपाल वर्ल्ड श्रृङ्खला खतिवडाले पश्चिम युरोपको सबैभन्दा अग्लो हिमाल ‘मो ब्लाँ’ आरोहण गरेको भिडियो सार्वजनिक गरिएको छ। काठमाडौंस्थित फ्रान्सेली दूतावासले भिडियोलाई सोमबार युट्युवमा राखेको हो।

खतिवडाले यसै वर्ष साउनको पहिलो साता मो ब्लाँ आरोहण गरेकी थिइन्। खतिवडा नेपाल-फ्रान्स कूटनीतिक सम्बन्धको ७०औं वर्ष पुगेको अवसरमा आयोजना गरिने विशेष कार्यक्रमहरूको लागि सद्‍भावनादूत हुन्।

shringkhala mo bla3
मो ब्लाँको चुचुरोमा पुगेपछि खतिवडाले त्यहाँ नेपाल र फ्रान्स दुवै देशको राष्ट्रिय झण्डा फहराएकी थिइन्। उनलाई दुई नेपाली चलचित्रकर्मी सिसन बानियाँ र प्रज्वल थापा मगरले साथ दिएका थिए। ब्लाँ आरोहण गर्दा खतिवडालाई लिजेन्ड्री स्केअर एनसेलमी बाउडले गाइड गरेका थिए।

shringkhala mo bla1

मो ब्लाँ आरोहणको सम्पूर्ण तारतम्य काठमाडौंस्थित फ्रान्सको दूतावासले मिलाएको थियो। आरोहण नेपाल-फ्रान्स कूटनीतिक सम्बन्ध ७० औं वर्ष पुगेको अवसरामा गरिएको थियो।

shringkhala mo bla1

मो ब्लाँलाई ‘सेतो हिमाल’ को रूपमा चिनिन्छ। मो ब्लाँको उचाई ४ हजार ८ सय ८ मिटर (१५ हजार ७ सय ७४ फिट) रहेको छ। यो हिमाल फ्रान्स र इटालीको सिमानामा रहेको छ।

Categories
रोचक

यस्तो अनौठो प्रा’कृतिक शिवलिंग, जसको हरेक बर्ष उचाई बढ्छ ! दर्शन गर्दा पुरा हुनेछ मनोकामना

बिश्वका धेरै देशमा हिन्दु धर्म मान्ने मानिसहरु छन् । ठाउँ ठाउँमा मानिसहरुलाई पु’जापाठ गर्न मन्दिर पनि ब’नाइएको छ । हिन्दुले मान्ने भगवान मध्ये एक हो शिब भगवान । हिन्दु ध’र्मग्रन्थमा पनि शिवको म’हिमा अ’परम्पार रहेको उल्लेख गरिएको छ ।

हिन्दु ध’र्मग्रन्थमा १२ ज्यो’र्तिलिंगको निकै महत्व राखिन्छ । यीनीहरु भन्दा अ’द्भुत र’हस्मयी शि’वलिगं पनि छ । जुन शि’वलिगं हरेक वर्ष ब’ढ्दै जाने गर्छ । भारतमा यस्तो शि’वलिंग छ जुन हरेक बर्ष ब’ढ्दै जान्छ ।

भारतको छ’त्तिसगढको जंगलमा रहेको उक्त प्रा’कृतिक शि’वलिंग हरेक बर्ष एक इन्चबाट पौने इन्च सम्म ब’ढ्दै जान्छ । यो कुरा शि’वलिगंको रे’खदेख म’हासमितिले जनाएको छ ।

शि’वलिगंको रे’खदेख म’हासमितिले हरेक बर्ष शि’वलिगं ना’प्ने गर्छन् । यस शि’वलिगंलाई ‘भु’तेश्वर महादेव नाम राखिएको छ । यस शि’वलिगंमा साउन महिनामा धेरै भी’ड लाग्ने गर्छ

प्रधानमन्त्री ज्यू ! हाम्रा छोराछोरीले आ’त्मह’त्या गरे कसलाई प’क्राउ गर्ने ?

‘हाम्रो देशै यस्तै हो भनेर राज्यले संरक्षण गरेको अपराध चुपचाप सहने कि सरकारलाई अपराधी भनेर धारे हात लगाउँदै सराप्ने ?’ आफ्ना छोराछोरीलाई डाक्टर बनाउन चाहने धेरै अभिभावकको प्रश्न अहिले यहि छ । अटेर गरेर अवैध शुल्क फिर्ता नगर्ने मेडिकल माफियाभन्दा सरकार कमजोर भएको हो त ? यो प्रश्न पनि सबैले गरेका छन् । ‘के यो देशलाई माफियाहरुले नै चलाइरहेका छन् त ?’

सरकारसँग सम्झौता गरेपनि चितवन मेडिकल कलेजले विद्यार्थीको शुल्क फिर्ता गरेनन् । अधिकाशं अभिभावकहरु आफ्नो सन्तानको भविष्य बर्बाद भएको भन्दै गुनासो गरेका छन् । गत मंसिर १० गते सरकार र मेडिकल कलेज सञ्चालकहरुबीच अतिरिक्त शुल्क फिर्ता गर्ने सहमति भएको थियो । एक महिना बितिसक्दा पनि चितवन मेडिकल कलेजका विद्यार्थीहरुबाट लिएको अतिरिक्त शुल्क फिर्ता गर्न सकेको छैन ।

सहमति अनुसार कलेजले यतिञ्जेल विद्यार्थीसँग उठाएको शुल्क फिर्ता गरेका छैनन् । विद्यार्थीहरुसँग असुलेको ५६ करोडभन्दा बढी मध्ये ३४ करोड समायोजन र २२ करोड फिर्ता गर्नु पर्नेछ तर कलेजले अहिलेसम्म न एक रुपैयाँ फिर्ता गरेको छ न समायोजन नै । त्यसैले विद्यार्थीहरु आन्दोलित छन् । अबको एक सातामा कलेजले शुल्क फिर्ता नगरे विद्यार्थी र अभिभावक सागसागै सडकमा उत्रिने संघर्ष समितिका संयोजक प्रकाश चन्द बताउछन् ।

सम्झौताले अहिलेसम्म सबै विद्यार्थीलाई समेटेको छैन । मेडिकल शिक्षाको बेथितीविरुद्ध विद्यार्थीहरु आन्दोलनमा उत्रिएका यो पहिलो पटक होइन । र, विद्यार्थीको आन्दोलन टुङ्ग्याउन सरकारले वार्ता र सहमति पनि पटकपटक गरिसकेको छ । अब बिद्यार्थीको माग र याचना कसले सुन्ने ? प्रधानमन्त्रीलाई सबै अभिभावक र बिद्यार्थीको प्रश्न छ ! ‘प्रधानमन्त्री ज्यू ! हाम्रा छोराछोरीले आ’त्मह’त्या गरे कसलाई प’क्राउ गर्ने ?’

Categories
ताजा समाचार

आजबाट देशका अधिकांस ठाउँमा चिसो बढ्ने साथै बर्षासँगै हिमपात हुने ! सचेत रहन आग्रह

मंगलबारदखि देशका धेरै ठाउँमा चिसो बढ्ने मौसमविद्ले बताएका छन् । अहिले जम्मू-कश्मीरमाथि रहेको पश्चिमी न्यून चापीय प्रणाली पूर्व सर्ने क्रममा रहेको र यो प्रणाली पूर्व सर्दै नेपालको पश्चिमी भेगमा साेमबार रातिसम्ममा प्रवेश गर्ने देखिएको मौसमविद् शान्ति कँडेलले बताउनुभयो ।

उहाँका अनुसार यही प्रणालीका कारण मंगलबार देशको पश्चिमी उच्च पहाडी र हिमाली क्षेत्रमा हल्का हिमपात हुने सम्भावना छ । यो प्रणाली बुधाबार बेलुकीसम्म अझै सशक्त भई देशका मध्य र पूर्वका उच्च पहाडी र हिमाली क्षेत्रमासमेत भारी हिमपात हुने उहाँले बताउनुभयो ।

यो प्रणालीका कारण बुधबार र बिहीबार देशैभरी बदली भई तापक्रम घट्ने र देशैभरी चिसो बढ्ने अनुमान रहेको मौसमविद् कँडेलले बताउनुभयो । यस्तै, यही प्रणालीका कारण आउँदो बिहीवार र शुक्रबार केही ठाउँमा पानी पर्ने मौसमविद्ले बताएका छन् । देशभर तापक्रम घट्ने सम्भावना रहेकाले हिमपात र चिसोबाट जोगिन सतर्कता अपनाउन मौसम पूर्वानुमान महाशाखाले आग्रह गरेकाे छ ।

यो पनि पढ्नुस

हामी अधिकांश सरकारी स्कुल भन्नासाथ नाक खुम्च्याउँछौँ । काठमाडौँमा केही सामुदायिक विद्यालय पनि निजीकै हाराहारीमा उत्कृष्ट नतिजा दिन सफल रहेका छन्। प्रधानाध्याक, शिक्षक र अभिभावकको लगनशीलता एवं सक्रियताले केही विद्यालय अब्बल कहलिएका छन्। सख्यात्मक हिसाबले एक हजार दुई सय निजी विद्यालय रहेको काठमाडौँमा दुई सय ८५ सामुदायिक विद्यालय रहेका छन्। दुई सय ८५ मा पनि केही विद्यालयमात्र निजीसँग प्रतिस्पर्धा गर्न सक्नेगरी उत्कृष्ठ कहलिएका छन्।

रत्नराज्य मावि मध्यबानेश्वर, ज्ञानोदय मावि कलङ्की, निलवराही मावि कालिमाटी, विश्वनिकेतन मावि त्रिपुरेश्वर, गीतामाता मावि डल्लु, जनसेवा मावि, कीर्तिपुर, मङगलोदय मावि थानकोट, विजय स्मारक मावि, डिल्लीबजार, पद्मोदय मावि पुतलीसडक, तरुण मावि बालाजुलगायत विद्यालय सामुदायिकका राम्रा विद्यालयअन्र्तगत पर्दछन्।यी विद्यालयमा माध्यमिक शिक्षा परीक्षाको उत्रीर्ण प्रतिशत ९६ देखि १०० सम्म छ।

विद्यालयमा भर्ना अभियान नै नगरी यी बिद्यालयमा पढ्नका लागि विद्यार्थीको भीड देखिएको छ। विद्यालयमा विद्यार्थीको आकर्षण भएपछि विद्यार्थीलाई कसरी व्यवस्थापन गर्ने भन्ने ती विद्यालयलाई चिन्ताले सताएको छ। निजी जस्तै अङ्गेजी माध्यममा पढाउने हुने ती सामुदायिक विद्यालयमा विद्यार्थी प्रवेश परीक्षा उर्तिण गरेपछि मात्र भर्ना पाउँछन्।

प्राइभेट स्कुलसँग पनि प्रतिषपर्धा गर्दै आएका यी सामुदायिक विद्यालयमा पढेका विद्यार्थीको पढाइ राम्रो हुँदैन भन्ने आम अभिभावकको सोचाइमा परिवर्तन आउन थालेको छ। सरकारी विद्यालयमा पढेका विद्यार्थी राष्ट्रिय तथा अन्तर्राष्ट्रिय बजारमा प्रतिपर्धा गर्न सक्दैनन् भन्ने अभिभावकको मानसिकता समयसँगै विस्तारै परिवर्तन हुँदै गएको छ । संकटपूर्ण अवस्थामा पनि ललितपुर, भक्तपुर र काठमाडौंका केही सामुदायिक विद्यालयले उत्कृष्ट नतिजा ल्याई अब्बल देखाउन सफल भएकाले अहिले अभिभावक राम्रा सामुदायिक विद्यालय खोज्दै हिँड्न थालेका छन

Categories
ताजा समाचार

आफ्नै छोरीको अप*ह*रण गरेको आरोप लागेकी आमा प्रमाणसहित आईन मिडियामा ! यस्तो अवस्थामा फेला परिन् छोरी (भिडियोमा हेर्नुहोला)

११ महिनाकी हुदा छोरीलाई सासु ससुरालाई छोडेर गएकी आमाले अहिले ६ वर्ष हुदा खोसेर लगेपछी ललितपुर स्थित बालकुमारीमा रुवाबासी चलेको छ । २०७१ सालमा लण्डनमा जन्मिएकी छोरीलाई राम्रो स्याहार नपुगेर काठमाडौँमा ११ महिनाको हुदा देखि आमा बुवासंग छोडेर गएको छोरीको बुवा विजय बस्नेतले बताएका छन् ।

लन्डनबाट श्रीमान श्रीमती २ बर्ष बसेर फर्केपछी घर झगडा भएर डिभोर्ससम्म पुग्यो। डिभोर्सको समयमा ३६ लाख पैसामा छोरी श्रीमानलाई छोडेर श्रीमती अष्ट्रेलिया उडेको र फेरी अहिले आएर छोरी चाहियो भन्दै मुद्दा दर्ता गरेको श्रीमान विजयले बताएका छन् ।

उच्च अदालतबाट बच्चा आमासंग जान्न भन्दै रुदै कराउदै गर्दा पनि आमाको तर्फमै फैशाला गरेपछि श्रीमान र श्रीमती दुवै मिडियामा आएका छन् । अदालतको आदेश अनुसार आफुले बच्चाको हेरविचार गर्नको लागि ल्याएको र आमा भएकाले आफुले राम्रोसँग हेरचाह गर्न सक्ने बताएकी छिन् । छोरी भेट्न भनेर गएका उनका श्रीमान र अन्य सदस्यबीच ल*फडा परेको छ ।

स्कुलदेखि घरका सबै सदस्यले आमा नै गलत भएको बताउदै आएका छन् भने धेरैले आमा नै गलत भएको बताएका छन् । यस्तो भन्दै गर्दा ती सानी नानिकी आमा पनि प्रमाण सहित मिडियामा आएकी छिन् । बाकी भिडियोमा हेर्नु होला :

यो पनि पढ्नुस

यो संसारको प्रत्येक मानिसहरुलाई धनी नै बन्ने चाहना हुन्छ । किनभने यदि तपाई आर्थिक रुपमा सम्पन्न हुनुभयो भने तपाईको शारिरिक, मानसिक, सवेंगात्मक र अन्य कुराहरुका पनि सबल बन्नुहुन्छ ।

त्यस्तै यसले मानिसहरुलाई मात्र नभएर देवताहरुलाई पनि आर्थिक र धन सम्पत्तीको नाममा केही विवाद ल्याएको हामीले विभिन्न किताबहरुमा पढेका छौ । त्यसैले यो संसारमा सबै मानिसहरु धनसम्पती र पैसा कमाउनको लागी निकै मिहेनत गर्ने गछैन् । त्यसमा कोही सफल बन्छन् भने कोही असफल बन्छन् ।

किनभने कसैको हातमा जति धेरै पैसा भएपनि धन , पैसा केही कारणबाट हानी नोक्सानी भएरै छोड्छ । त्यसैले ज्योतिशी शास्त्रीका अनुसार यी ५ उपायहरु आफ्नो घरमा अपनायो भने तपाईको धन नोक्सानी हुनबाट बचाउन सकिन्छ , हेर्नुस के के हुन् ?

-पहिलो कुरा बेलुका तपाई सुत्ने बेला आफ्नो ओछ्यान नजिकै एक लोटा दूध भरेर राख्नुहोस् । त्यसपछि विहान उज्याले भएपछि बर र पिपलको फेदमा चढाउनुहोस् ।

-दोस्रोमा हरेक सोमबार शिवलिङ्गमा काँचो दूध चढाउने, र भगवान शिवको पूजा आराधना गर्नुभयो भने पनि यो समस्याबाट मुक्ति मिल्छ ।

-तेस्रोमा प्रत्येक विहीबारको दिन पनि नजिकै रहेको शिवलिङ्गमा हलेदोको डांठ चढाएमा पनि जीवनमा आर्थिक हानी नोक्सानीबाट बच्न सकिन्छ ।

-चौथोमा हरेक शुक्रबार माता लक्ष्मीको पुजा आरधना गर्नुपर्छ ।

– र अन्यमा प्रत्येक मंगलबार गणेश भगवान पूजा गरी १०८ पटक मन्त्र जप्यो भने पनि तपाईको जीवनमा हरेक पाइला पाइलामा आउने धन हानी नोक्सानीबाट बच्ने ज्योतिशी शास्त्रीहरुले बताएका छन् ।

Categories
राशिफल

मनकामना माईको दर्शन गरी पौष १५ गते मंगलबारको राशिफल पढ्नुस ! मनकामना माईले सबैको रक्षा गरुन्

मेष (चु, चे, चो, ला, लि, लु, ले, लो, अ)

सामाजिक क्षेत्रमा काम गर्नेका लागि वर्चस्व स्थापना गर्न सकिने दिन छ । साथीभाइ, बन्धुवान्धव र इष्टमित्रबाट राम्रो सहयोग जुटाउन सकिन्छ । अविवाहितहरूमा विपरीतलिङ्गीबाट सहयोग प्राप्त हुनेछ । परिश्रमका माध्यमबाट आम्दानी बढ्ने छ । दिउँसोबाट राज्यभावमा चन्द्रमा जाने भएकाले सामाजिक र सरकारी गतिविधिमा सक्रिय भइने छ।

बृष (इ, उ, ए, ओ, बा, बि, बु, बे, बो)

भाग्यबलमा अभिबृद्धि हुनेछ । धार्मिक वा दार्शनिक गतिविधिमा आकर्षण बढ्नेछ । रोकिएका काम सम्पादन गर्न मद्दत पुग्ने छ । आज भाग्यमा रहेको चन्द्रमा कर्मक्षेत्रमा प्रवेश गर्दैछ, अतः व्यापार गर्नेले बेलुकीपख सोचेजस्तै लाभ लिन सक्नेछन् । लगानीमा रहेको रकम उठाउन गरिएको प्रयास सफल हुनेछ । सामाजिक कामबाट प्रशंसा प्राप्त हुनेछ।

मिथुन (का, कि, कु, घ, ङ, छ, के, को, ह)

परोपकार र धार्मिक क्षेत्रमा लगानी गरेमा राम्रो प्रतिफल पाइने अवसर जुटेको छ । बिहानीपख बौद्धिक र प्राज्ञिक क्षमतामा ह्रास आउनेछ । सृजनात्मक कामबाट आत्मसन्तुष्टि मिल्नसक्दैन । मानसिक खिन्नता र वैराग्य जाग्नेछ । अल्छी लाग्दो समय हुनेछ । तर दिन ढल्नासाथ आज कुनै बिग्रिनै लागेको काम बन्न सक्छ।

कर्कट (हि, हु, हे, हो, डा, डि, डु, डे, डो)

सुरुवातमा मन प्रफुल्ल रहने छ र आत्मबल बढ्नेछ । आफन्तबाट सहयोग र हौसला प्राप्त हुने छ । घरपरिवारबाट भरमग्दुर सहयोग प्राप्त हुने छ । बन्दव्यापारमा राम्रै देखिन्छ, तर ढिलो गरी कार्यसम्पादन हुने सम्भावना छ । साथीभाइ र समाजले तपाईंको भावनालाई ढिलो गरी बुझ्ने छन् । तर अपराह्नमा आठौं घरमा चन्द्रमा पुग्ने भएकाले सचेत हुनुपर्छ।

सिंह (मा, मि, मु, मे, मो, टा, टि, टु, टे)

मनमा उल्लास, हर्ष र आनन्दको वातावरण प्राप्त हुनेछ । अपराह्नपछि सातौं भावमा चन्द्रमाले प्रवेश गर्नेछ, अझ उत्कृष्ट समयको सुरुवात हुनेछ। सबैखालका झैझमेला र अनिष्टहरू मत्थर हुन थाल्नेछन् । लामो दूरीको यात्राको योजना छ भने बेलुकीपख अनुकूल हुन्छ । मन आनन्दप्राप्तिका लागि आकर्षित बन्नेछ।

कन्या (टो, प, पि, पु, ष, ण, ठ, पे, पो)

बन्दव्यापार र पेसाबाट सन्तुष्टि मिल्ने देखिन्छ । बिहानको चिन्तन र सोचले समग्रमा फाइदा नै हुनेछ । छोराछोरीबाट सन्तोष प्राप्त हुनेछ । इष्टमित्रले प्रशंसा गर्नेछन् । तर्क, बहस र वादविवादको स्थिति सिर्जना हुन सक्छ वा कुनै झैझगडा, किचलो र विवादमा मेलमिलापका लागि अहम् भूमिका निर्वाह गर्नु पर्नेछ । अपराह्नपछि निराशा र वैराग्यका भाव मँडारिन थाल्नेछन्।

तुला (र, रि, रु, रे, रो, ता, ति, तु, ते)

घरपरिवारमा खुसीको वातावरण छाउने छ । बन्धुवान्धव र छर–छिमेकीले सहयोग पुर्याउने छन् । प्रतिस्पर्धाबाट फाइदा उठाउन सकिने छ । वैदेशिक क्षेत्रबाट लाभ लिने मौका छ । इष्टमित्र र नातेदारका माझमा सुमधुर सम्बन्ध कायम हुनेछ । बेलुकीपख दार्शनिक र आध्यात्मिक विषयवस्तुको आकर्षण बढ्ने देखिन्छ । लेखन, प्रकाशन र ज्ञानगुनका क्षेत्रमा सक्रियता बढ्ने छ।

बृश्चिक (तो, ना, नि, नु, ने, नो, या, यि, यु)

बिहान सामाजिक र परोपकारका क्षेत्रमा खट्दा मनमा आनन्दको अनुभूति हुनेछ । दिउँसोबाट पारिवारिक र घरायसी प्रयोजनमा समय दिइने छ । खर्च बढे पनि घरायसी सुखसुविधाका सामाग्रीको जोहो हुनेछ । बन्दव्यापारमा लाभै हुनेछ । प्रेमसम्बन्धमा सुधार आउने छ । बेलुका घरायसी समस्याहरू देखापर्न सक्छन् । पतिपत्नी वा प्रेमी/प्रेमिकाका बीचमा मनोमालिन्य हुनसक्छ।

धनु (ये, यो, भ, भि, भु, ध, फा, ढ, भे)

बन्द व्यापार र कृषिक्षेत्रमा मध्यम छ । धनागमका दृष्टिले आजको दिन सामान्यतया ठिकैको दिन रहने छ, तर व्यवहारिक कठिनाइको सामना गर्नु पर्ला । आहारविहार र खानपानको समय बदलिन सक्छ । मानप्रतिष्ठा र सामाजिक मर्यादाप्रति सचेत रहनु होला, बोलीमा खासै प्रभाव रहने छैन । तपाईंको भावनाको कदर नहुनसक्छ।

मकर (भो, ज, जि, खि, खु, खे, खो, गा, गि)

मित्रवर्ग र बन्धुवान्धवले राम्रो सहयोग प्रदान गर्नेछन् । स्वादिष्ट भोजनको अनुकूलता प्राप्त हुनेछ । कुनै भौतिक सामान खरिद गर्नका बेलुकीपख राम्रो छ । नयाँ ठाउँको यात्रा हुनसक्छ वा नयाँ मित्र बनाउँदा मन त्यसै फुरुङ्ग हुनेछ । अपराह्नपछि धनभावमा चन्द्रमा प्रवेश हुनाले आर्थिक पक्षमा उल्लेखनीय लाभ प्राप्त हुनेछ । धनागमका नयाँ योजना बन्न सक्छन्।

कुम्भ (गु, गे, गो, सा, सि, सु, से, सो, द)

परोपकारका क्षेत्रमा आकर्षण बढ्ने छ । आफ्नो निर्णयमा गरिएका कामबाट बेफाइदा हुनेछैन । बन्दव्यापारमा फाइदा नै देखिन्छ । मनमा देखिएका निराशा र खिन्नताको समाप्ति हुनेछ । दुःखसुख, आयव्यय, सफलता–असफलता उस्तैउस्तै होला । सोचे अनुसार विभिन्न ठाउँको यात्रा पनि हुनसक्छ । नयाँ व्यापार वा व्यवसायतर्फ मन आकर्षित हुनेछ।

मीन (दि, दु, थ, झ, ञ, दे, दो, च, चि)

पशुपालन र कृषिव्यवसायमा सफलता प्राप्ति हुनेछ । तर्क, वहस र वादविवादमा विजय प्राप्त हुनेछ । धार्मिक गतिविधि, दर्शन र अध्यात्मतर्फ लाग्न प्रेरणा प्राप्त हुनेछ । चिन्तनमूलक काममा सक्रियता बढ्ने छ । कुनै सरकारी काम भए दिनभरिमा सिध्याउनु राम्रो हुन्छ । अपराह्नपछि द्वादश चन्द्र हुनाले पेसा वा बन्दव्यापारमा ध्यानकेन्द्रित हुँदैन।

Categories
रोचक

सर्वश्रेष्ठ फल प्राप्ति गर्न मंगलवार हनुमानको यसरी गर्नुस् पुजा

काठमाडौं । शास्त्रअनुसार कलियुगमा सबैभन्दा चाँडै प्रसन्न हुने देवताका रुपमा हनुमानजीलाई लिइन्छ । मंगलबार हनुमानजीको जन्म भएको र यो दिन हनुमानजीको विशेष पूजा–अर्चना गरे सर्वश्रेष्ठ फल प्राप्ति हुने विश्वास गरिन्छ । हनुमानजीलाई प्रसन्न पार्न सकेको खण्डमा त्यस्ता व्यक्तिको कार्य आफै सम्पन्न हुने भनाइ पनि छ ।

भगवान श्री रामका परम भक्त हनुमानजीको पूजामा केही विशेष कुरामा ध्यान दिनु पर्ने पण्डितहरुको भनाइ छ । मंगलबारको दिन हनुमानजीको पूजा–पाठ गर्ने व्यक्तिलाई सफलता, शौभाग्य मिल्नुका साथै मांगलिक दोष तथा क्रोध नियन्त्रण जस्ता दुष्प्रभावबाट मुक्ति मिल्नेछ । यस्तै जीवनको सबै मनोकांक्षा पूरा हुने शास्त्रमा उल्लेख छ ।

हनुमानजीलाई प्रसन्न गर्न हनुमान चालिसाको पाठ वा सुन्दरकाण्डको पाठ गर्नु उत्तम हुनेछ । बिहान हनुमानजीको प्रसादको रुपमा गुड, नरिवल, लड्डु चढाउनु पर्छ ।
हनुमानजीको पूजा गर्ने व्यक्तिले ब्रह्मचर्यको पालना गर्न आवश्यक हुन्छ । सफासग्घर रहनुका साथै फोहोरी कुराबाट टाढा रहनु पर्दछ । शरीर तथा मनलाई पनि सँधै शुद्ध राख्नु पर्दछ । पूजामा रातो वा पहेलो रंगको फूल विशेष रुपमा चढाउनु पर्छ । यस्ता फूलमा कमल, गुलाब आदिको विशेष महत्व रहन्छ ।

महाभारतमा पनि हनुमानको महत्वपूर्ण भूमिका, पढ्नुहोस् रोचक कथा‘

रामायणका महत्वपूर्ण पात्र रुद्रअवतार हनुमानलाई ‘चिरञ्जीवी’ वानर पनि भनिन्छ, यानिकी ‘अमर वानर’। जबसम्म धर्तीमा मनुष्यहरूले राम नाम जपिरहन्छन्, तब सम्म रामभक्तहरूको सेवा गर्ने अठोट लिएपछि राम र सीताले उनलाई ‘अमरत्व’को वरदान दिएको रामायणमा उल्लेख गरिएको छ।

हनुमान अझै जिउँदै छन्, यस्ता छन् प्रमाण
यसैकारण नै द्वापरयुगमा घ टेको महाभारत घट नामा पनि त्रेतायुगका हनुमानको महत्वपूर्ण भूमीका रहेको महाभारत ग्रन्थबाट थाहा पाउन सकिन्छ।

भीम र हनुमानको भेट
द्वापर युगमा हनुमानले महाबली कुन्तीपुत्र भीमको परीक्षा लिने निर्णय गरे। महाभारतको ‘वनपर्व’को प्रसङ्गअनुसार, एकचोटि द्रौपदीले भीमलाई सुगन्धीत फूल ल्याउनको लागि आग्रह गरिन् र भीम पनि फूल खोज्न वनतर्फ लागे। जाँदै गर्दा भीमले एक वृद्ध वानरलाई बाटो नै छेक्ने गरी लम्पसार परेर सुतिरहेको अवस्थामा देखे। कुनै पनि प्राणीलाई नाघेर जानु उसको अप मान हुने भएकोले भीमले वानरलाई आफ्नो पुच्छर हटाउन आग्रह गरे।

त्यस वानरले भने “हे वीर, म असाध्यै वृद्ध छु, आफूखुशी पुच्छर चलाउन पनि सक्दिनँ। तिमीलाई कता जानुपर्नेरु अवेर भयो होला, मेरो पुच्छर तिमी आफै हटाऊ र जाऊ।”

त्यसपछि भीमले त्यस वानरको पुच्छर उठाउन आफ्नो १० वटा हात्तीको बल लगाउँदा पनि उठाउन सकेनन्, उठाउनको कुरा त परै जाओस्, हल्लाउन पनि सकेनन्। तब भीमलाई महशुस भयो कि त्यो कुनै साधारण वानर होइन, र उनले सोधे “हे वानर १ तिमी को हौ रु” तब वानररूपी हनुमानले आफ्नो वास्तविक रूप धारण गरे र भीमलाई आफ्नो बलप्रति घ मण्ड गर्नुहुँदैन भनी आशिर्वाद दिएर गए।