Categories
ताजा समाचार

मलेशियाको जागीर, श्रीमती पोइला गइन, जीवन मरण अस्पतालको शैयामा लडि राखेको अवस्था (भिडियो सहित)

कठै! डायलसिस गर्ने पैसा समेत नभएर हस्पिटल छोड्नुपर्ने यो दर्दनाक पीडा! पाटन अस्पतालको सैयामा छटपटाई रहेका यी राजु पाख्रिन हुन्। नुवाकोट जिल्ला सूर्यगढी गाऊँ पालिका वडा नं २ कुवापानी स्थायी घर भई,हाल पाटन अस्पतालमा उपचाररत दुवै मृगौला पिडित राजु पाख्रिनको दर्दनाक भिडियो ।

२०६३ सालमा वैदेशिक रोजगारीका सिलसिलामा राजु मलेशिया गएका थिए,उनले काम गर्ने कम्पनी राम्रो नभएका कारण उनले मलेशियामा लुकेर चार वर्ष काम गरेको ऊनी बताउँछन्।मलेशियाकै हस्पिटलमा चेक गराउँदा फोक्सोमा पानी जमेको रिपोर्ट आएपछि दिन् प्रतिदिन झनै गाह्रो हुनथाल्यो।पाख्रिन साथीहरुको सहयोगमा नेपाल आएका थिए।

भर्खरै मात्र पाटन अस्पतालमा भर्ना भएका पाख्रिनको डाक्टरहरुले दूवै मृगौला फेल भएको प्रमाणित गरीदिएपछि अहिले यो परिवारमा ठूलो बज्रपात परेको छ।उनको एक नावालक छोरी र बृद्ध आमा मात्र साथमा छन्।जीवन संगीनीले पनि साथ छोडेको तीतो यथार्थलाई सम्झेर ऊनी भक्कानिए।अहिले उनको पाटन अस्पतालमा डायलसिस भईरहेको छ।

आर्थिक अभावका कारण हस्पिटलमा बस्न गाह्रो भएको कुरा उनका परिवारले सुनाउँदा मेरो पनि मन थामीएन।जीवन र मृत्युको मुखमा अझैपनि बाँच्ने आशा बोकेर अस्पतालको सैयामा छटपटाई रहेका राजुलाई सहयोग गर्न चाहनुहुन्छ भने सिधा सम्पर्क:-दाजु चन्द्र पाख्रिन 9813591323 भाउजु लक्ष्मी पाख्रिन 9841209862 र प्रत्यक्ष पिडितलाई नै सहयोग गर्न चाहनुहुन्छ भने तल फोटोमा खाता नम्बर पनि उपलब्ध हामीले गराएका छौ।

पुरा भिडियो हेर्नुहोस :

म एक चोटी मर्ने पर्थियो तर छिट्टै मर्ने रहेछु! अरुलाई खुसीनै पारेर मरुला भनेको थिए। रास्ट्रिय जुनिएर खिलाडी अजय तामाङ (भिडियो सहित)

भोजपुर जिल्ला षडानन्द नगरपालिका वडा नं ८ स्यामिङ स्थायी घर भई हाल गोकर्णेश्वर नगरपालिका नारायनटार जोरपाटीमा अस्थायी बसोबास गर्दै आएका जुनियर उसु खेलाडी १८ वर्षिय अजय तामाङलाई बोन्म्यारो क्यान्सर भएको छ।

केही समय ओम हस्पिटल एण्ड रिसर्च सेन्टरमा उपचार गराएका अजयलाई अहिले आर्थिक कठिनाईका कारण हस्पिटलबाट निकालिएको छ। उनको उपचारका लागि ३० देखि ३५ लाख सम्म लाग्न सक्ने उनका बुबा प्रेम बहादुर तामाङले जानकारी दिए। आफ्नो छोरालाई बचाईदिनका लागि स्वदेश तथा विदेशमा रहेका नेपाली आमा बुबा दाजु भाई तथा दिदी बहिनीहरु सँग अपिल गरेका छन्। एउटा राष्ट्रका लागी खेल खेली रहेका जुनिएर खिलाडीको लागी राज्य बाट अहिले सम्म कुनै सहयोग न मिलेको पिडितका बाबाले जानकारी गराउनु भयो ।

उनलाई सहयोग गर्न चाहनुहुने महानुभावहरुका लागि सिधा सम्पर्क:
अजयका बुबा प्रेम बहादुर तामाङ, मोबाइल नम्बर: 9849446739 / 980322730
प्रेम बहादुर तामाङ, सिटिजन बैंक, खाता नम्बर 0060100000973041

सके सहयोग गरीदिनुहोला, नसके एक शेयर गरिदिनुहोला।

Categories
ताजा समाचार

मङ्सिर २७ मा आउने गरि सिनेमा १२ सत्ताइस को पोस्टर सार्वजनिक

निर्देशक जोन योञ्जनको निर्देशनमा तयार भएको सिनेमा ु१२ सत्ताईस ु ले तिहारको अवसर पारेर शुभकामना सहित चलचित्रको फष्टलुक पोस्टर सार्वजनिक गरेको छ। सार्वजनिक पोस्टरमा सिनेमा भित्रका सम्पूर्ण प्रमुख पात्रहरुलाई स्थान दीईएको छ। डेब्यु निर्देशक जोन योञ्जन निर्देशनमा तयार भएको यस सिनेमामा प्रमुख कलाकारहरु समिरश्रेष्ठ,अभिषेक नेपाल ,काजि राना , अस्मिता लामिछाने,समरांत थापा ,अभोन राज उप्रेती ,भिष्म जोशी लगायतकाको प्रमुख अभिनय रहेको छ। फरक भिजोल कमेडी फ्लेबरमा बनेको यस सिनेमाले ३ जना युबा बेरोजगारहरुको कथा समेटेको छ। उत्कृष्ट सिनेमा बनाउन स्टार काष्ट नै चाहिन्छ भन्ने छैन कथा र पात्र बलियो भए सिनेमा राम्रो बन्छ र हाम्रो सिनेमाले नि दर्शकको मन जित्छ ू निर्देशक जोन योञ्जन।

ह्याप्पी प्ल्यानेट फिल्मस र कमेरो फिल्म स्क्रिनको संयुक्त ब्यानरमा निर्माण भएको यस सिनेमा लाई रेणु राना ,दिपक खातियोडा ,र रुपक थापाले निर्माण गरेकाछन भने चलचित्रका लागी सह निर्माताको रुपमा गौतम शाहाको लगानी रहेको छ। आगामी मङ्सिर २७ गते बाट प्रदर्शनमा आउने यस सिनेमा लाई काफिया फिल्म्स र श्री ब्याङ्कटेश ईण्टरटेण्टमेण्टले बितरणको जिम्मा लिएको छ। निर्देशक जौंन योञ्जन कै कथा रहेको यस सिनेमामा दिपक आर्जेको संगीत रहेको छ। प्रकाश मल्ल शब्द रहेको यस सिनेमा लाई अनिश स्याङ्गदेनले खिचेका छन् चलचित्र कृष्ण भण्डारीले सम्पादन गरेका छन। चलचित्रलाई सरोज श्रेष्ठले संचार ब्यबस्थापनको जिम्मा लिएका छन।

रम्परागत शैलीमा जोहेब र सुजनको नयाँ देउसी गीत सार्बजनिक  [भिडियो ]

नेपालीहरुको महान चाड तिहारको  पारेर गायक जोहेब मानन्धर र सुजन ढकालको देउसी गीत ” झिली र मिलि साझको बेला ” [देउसी रे] को भिडियो सार्बजनिक भएको छ। निकै नै मौलिक र परम्परागत शैलीमा तयार पारिएको यो मीठो देउसी गीतको शब्द र सङीत चर्चित गायक  संगीतकार  जोहेब मानन्धरको नै रहेको छ। अहिलेको समयमा  मौलिकता हराइरहेको बेला गायकद्वयको यस  गीतले सङीत प्रेमीहरुलाई आफ्नो नेपालीपन को आभास दिलाउने पक्का देखिन्छ। बेजोड शब्द सङीत सङ्ग मिठो स्वरको समिश्रणले गीत मन मोहक बनेको छ भने भिडियोमा पनि त्यही परम्परागत शैलीमा निर्माण गरिएको छ । गीतमा मौलिक शब्दको प्रयोग र संगीत मादल , सारंगीको तालमेल एक्दम राम्रो सुनिएको छ । आफूलाई भर्सलस्टाईल  गायक अनि सङीतकारको रुपमा चिनाउन्दै आएका गायक जोहेब मानन्धर हरेक पटक गीतमा नौलोपन पस्कन माहिर छ्न अर्का नवगायक सुजन ढकाल अहिले युबा पुस्ता माझ चर्चित गायक हुन पप शैलीका गीतहरु गाउने गायक द्वय को यो देउसी गीतले तिहारको भावना लाई प्र्कट गर्न सफल भएका छ्न।

गीतको अरेन्ज्मेन्ट चर्चीत एरेन्जर  सन्दिप कार्कीले गरेका छ्न भने मिक्स्सिङ रेकर्डिङमा पिक स्टुडियो दिनेश राजबहाक छ्न। अखिल बास्तोलाको सिनेमाटोग्राफी र माधब बेलबासेको सम्पादन रहेको भिडियोको डाइरेक्सन माधब अधिकारीले गरेका हुन। सानो देखि हरेक तिहारमा देउसी भैलो खेल्दै हुर्केको हुनाले यो तिहार चाडको मलाइ विशेष महत्व छ ,सानोमा सधै  साथीभाइ सङ्ग देउसी खेल्दा आफू अग्रपंक्तिमा बसेर देउसी भट्टाउने र मादल बजाउने गर्थे र साङितिक छेत्रमा लागिसके पछि देउसी भैलोको गीत बनाउने सोच पहिले देखि नै थियो यसपाली चाहि जुर्यो गायक जोहेब भन्छन । “हामी अर्को एउटा म्युजिकल प्रोजेकटमा काम गर्दै  छौ र कुरा नै कुरामा एकदिन  जोहेब जीले यो देउसी गीतको कम्पोज सुनाउनु भो, निकै नै मीठो संगीत  र एक्दम मौलिक शब्दले सजिएको गीत मलाइ पनि सारै मन पर्यो र अर्को प्रोजेक्टलाई पछि राखेर यो गीत पहिला गरेका हौ आशा छ सम्पुर्ण नेपालीहरुले तिहार गीतलाई माया दिनु हुन्छ होला अर्का गायक सुजन ढकाल भन्छन

https://www.youtube.com/watch?v=y2ZL-M6iNks
Categories
ताजा समाचार

रजिता लामिछानेको पहिलो गीत परलै मन पर्‍यो सार्वजनिक । (भिडियो सहित )

पछिल्लो चरणमा नेपाली संगीत क्षेत्रमा नयाँ कलाकारहरुको आगमन बढ्दो छ । संगीत क्षेत्रमै पनि धेरैको रुचि गायनमा रहँदै आएको छ । कतिले रियालिटि शोको माध्यमहरुबाट आफुलाई अगाडि बढाईरहेका छन् भने कतिले आफैलेनै गीतहरु रेकर्ड गरेर श्रोता दर्शकसामू आफु र आफ्नो कलालाई पु¥याईरहेका छन् ।

यसै क्रममा नवगायिका रजिता लामिछानेले पनि आफ्नो पहिलो गीत परलै मन प¥यो बजारमा ल्याएकी छिन् । एक्का कम्पनीको युट्युव च्यानलबाट सार्वजनिक गरिएको गीतमा शव्द, संगीत राज कुमारको , एरेञ्ज संजय हमालको रहको छ भने गीतको गिटारिष्टमा संजीव वराईली ,रेकर्डिष्टमा अजय सिंह कार्की, मिक्सिङमा चन्द्र चौधरीको रहेका छन ।

कला क्षेत्रमा लाग्नको लागि कमै अभिभावकहरुले आफ्ना छोराछोरीलाई प्रेरित गर्दछन् तर रजिताका बुवा रामचन्द्र लामिछानेले भने छोरीलाई उनको रुचि अनुसार संगीत सिक्न , गीत रेकर्डिङ गर्न आफुले सक्दो सहयोग गर्दै आएका छन् । सफलता असफलता आफ्नो ठाउँमा छ तर संगीतको अध्ययन महत्वपुर्ण हुन्छ भनेर बुवा रामचन्द्रले छोरीलाई विगत लामो समयदेखि डोरमी संगीत पाठशालामा संगीत अध्यापन गराईरहेका छन् ।

चर्चित संगीतकार अनि संगीत गुरु भानुभक्त ढकालसँग संगीत सिकिरहेकी रजिता आगामी दिनमा पनि संगीत अध्ययनलाई निरन्तरता दिने बताउँछिन् । गीत सार्वजनिक भएसँगै साथीभाई, आफन्त अनि शुभचिन्तकहरुबाट पाएको प्रतिक्रियाले आफुमा हौसला आएको अनि केहि कमी कमजोरीहरु भए आगामि दिनमा सच्याँउदै लैजाने रजिता बताउँछिन् ।

प्राय चलेका कलाकारहरुले गाएका र चलेका कलाकारहरुले खेलेका अनि लाखौ रकम बुस्ट गरेर प्रमोसन गरिएका गीतहरु मात्र श्रोता दर्शकले हेरि र सुनिदिनाले नयाँ कलाकारहरुले निकालेका राम्रा गीतहरुले पनि भनेजस्तो सफलता नपाईरहेको हुदाँ नयाँ कलाकारहरुलाई पनि सपोर्ट गरिदिनुहुन र गीत संगीत हेरिदिनु सुनिदिनुहुन रजिता आग्रह गर्दछिन् ।

Categories
ताजा समाचार

एक महिनाअघि बागलुङमा बिहे गरेकी युवती कालीगण्डकी नदी किनारमा मृ*त फेला

एक महिनाअघि बागलुङमा बिहे गरेकी युवती कालीगण्डकी नदी किनारमा मृ त फेला परेकी छन्। बागलुङ नगरपालिका–३ मा विवाहित १८ वर्षीया विजु जिसी मंगलबार दिउँसो कालीगण्डकी नदी किनारमा मृ त फेला परेकी हुन।

पर्वतको बिहादी गाउँपालिका–१ बाच्छामा पर्ने कालीगण्डकी किनारमा माछा मार्न गएका स्थानीयले जिसीलाई मृ त अवस्थामा फेला पारेका थिए। जिसी असोज १७ गतेदेखि हराउनुभएको थियो।

पर्वत जिल्लाको जलजला गाउँपालिका–५ लेकफाँट गैरागाउँ माइती भएकी जिसीले गएको भदौमा बागलुङ नगरपालिकाको गुठी निवासी असिम खड्कासँग प्रेम विवाह गर्नुभएको थियो। विवाहपछि परिवारले अस्वीकार गरेको र परिवारकै यातनाका कारण घर छाडेर हिँडेको भनेर मृ तकका माइती पक्षले खोजी गरिदिन जिल्ला प्रहरी कार्यालय बागलुङमा निवेदन दिएका थिए।

मृ तक जिसीको श व पोस्टर्माटमका लागि पर्वत जिल्ला अस्पताल कुस्मामा राखिएको छ। घटनाबारे अनुसन्धान भइरहेको जिल्ला प्रहरी कार्यालय पर्वतका प्रहरी निरीक्षक राजन रायमाझीले जानकारी दिनुभयो। नेपाल समाचार पत्रमा खबर छ ।

Categories
ताजा समाचार

सुरक्षा प्रदान गर्न प्रहरी संगठनमा भर्ना हुन आएकी एक महिला प्रहरी प्रशिक्षार्थी प्रहरी नायव निरीक्षक (सई) द्वारा तालिम केन्द्रभित्रै बला*त्कृत

नेपालगन्ज– जनतालाई शान्ति, सुरक्षा प्रदान गर्न प्रहरी संगठनमा भर्ना हुन आएकी एक महिला प्रहरी प्रशिक्षार्थी तालिम केन्द्रभित्रै बला’त्कृत भएकी छन्। कर्णाली प्रदेश प्रहरी तालिम केन्द्र नेपालगन्जमा प्रहरी जवान पदको तालिम लिईरहेकी महिला प्रशिक्षार्थी बला’त्कृत भएकी हुन्। यो खबर नागरिक न्युज अनलाइनमा अर्जुन ओलीले लेखेका छन् ।

सोही तालिम केन्द्रमा कार्यरत प्रहरी नायव निरीक्षक (सई) बमबहादुर रानाले तीन दिनअघि ब्यारेकभित्रै करणी गरेको पीडितले बताएकी छन्। प्रहरी स्रोतका अनुसार विगत ३ महिनादेखि ती पीडित महिलाले जवान पदको तालिम लिदै आएकी थिईन्। सई रानाले आफुलाई विभिन्न दबाव दिएर करणी गरेको पीडितको भनाई छ। प्रहरी बन्ने सपना बोकेर तालिम गरिरहेकी युवती प्रहरीबाटै यस्तो भएपछि पीडितका आफन्तले आक्रोश व्यक्त गरेका छन्।

‘प्रहरी बनेर देशको सेवा गर्लिन भनेर पठाएका थियौं, तर तालिम केन्द्र भित्रै प्रहरीबाट हाम्री चेली करणीको शिकार भईन्,’ एक आफन्तले भने ‘भित्र भिदै दोषीलाई बचाउन हरेक प्रयास गरे, तर पीडितले हिम्मत गर्दा यो कुरा बाहिर आएको हो।’ पीडितका आफन्तले दोषीमाथी कडा कारबाही गर्नुपर्ने माग गरेका छन्।

महिला प्रहरी प्रशिक्षार्थीलाई करणी गरेको आरोपमा जिल्ला प्रहरी कार्यालय बाँकेले सई रानालाई पक्राउ गरिसकेको जनाएको छ। कर्णाली प्रदेशका प्रहरी प्रमुख एवम् प्रहरी नायव महानिरीक्षक (डिआईजी) पुर्णचन्द्र जोशीले बलात्कारको घटना सार्वजनिक भएपछि पीडितको बयानका आधारमा सई रानामाथी अनुसन्धान सुरु गर्न निर्देशन दिइएको बताए।

‘करणीको घटनाबारे पीडितबाट कम्प्लेन आयो, त्यसपछि प्रहरीलाई बोलाएर अनुसन्धान गर्न जिम्मा लगाईएको छ,’ डिआईजी जोशीले नागरिक न्यूजसँग भने। घटनाको निश्पक्ष अनुसन्धान गर्न उनले बाँके प्रहरीलाई निर्देशन समेत दिएका छन्।

प्रहरी तालिम केन्द्रले भने घटनाको विषयमा प्रतिक्रिया जनाएको छैन्। दोषीलाई कारबाहीको दायरामा ल्याउनुको साटो तालिम केन्द्रले उक्त घटनालाई गुपचुप राख्ने प्रयास गरेको पीडित पक्षको आरोप छ।

पीडितको जाहेरीका आधारमा रानालाई पक्राउ गरी अनुसन्धानका लागि बाँके जिल्ला अदालतबाट म्याद थप गरिएको जिल्ला प्रहरी कार्यालय बाँकेका प्रवक्ता एवम् डिएसपी शिव सिंहले जानकारी दिए। सई रानाले महिला प्रहरी प्रशिक्षार्थीलाई तालिम केन्द्रभित्र करणी गरेको उजुरी परेपछि पक्राउ गरी अनुसन्धान सुरु गरिएको उनले बताए। ‘प्रतिवादी रानालाई घटनाको अनुसन्धानका लागि ज’बरज’स्ती करणी मुद्दामा अदालतबाट म्याद थप गरेर अनुसन्धान सुरु गरिसकेका छौं,’ सिंहले भने।

Categories
अन्तरास्ट्रिय

जापानमा आएको ‘हागिबिस’ नामक शक्तिशाली आँधीका कारण ६४ को निध*न, कैयौँ व्यक्ति बेप*त्ता तथा घाइ*ते (हेर्नुहोस तस्विर सहित)

जापानमा आएको ‘हागिबिस’ नामक शक्तिशाली आँधीका कारण निधन हुनेको सङ्ख्या ६४ पुगेको छ । जापानको राष्ट्रिय प्रसारण संस्था एनएचकेले मङ्गलबार दिएको जानकारीअनुसार निधन हुनेको सङ्ख्या ६४ पुगेको र अझै बढ्न सक्ने आशङ्का गरिएको छ । खोजी तथा उद्धार जारी रहेको र कैयौँ व्यक्ति बेपत्ता तथा घाइते रहेकाले निधन हुनेको सङ्ख्या अझ बढ्नसक्ने अनुमान गरिएको जनाएका छन् ।

आँधीबाट विद्युतीय लाइनमा आएको अवरोधका कारण धेरै क्षेत्रलाई असर गरिरहेको छ, जापानी उद्योग मन्त्री ईशु सुगवाराले ३४ हजार व्यक्ति बिजुलीविना बसिरेहका पुष्टि गर्नु भएको छ । सुगवाराका अनुसार आँधीले कडा प्रभावित चिवा प्रान्तमा १८ हजार घर बिजुलीविहीन छन, नागानो प्रान्तका १२,००० घर बिजुलीविहीन रहेका छन् ।

सबै घरहरु सुरक्षित रूपमा बिजुली फिर्ता हुनको लागि एक हप्तासम्म लाग्न सक्ने बताइएको छ । तेह्र वटा प्रान्तको १ लाख ३३ हजार घरहरुका पानी आपूर्ति बन्द भएको स्वास्थ्य मन्त्रालयले जनाएको छ ।

विनासकारी आँधीपछि अझै पनि बेपत्ता रहेका व्यक्तिको खोजी र उद्धारका लागि सेना पनि परिचालन गरिएको बताइएको छ । आँधीका कारण विभिन्न स्थानमा डरलाग्दो पहिरो गएको र पानीको सतह बढेका कारण नदी किनाराका घर डुबानमा परेका छन् । आँधीका कारण जापानमा भइरहेको लोकप्रिय रग्बीको विश्वकप प्रतियोगिता नै ओझेलमा परेको छ ।

आँधीका कारण तीनवटा खेल रद्द भइसकेका छन् तर जापान र स्कटल्याण्डबीचको खेल भने तोकिएको समयमै हुने आयोजकले बताएका छन् । हागिबिस आँधी जापानको होन्सु द्वीपमा शनिबार साँझ ७ बजे प्रवेश गरेको थियो । प्रतिघण्टा २१६ किलोमिटरभन्दा बढीको वेगमा रहेको यो आँधीलाई जापानमा पछिल्लो समय आएको सबैभन्दा शक्तिशाली आँधी मानिएको छ ।

Categories
ताजा समाचार

प्रधानमन्त्रि केपी शर्मा ओलीले दशैँको टिका बुवाको हातबाट ग्रहण,पत्नी राधिका शाक्य थाम्न सकिनन् हाँसो जब बुवाले दिए यस्तो मज्जाको आशिर्वाद (हेर्नुहोस भिडियो सहित)

प्रधानमन्त्रि केपी शर्मा ओलीले दशैँको टिका बुवाको हातबाट ग्रहण गरेका छन् । प्रधानमन्त्री कार्यालयमा टिका ग्रहण गर्दै केपी ओलीले आशिर्वाद लिएका छन् । बुवासंग टिका ग्रहण गरे संगै प्रधानमन्त्रीले भिआईपिहरुलाई टिका लाइदिएका छन् भने सर्वसाधरणहरु ले पनि टिका लाइदिएका छन् ।

प्रधानमन्त्री ओलीले मंगलबार अपरान्ह २ बजेर ३६ मिनेटमा प्रधानमन्त्रीको सरकारी निवास बालुवाटारमा बुबा मोहनप्रसादको हातबाट बडा दसैंको टीका र जमरा ग्रहण गरेका हुन् । त्यसपछि प्रधानमन्त्री ओलीले पत्नी राधिका शाक्यलाई दसैैंको टीका र जमरा लगाई दिए ।

उपप्रधानमन्त्री एवम् रक्षामन्त्री ईश्वर पोखरेल, मन्त्रीहरु, नेकपाका नेताहरु, सांसदहरु, मुख्यसचिव लोकदर्शन रेग्मी, प्रधानसेनापति पूर्णचन्द्र थापा, गृहसचिव प्रेमकुमार राई, आफ्ना सुरक्षाकर्मीहरु र सचिवालयका अन्य सदस्यहरुलाई टिका र जमरा लगाई सर्वसाधरण लाइ टिका लाईदिएका हुन् ।

राष्ट्रपतिबाट प्रधानमन्त्रीलगायत विशिष्ट महानुभावलाई टीका
राष्ट्रपति विद्यादेवी भण्डारीले बडा दशैँका अवसरमा आज शीतल निवासमा प्रधानमन्त्री केपी शर्मा ओलीलगायत विशिष्ट महानुभावलाई टीका लगाउनुभएको छ ।

राष्ट्रपति भण्डारीले प्रधानमन्त्री ओली, उहाँकी धर्मपत्नी राधिका शाक्यसहित विशिष्ट महानुभावलाई टीका लगाउनुभएको हो ।

यसैगरी, राष्ट्रपति भण्डारीले प्रधानन्यायाशीध चेलेन्द्रशमशेर राणा, राष्ट्रियसभाका अध्यक्ष गणेशप्रसाद तिमल्सिना, उपप्रधानमन्त्री ईश्वर पोखरेल, मन्त्रीगण, संवैधानिक निकायका प्रमुख, उच्च अधिकारी, नेपाल कम्युनिष्ट पार्टी (नेकपा)का महासचिव विष्णु पौडेललगायतलाई टीका लगाउनुभयो ।

Categories
ताजा समाचार

सिरहामा हिन्दु मुस्लिमबीच झडप, १६ जना घाइते

सिरहा, असोज २३
सिरहा नगरपालिकामा हिन्दु र मस्लिमबीच झपड हुँदा १६ जना घाइते भएका छन् । नगरपालिकाको वडा नम्बर १२ का सारस्वरका दुई टोलमा बसोबास गर्ने समुदायबीच दुर्गा मेला हेर्न गइरहेको बेला धार्मिक विषयमा झडप भएको हो ।

धारिलो हतियारसहित झडप हुँदा चार महिलासहित १६ जना घाइते भएका हुन् । नवटा टोल र मेनटोलका बासिन्दाबीच भएको झडपमा अधिकांशको शरिरमा धारिलो हतियार प्रहार भएको प्रहरी निरीक्षक उमाशंकर प्रसार यादवले बताए ।

घाइतेमध्ये ९ जनालाई थप उपचारका लागि विराटनगर पठाइएको छ । बाँकीको जिल्ला अस्पतालमा उपचार भइरहेको छ । प्रहरीले दुबै टोलका बासिन्दालाई नियन्त्रणमा लिएर अनुसन्धान थालेको छ ।

प्रहरी निरीक्षक यादवका अनुसार केही वर्ष पहिले पनि मस्लिम समुदायका युवाहरुले हिन्दु समुदायका महिलाहरुलाई अभद्र व्यवहार गरेको भन्दै विवाद भएको थियो । जसले पछि ठूलो रुपसमेत लिएको थियो । पछि त्यसलाई सर्वपक्षीय छलफलमार्फत मिलापत्र गरिएको थियो ।

यो पनि हेर्नुहोस-थाहा पाउनुहोस् किम जोङ ऊनकी श्रीमतीबारे यी रोचक कुराहरु

उत्तर कोरियाली नेता किम जङ-अनकी श्रीमतीको परिचयसँग जोडिएको प्रश्नको जवाफ खोज्न गाह्रो छ किनकि त्यो प्रश्न रहस्यले घेरिएका किम जङ-अनसँग सम्बन्धित छ। किम जङ-अनका सन्तानको संख्याबारे पनि अहिलेसम्म वास्तविक जानकारी छैन। सन् २०१२ को गर्मीयामदेखि रि सोल-जु सार्वजनिक रुपमा देखिन थालेकी हुन्। त्यसको केही समयपछि सरकारी सञ्चारमाध्यमले रि सोल-जु किम जङ-अनकी श्रीमती भएको बताउन थाले तर त्यसअघिको पनि उनको जीवन एउटा पहेली जस्तै छ।

केही सञ्चारमाध्यमका अनुसार उनी एक गायिका थिइन्। तर केही सञ्चारमाध्यमहरु रि सोल-जु राष्ट्रिय खेलकुद टोलीकी ‘चीयरलीडर’ भएको बताउँछन्। उत्तर कोरिया लिडरशीप वाच वेबसाइटकी सहयोगी सिएर म्याडनले बीबीसीसँग कुरा गर्दै भनिन्, “रि सोल-जुको बिहे सन् २००९-१० मा भएको थियो। त्यसअघि उनी एक गायिका र चीयरलीडर थिइन्, उनले जापान र दक्षिण कोरियाको यात्रा पनि गरेकी थिइन्।”

रि सोल-जुको जीवनबारे यो भन्दा बढी जानकारी उपलब्ध छैन। उनको उमेरबारे उत्तर कोरियाली शासकको तर्फबाट कुनै जानकारी उपलब्ध गराइएको छैन। तर रि सोल-जुको उमेर ३० वर्षभन्दा बढी नभएको ठानिन्छ।

विशेषज्ञहरुका अनुसार किम जङ-अन सन् १९८३ वा १९८४ को ज्यानुअरी ८ मा जन्मिएका हुन्। सधैँ मुस्कुराइरहने र सार्वजनिक कार्यक्रममा किम जङ-अनसँगै देखिने रि सोल-जुको तुलना पूर्व अमेरिकी प्रथम महिला मिशेल ओबामासँग गरिन्छ। म्याडनका अनुसार उत्तर कोरियामा रि सोल-जुको भूमिका मिशेल ओबामाभन्दा कम हुन सक्दैन। पछिल्लो समय क्षेप्यास्त्र परीक्षण र सौन्दर्य उत्पादक कम्पनीको उद्घाटन लगायतका कार्यक्रममा रि सोल-जु किम जङ-अनसँगै देखिएकी थिइन्।

हालसालै कैयौँ मुलुकले उत्तर कोरियालाई विलाशी सामानहरु निर्यात गर्न बन्द गरेका छन्। त्यसलाई मध्यनजर गर्दै सौन्दर्य सामाग्रीको अभाव नहोस् भनेर उत्तर कोरियाले त्यसको उत्पादन थालेको बताइन्छ।

किम जङ-अनले श्रीमती रि सोल-जुलाई आफूसँगै सार्वजनिक कार्यक्रममा उपस्थित गराएर एउटा परम्परा पनि तोडेका छन्। उनका बुवाले आफ्नी श्रीमतीहरुलाई सार्वजनिक कार्यक्रममा उपस्थित गराउने गरेका थिएनन्। म्याडन भन्छिन्, “यो नयाँ कुरा नै हो किनकि रि सोल-जुलाई उत्तर कोरियामा आमाको स्थान दिन थालिएको छ।” उत्तर कोरियाको सत्तारुढ परिवारबारे अवलम्बन गरिने गोपनीयताका कारण किम जङ-अनका सन्तानको संख्याबारे पनि वास्तविक जानकारी छैन।

दक्षिण कोरियाली गुप्तचर निकायका अनुसार रि सोल-जुले गत फेब्रुअरीमा तेस्रो बच्चा पाएकी थिइन् तर बच्चाको लिङ्ग र नामबारे केही थाहा हुन सकेको छैन। पछिल्लो वर्षको सात महिनाजति रि सोल-जु सार्वजनिक रुपमा नदेखिएपछि त्यतिबेला उनी गर्भवती भएको अनुमान गरिएको थियो।

रि सोल-जुले पहिलो बच्चा सन् २०१० मा र दोस्रो बच्चा सन् २०१३ मा पाएको बताइन्छ तर बाह्य संसारलाई बच्चाहरुको लिङ्गबारे थाहा हुन नसकेकोले किम जङ-अनको उत्तराधिकारीबारे केही अनुमान गर्ने अवस्था छैन। अनजानमा बास्केटबल खेलाडी डेनिस रोडम्यानले किम जङ-अनका दोस्रो सन्तान छोरी भएको सार्वजनिक गरेका थिए।

गार्डियन पत्रिकालाई सन् २०१३ मा दिएको अन्तर्वार्तामा उनले किम जङ-अन एक असल व्यक्ति भएको र उनकी एक छोरी पनि रहेको बताएका थिए। बिदा मनाउने क्रममा किम जङ-अनकी छोरीलाई हातमा लिएर आफूले खेलाएको रोडम्यानले बताएका थिए।

हालै किम जङ-अनले आफ्नी बहिनी किम यो-जङलाई नीति निर्माणको तहमा पुर्‍याउँदै थप अधिकार प्रदान गरेका थिए। सार्वजनिक कार्यक्रममा प्रायः किम जङ-अनसँगै देखिने ३० वर्षीया किम यो-जङले दाइको सार्वजनिक छवि बनाउनमा भूमिका निर्वाह गरेको ठानिन्छ।

 

Categories
ताजा समाचार

चिनियाँ राष्ट्रपति नेपाल आउँदा तीन घण्टा सवारी साधन नचल्ने

आगामी शनिबारदेखि हुने चिनियाँ राष्ट्रपति सी जिनपिङको नेपाल भ्रमणलाई लिएर सुरक्षा निगरानी बढाइएको छ । सी भ्रमणका बेला हुनसक्ने सम्भावित जोखिमलाई मध्यनजर गर्दै सुरक्षा व्यवस्था मजबुत बनाइएको हो । उनको भ्रमणलाई लिएर नेपाली सेना समेत परिचालन गरिएको छ । दुई दिने नेपाल भ्रमणमा रहने राष्ट्रपति सीलाई उच्च सुरक्षासहित सोल्टी होटलमा राखिने छ ।

सी नेपाल उत्रनासाथ साल्टी होटेल पुगेर सिधै राष्ट्रपति विद्यादेवी भण्डारीलाई भेट्न सितलनिवास पुग्ने कार्यक्रम छ । यो समयमा करिव ३ घण्टा सवारी आवागमन ठप्प हुने स्रोतले जनाएको छ । दुई दिने नेपाल भ्रमणका लागि चिनियाँ राष्ट्रपति शनिबार नेपाल आउँदैछन् । चिनियाँ राष्ट्रपतिको भ्रमण तय भएपछि पराष्ट्रमन्त्रालय तीव्र तयारीमा जुटेको छ ।

बुधबारमात्रै परराष्ट्र मन्त्रालयले भ्रमण तालिका सार्वजनिक गरेको थियो । बुधबार नै परराष्ट्रमन्त्री प्रदीप ज्ञवालीले सीको भ्रमण तालिकाबारे राष्ट्रपति विद्यादेवी भण्डारीलाई ब्रिफिङ गरेका थिए । दुई दिने नेपाल भ्रमणका क्रममा सीले राष्ट्रपति विद्यादेवी भण्डारी, प्रधानमन्त्री केपी शर्मा ओली लगायतसँग भेटवार्ता गर्ने कार्यक्रम तय भएको परराष्ट्र मन्त्रालयले जनाएको छ । सोही क्रममा महत्वपूर्ण सम्झौतामा हस्ताक्षर हुनेछ ।

यो पनि हेर्नुहोस -चिनियाँ राष्ट्रपति सीको स्वागतमा राखिएको ब्यानर च्यात्ने २ जना समातिए

चिनियाँ राष्ट्रपति सी चिन फिङको स्वागतका लागि भइरहेको तयारीलाई बिथोल्ने गतिविधी गरेको आ*रोपमा प्रहरीले काठमाडौंबाट दुई जनालाई नि*यन्त्रणमा लिएको छ। बिजुली बजार पुल, तिनकुने पुल क्षेत्रमा राखिएको ब्यानर च्यातेको आ*रोपमा प्रहरीले गोपाल सार्की र राजकुमार ठाकुरलाई प*क्राउ गरेको हो ।

उनीहरु दुबैलाई महानगरीय प्रहरी वृत्त बानेश्वरमा राखिएको छ । प*क्राउ परेका दुई जनामाथि अनुसन्धान चलिरहेको प्रहरीले जनाएको छ। शनिबार नेपाल आउन लागेका राष्ट्रपति सिको स्वागतका लागि केही दिनअघिबाट सरकारले भब्य तयारी थालेको छ भने सु*रक्षा व्यवस्था कडा पारेको छ।

Categories
मनोरंजन

नेपथ्य ब्याण्डको ‘खान्न म त लाम्पाते सुरति, लाउँ कि नलाउँ जुग जाने पिरती’ को कन्सर्टको एकझलक (हेर्नुहोस भिडियो सहित)

लोकरक ब्याण्ड नेपथ्यको चर्चित गीत ‘लाम्पाते सुरति’ अब युट्युबमा उपलब्ध हुने भएको छ। ‘पप संगीत’बाट सुरुभएको ब्याण्ड नेपथ्यलाई ‘लोक रक ब्याण्ड’मा रुपान्तरण गरेको एल्बम ‘रेशम’मा समेटिएको यो गीतका गीतकार सरुभक्त हुन्।

‘आज भोलि के भयो के भयो, कसले कसले स्वाट्ट यो मन छोयो, खान्न म त लाम्पाते सुरति लाउँ कि नलाउँ जुग जाने पिरती’

‘नेपथ्यको पाँच वटा सर्वोत्कृष्ट गीतको सूची तयार पार्नुपरे म एकदेखि पाँचसम्मै लाम्पाते सुरतिलाई राख्छु,’ लेखक कुमार नगरकोटी भन्छन्, ‘त्यसपछि छैठौंबाट मात्र मेरा निम्ति नेपथ्यका अन्य राम्रा गीतको गणना सुरु हुन्छ।’

यो गीतलाई पोखराका गन्धर्वहरुले भाका हालेर अलिक बेग्लै पाराले गाउँदै आएको हुनाले आफूले केटाकेटी उमेरमै सुनेको गायक अमृत गुरुङ बताउँछन्। ‘त्यसै भाकालाई माटेपानीको जग्गु भनिने ईश्वर गुरुङ दाइले गितारको धुनमा मिसाएर असाध्यै मिठोसँग सुनाएका थिए,’ अमृत सम्झन्छन्, ‘तर, त्यसका शब्दहरुले मलाई छोएन।’

अमृतका अनुसार त्यतिबेला गीतको शब्द थियो– ‘घर त मेरो पातीले बारेको, रक्सी मिठो ङोल्स्योले पारेको, खान्न म त लाम्पाते सुरति, लाउँ कि नलाउँ जुग जाने पिरती’

धुन मिठो भइकन पनि गीतको शब्द उति मन नपरेपछि पोखराकै लेखक सरुभक्तकहाँ गएपछि यस गीतको सुन्दर रुपान्तरण हुन पुगेको अमृत सुनाउँछन्। ‘दाइले नयाँ शब्द तयार पारेपछि यो गीतै झलमल्ल बलेजस्तो भयो,’ अमृत भन्छन्, ‘त्यसको लगत्तै रेशम एल्बमको तयारीका क्रममा यसको रेकर्डिङ पनि थालिहालेका थियौं।’

‘रेशम’ एल्बमको शिर्ष गीतको भिडियो उतिबेलै तयार भएर अत्यधिक लोकप्रियता हासिल गरेको थियो। त्यसै एल्बमको यो अर्को चर्चित गीतले भने लगभग दुई दशकपछि भर्खरै मात्र श्रब्यदृश्यमा आउन पाएको छ।

संसारभर ब्याण्डहरुले आफ्ना चलेका गीतहरुलाई ‘लाइभ रेकर्ड’ गरेर श्रव्य-दृश्य संस्करण पुनः सार्वजनिक गर्ने प्रचलनअनुसार याे गीतकाे भिडियाे हो। गत वर्ष नेपथ्यले ‘नेपाल टुर’ गर्दाको संग्रहबाटै यो भिडियो तयार पारिएको हो। लाइभ कार्यक्रममा आधारित यस भिडियोले गायक अमृत गुरुङको दर्शकहरुसँग सम्वाद गर्ने मौलिक शैलीलाई पनि समेटेको छ।

हिजोआज एल्बमको प्रचलनले अर्थ गुमाउँदै गएको अवस्थामा नेपालयले यसका प्रत्येक सिर्जनाहरु आइट्युन, गुगल प्ले र स्पोटिफाइजस्ता ‘भर्चुअल स्टोर’हरुका माध्यमबाट सार्वजनिक गर्दै आएको छ। त्यसबाहेक ब्याण्ड र उसका श्रोताहरुलाई नजिक्याउन युट्युब पनि एक प्रभावकारी माध्यम बन्दै गएको छ।