Categories
रोचक

१४ हिमाल चढ्छु भन्दा निर्मल पुर्जा मगरलाई हेरेर मानिस हाँस्थे

काठमाडौं । सात महिनामा विश्वका अग्ला १४ हिमाल चढ्छु भन्दा निर्मल पुर्जा मगरलाई हेरेर मानिस हाँस्थे । पूर्वबेलायती सैनिकसमेत रहेका म्याग्दीका पुर्जा हुँदा खाँदाको जागिर छाडेर हिँडेका थिए । त्यसैले धेरैले उनलाई मूर्ख भने थोरैले आँटिलो ।

तर पुर्जाले आफूलाई ‘मुर्ख’ भन्नेहरुलाई गलत सावित गरिसकेका छन् । ३१ दिनमा ८ हजार मिटर अग्ला ६ हिमाल चढिसकेका उनी पहिलो चरणको विश्राममा छन् ।

Image result for निर्मल पुर्जा मगर

‘प्रोजेक्ट पोसिबल’ नाम दिएर ८ हजार मिटर अग्ला १४ हिमाल ७ महिनामा चढ्ने लक्ष्य बनाएर बढेका पुर्जा आफ्नो कामले मानव जातिकै साहस र कर्मको कथा भनिरहेको विश्वास गर्छन् । सकारात्मक सोच र मेहनतले हरेक कुरा सफल हुन्छ भन्ने ठान्ने पुर्जालाई हेर्दा लाग्छ, साच्चै नसकिने भन्ने काम नै पो छैन कि !

आफू कुनै कीर्तिमान बनाउन हिमाल नचढेको बताउने पुर्जाले गरेका कामले भने हरेक पटक केही कीर्तिमान बनिरहेका छन् । उनले सगरमाथा, लोत्से र मकालु हिमाल ४८ घण्टामै आरोहण गरे । यसअघि पाँच दिनमा आरोहण गरेर आफैंले बनाएको कीर्तिमान उनले तोडेका हुन् ।

वैशाख १० गते ८ हजार ९१ मिटर अग्लो अन्नपूर्ण हिमालबाट पहिलो चरणको आरोहण सुरु गरेका पुर्जाले त्यसको १८ दिनपछि वैशाख २९ मा ८ हजार १ सय ६७ मिटर अग्लो धवलागिरी हिमाल चढे ।

धवगागिरी चढेको दुई दिनपछि जेठ १ गते उनले ८ हजार ५ सय ८६ मिटर अग्लो कञ्चनजङ्घा, जेठ ८ गते ८ हजार ८ सय ४८ मिटरको सर्वोच्च शिखर सगरमाथा र ८ हजार ५ सय १६ मिटरको लोत्से साथै जेठ १० गते ८ हजार ४ सय ८१ मिटरको मकालु हिमालको सफल आरोहण गरे ।

मकालुपछि पहिलो चरणको विश्राममा रहने पुर्जाले अब पाकिस्तानको ८ हजार ६ सय ११ मिटर अग्लो माउन्ट केटु, ८ हजार १ सय २६ मिटर अग्लो नागा पर्वत, ८ हजार ४७ मिटर अग्लो ब्रोड पिक, ८ हजार १० मिटर अग्लो जी वान र ८ हजार ३५ मिटर अग्लो जी टु, ८ हजार १ सय ८८ मिटर अग्लो चो यु र ८ हजार २७ मिटर अग्लो शिशापाङ्गमा साथै नेपालकै ८ हजार १ सय ६३ मिटर अग्लो मनासलु हिमाल आरोहण गर्ने छन् । जसलाई उनले दुई चरणमा पूरा गर्ने छन् ।

Image result for निर्मल पुर्जा मगर

पहिलो चरण पूरा गरेका उनले दोस्रो चरणमा आउँदो १८ गतेदेखि असार १६ गतेसम्म के टु, नागा पर्वत, ब्रोड पिक, जी वान र जी टु चढ्ने छन् । तेस्रो चरणमा भदौ १५ देखि कात्तिक १५ सम्ममा मनासलु, शिशापाङ्गमा र चो यु चढ्ने छन् ।

१४ अग्ला हिमाल ७ महिनामा आरोहण गर्न लागेका पुर्जाले भन्दाअघि १४ हिमाल आरोहणको कीर्तिमान ७ वर्ष, ११ महिना १४ दिनको रहेको छ । जसलाई पोल्याण्डका जर्जी कुकुज्काले १९८७ मा पूरा गरेका थिए । त्यसअघि १६ वर्ष लगाएर १९८६ मा इटालीका रिइनहोल्ड मेस्नेरले पनि ८ हजार मिटर अग्ला १४ हिमाल चढेका थिए ।

त्यही कामलाई पुर्जाले ७ महिनामा आँटेकैले उनलाई मानिसहरु मुर्खको संज्ञा दिइरहेका थिए । हुन पनि केही नौलो काम गर्न थोरै मुख्र्याइँ चाहिने भएरै पनि हो कि पुर्जा आफूले आँटेको काममा दृढ छन् ।

पहिलो चरणमा ६ हिमालको आरोहण गरेर फर्किएपछि काठमाडौंमा भेटिएका उनमा थकानको श्लेष पनि देखिँदैन । बरु अगाडिका दुई चरणको आरोहणका लागि आवश्यक सहयोग कसरी जुट्ला भन्ने सोचमा मग्न देखिन्छन् ।

‘पहिलो चरण सफल बनाउन धेरै कुराबाट अघि बढ्नुपर्‍यो । मैले मेरो घर बेचेँ, केही सहयोग जुट्यो । यो सबैका बीच मानिसहरुले असम्भव भनेका काम मैले गरेर देखाएँ । अझै दोस्रो र तेस्रो चरण पनि पूरा गर्न सक्छु भन्ने विश्वासमा छु’ उनले भने ।

मौसम र अन्य कठिनाइका कारण समस्यामा परेका आरोहीलाईसहयोग गर्दै अघि बढेका पुर्जाले मकालुबाट फर्किएपछि केही समय परिवारसँग बिताइरहेका छन् । पुर्जाको टोली अन्नपूर्णमा चढेर फर्किँदा चौथो क्याम्पमा आइपुग्दा एक आरोही हराएको सुने ।

अन्नपूर्णमा हराएका सिंगापुरका डाक्टर विइ किन चिनलाई पुर्जाकै साहसले भेटिएको थियो । ‘त्यो समय ‘प्रोजेक्ट पोसिबल’लाई बिर्सिएर हामी हराएकाको खोजीमा लागेका थियौं । हुन पनि मान्छेको जीवनभन्दा ठूलो कुरा अर्को छैन, तर पनि मेहनतका बाबजुद हामीले बचाउन सकेनौं’ उनले सुनाए ।

यस्तै पुर्जाको टोलीले कञ्चनजङ्घामा भारतीय आरोही विप्लव बैद्य, कुन्तल करारलाई पनि आफूले लगेको अक्सिजन दिएर सहयोग गरेका थिए ।

यसपटक अन्नपूर्णमा बाटो पहिल्याउन चार पटकसम्म लागेको उनलाई धवलागिरीमा भने हावाको तीव्र गतिका कारण केही कठिनाइ पनि आइपरेको थियो । सगरमाथामा भएको ‘ट्राफिक जाम’को तस्वीर पनि उनी पुर्जाले आफ्नो क्यामेरामा कैद गरेका थिए, जुन विश्वभर फैलियो । यो सबैका बीच पुर्जाको उत्साह भने अझ उचो बनिरहेको छ ।

‘हामी सबैको जीवनमा केही न केही कथा हुन्छ । जीवन जिउन केही ठूला कारण आइदिँदा तब परिवार र नजिकका साथीले केही सम्झौता गरिदिनु पर्छ’ आरोहणमा जानुअघि आमासँग बिदाइ भएको तस्वीर इन्स्टाग्राममा राख्दै उनले लेखेका थिए, ‘बेलायती सेनामा हुँदा परिवारलाई सहयोग गरिरहेको म अहिले भने फरक भएको छ । आमालाई मैले हिमाल चढेको मनै पर्दैन । तैपनि उहाँले मेरो मिसनका लागि शुभकामना दिनुभएको छ ।’

यसबाट पनि पुर्जाले हिमाल आरोहणको कठिन यात्रामा कसरी साहस जुटाइरहेका छन् भन्ने थाहा हुन्छ । गएको वर्ष पाँच दिन लगाएर सगरमाथा, लोत्से र मकालुको सफल आरोहण गरेपछि नै पुर्जाले ७ महिनामा विश्वका अग्ला १४ हिमाल चढ्ने योजना बनाएका थिए ।

‘म त्यो बेला थाकेको थिइनँ । म अझै गर्न सक्छु भन्ने लागिरहेको थियो । हिमालको वातावरण मेरो शरीर अनुकुल नै छ । तर मानिसहरु मैले असम्भव काम आँटेको बताइरहेका थिए’ उनले भने, ‘विश्वमा मानव जाति जस्तो गजव कुरा अरु केही छैन ।

आँट्ने हो भने सकिन्छ, होइन भने बेलायती आर्मीको जागिर छाडेर म किन यहाँ आए त ?’

उनलाई लाग्छ मानिस कहाँबाट आयो भन्ने भन्दा महत्वपूर्ण मान्छेले के गर्‍यो भन्ने हुन्छ । आफूलाई कमजोर सोचर पछाडि पर्न जरुरी छैन । आँट गरेर अगाडि बढ्ने हो भने विश्व जित्न सकिन्छ ।

‘यो मेरो कसैसँग प्रतिस्पर्धा होइन, घमण्ड पनि होइन, आफ्नो विश्वास र सपनाको यात्राको निरन्तरता मात्रै हो’ उनी भन्छन्, ‘मैले जे गरिरहेको छु त्यो राष्ट्रिय गौरवकै काम हो जस्तो लाग्छ । मानव जातिकै कर्मको विश्वास बढाउन केही गर्न सकेँ कि भन्ने लाग्छ ।’

नेपाल भ्रमण वर्ष २०२० लाई पनि सहयोग पुगोस् भन्ने सोचिरहेका पुर्जा हिमाल आरोहणमा आफू मात्र अगाडि देखिए पनि त्यसका पछाडि सहयोग गर्ने धेरै जना रहेको बताउँछन् । ‘म एक्लैले त यो सबै सम्भव नै छैन । मेरो टिम हुँदा मात्रै पनि सबै सम्भव छैन । हरेक मान्छेको सहयोगले मात्रै यो सम्भव बनिरहेको हो’ उनले भने ।

पुर्जाका लागि कुनै हिमाल सजिलो या कुनै हिमाल अप्ठ्यारो भन्ने छैन । उनलाई हिमाल आरोहणमा सबै कुरा मिल्दै जाँदा पनि सहज हुने लाग्छ । हुन पनि विश्वमै सजिलो भनिएका हिमालले नै आफूलाई ठूला पाठ सिकाएको उनी सुनाउँछन् ।

पहिलो चरणमा ६ वटा हिमालको आरोहण सकाएपछि अब उनलाई एउटै डर छ, यसपछिको आरोहण रकम अभावका कारण समस्यामा पो पर्छ कि । थोरै हाँसो मिश्रित भावमा उनी भन्छन्, ‘किड्नी बेच्ने कुरा भएन त्योबाहेक सक्ने जति सबै गरिसकेको छु । अब बाँकी आठ हिमालका लागि झण्डै ५ लाख डलर आवश्यक छ ।’

प्रोजेक्ट पोसिबलका लागि आवश्यक आर्थिक सहयोग विभिन्न व्यक्ति र संस्थाहरुबाट भइरहे पनि त्यो पर्याप्त नरहेको उनका सहयोगी वेन्डी फोउक्स बताउँछन् । त्यसका लागि प्राजेक्ट पोसिबलको ‘गो फण्ड मि’ मार्फत सहयोगी हातहरु जुट्ने विश्वासमा उनी छन् ।

उनको विश्वास पुर्जाले गरेर देखाएको काम र आँटसँग जोडिएको छ । ७ महिनामा १४ हिमाल चढिसक्ने योजनामा बढेका उनी कुनै पनि हालतमा त्यसालाई नलम्ब्याउने पक्षमा छन् ।

भन्छन्, ‘त्यसका लागि सतप्रतिशत मेहनतका साथ अघि बढ्छु । यदि आर्थिक अभावमा सकिएन नै भने पनि दुःखी हुने छैन, कुनै अर्को कामका लागि मेहनतमा लाग्नेछु ।’

Categories
ताजा समाचार

आज पनि मेघ गर्जन र हावाहुरीसहित वर्षाको सम्भावना

काठमाडौँ, जेठ १७–पश्चिमी वायुको प्रभावले देरभरको मौसममा आंशिकदेखि सामान्य बदली रही पूर्वी र मध्य भागका केही स्थान तथा पश्चिमी पहाडी भेगका थोरै स्थानमा मेघ गर्जन र हावाहुरीसहित वर्षाको सम्भावना देखिएको छ ।

बाँकी भू–भागको मौसम भने सामान्यतया सफा रहने मौसम पूर्वानुमान महाशाखाले जनाएको छ । प्रि–मनसुन भएकाले लगातार झरी नहुने र तुलनात्मक पूर्व र मध्य क्षेत्रका पहाडी भूभागमा बढी वर्षा हुने देखिएको महाशाखाका मौसमविद् बरुण पौडेलले जानकारी दिए । पश्चिम क्षेत्रमध्ये पोखरामा मौसम बदली हुनेछ ।

पश्चिमी वायुको प्रभावसँगै केही पूर्वी वायुको पनि मिश्रण रहेकाले बुधबारदेखि मुलुकका विभिन्न स्थानमा बढी वर्षा भएको जानकारी दिँदै उहाँले पश्चिम तराईमा झण्डै १५ दिनदेखि जमीन तातेकाले शनिबारदेखि मौसममा बदली भई वर्षाको सम्भावना रहेको बताए ।

पछिल्लो २४ घण्टाको मौसमी तथ्याङ्क हेर्दा काठमाडौँमा सबैभन्दा बढी ११ मिलीमिटर वर्षा भएको छ ।

शनिबार र आइतबार पनि देशैभरिको मौसममा आंशिकदेखि सामान्य बदली रही पूर्वी तथा मध्यभागका केही र पश्चिमी पहाडी भेगका थोरै स्थानमा मेघ गर्जनसहित वर्षाको सम्भावना देखिएको महाशाखाले जनाएको छ । नेपालमा सामान्यतया जुन १० बाट मनसुन शुरु हुन्छ । तर यस समयबाहेक अगाडि पछाडि हुनसक्ने महाशाखाले जनाएको छ ।

Categories
ताजा समाचार

मोटरसाइकल दाइजो नल्याएको निहुँमा श्रीमतीको हत्या

मोटरसाइकल दाइजो नल्याएको निहुँमा श्रीमती हत्या गरेको आरोपमा पिपरा गाउँपालिका–१ का २५ वर्षीय बलेश्वर यादवलाई प्रहरीले बिहीबार पक्राउ गरेको छ ।

२० वर्षीया विमलादेवी यादवको हत्यामा माइती पक्षले किटानी जाहेरी दिएपछि बलेश्वर र उनका बुबा ५५ वर्षीय शंकर यादव पक्राउ परेका हुन् । मंगलबार विमलाको शंकास्पद मृत्यु भएको थियो ।

विमलादेवी यादवका श्रीमान र परिवारले दाइजोका लागि हत्या गरेको माइती पक्षले आरोप लगाएका छन् । माइती पक्षले विमलाका श्रीमान, सासु, ससुरा र नन्दहरु मिलेर हत्या गरेको प्रहरीमा जाहेरी दिएका छन् । उक्त जाहेरी परेपछि विमलाका श्रीमान र ससुरा पक्राउका हुन् ।

सासु र नन्दहरु फरार रहेकाले खोजी भइरहेको प्रहरीले जनाएको छ । विमलाका बुवा कमलेश यादवले तीन वर्ष पहिले छोरीको विहे गर्दा पाँच लाख नगद, सुनचाँदीलगायत सबै सामान दिए पनि ज्वाईले मोटरसाइकल माग गर्दै आएको बताए ।

६ सन्तान भएकाले जेठी छोरीकै विवाहमा धेरै ऋण गर्न असमर्थ भएर मोटरसाइकल दिन नसकेको उनले बताए ।

विमलाका बुवा कमलेश यादवले तीन वर्ष पहिले छोरीको विहे गर्दा पाँच लाख नगद, सुनचाँदीलगायत सबै सामान दिए पनि ज्वाईले मोटरसाइकल माग गर्दै आएको बताए । ६ सन्तान भएकाले जेठी छोरीकै विवाहमा धेरै ऋण गर्न असमर्थ भएर मोटरसाइकल दिन नसकेको उनले बताए ।

‘मोटरसाइकलका नदिएको भनेर कुटपिट गरेको छोरीले भन्दै आएकी थिइन,’ उनले भने, ‘ज्वाई र उनका ससुराले कुटपिट गरिहन्थे । त्यहि कारणले छोरीका हत्या गरेका हुन् ।’

जिल्ला प्रहरी कार्यालय महोत्तरीका प्रहरी निरीक्षक विज्ञान बस्नेतले घटना शंकास्पद रहेको बताए । थप अनुसन्धान र पोष्टमार्टम रिपोर्ट आएपछि वास्तविकता खुल्ने उनले बताए ।

Categories
ताजा समाचार

कुञ्जना घिमिरे आक्रोसित हुँदै संलग्न सबैले माफी माग्दै क्षतिपुर्ती दिनु पर्ने माग गरिन् (भिडियो सहित)

काठमान्डौ , चितवनमा निर्माणधिन अवस्थामा रहेको गौतम बुद्ध अन्तराष्ट्रिय क्रिकेट रंगशाला निर्माण स्थलको बारमा डोजर लगाईएपछि यस घटनाको चौतर्फी आलोचना भईरहेको छ । नेकपाका स्थानीय नेतासमेत रहेका प्रकाश कँडेल, धुर्मस–सुन्तली फाउण्डेसनको साइट कार्यालयका घरबेटी सुरेन्द्र विकसहितका व्यक्तिहरुले रंगशालाको बार भत्काईदिएपछि यसको निकै बिरोध भयो ।

घटनाको व्यापक आलोचनपछि संलग्नहरु प्रक्राउ परिसकेका छन् । घर परिवार , भोक केही नभई देशका लागि रंगशाला निर्मााण् गर्न लाग्दा भएको अवरोधपछि सिताराम कट्टेल धुर्मुसले मन मात्र दुखाएनन् आँसु नै खसाले ।

बार भत्किएको देखेका उनले जीवनमै यो भन्दा कारुणिक दृश्य नदेखेको भन्दै रोए । घटनापछि कुञ्जना घिमिरे पनि चितवन आईपुगेकीछिन् । उनले रंगशालाको बार भत्काएपछि आक्रोसित हुँदै संलग्न सबैले माफी माग्दै क्षतिपुर्ती दिनु पर्ने माग गरिन् ।

उनले डोजर रंगशालाको बारमा नभई बिदेशमा खाडीमा रगत र पसिनामाथि चलेको बताईन् ।

उनले भनिन् “सबै नेपालीहरुको मन भत्काईएको छ । रंगशालामा यतिबेला जति पनि संरचनाको काम भईरहेको छ सबै खाडीमा रगत पसिना बगाएर काम गर्ने , आफनो तरकारी खाने खर्च कटाएर दिएको दाजुभाईको पसिनामाथि डोजर लगाईयो” ।

उनले डोजर लगाउन नेतृत्व गर्ने र बार भत्काउँन संलग्न रहेका सबै स्थानीयहरुले सजाय पाउँनु पर्ने माग गरिन् । त्यतीमात्र होईन । ती व्यक्तिहरुबाट क्षतिपुर्ती भराउँनु पर्ने उनले बताईन् ।

उनले भनिन् “बार भत्काउँनेलाई देश देशद्रोही भन्छु त्यस्ता देश बिरोधी हरुलाई कडा भन्दा कडा सजाय हुनु पर्छ ।डोजर लगाउँने मुख्य प्रकाश कँडेलको पृष्ठभुमीको बारेमा नै खोजतलास हुनु पर्छ ।

अपराधीलाई प्रहरीले नियन्त्रणमा लिएको छ त्यसले चित्त बुझ्दैन।त्यसलाई खुले आम देखाउनु पर्छ । जुत्ताको माला लगाउँनु पर्छ । रकम सहयोग गर्ने सबैसंग घुँडा टेकेर माफी माग्नु पर्छ” ।

उक्त घटनाले आफनो मन भत्किएको , मन रोएको बताउँदै उनले स्थानीयले रंगशाला निर्माणको घोषणा गर्दा घडा राखेर स्वागत गरेको तर रंगशालाको बार भत्काउँदा स्थानीय एक जुट नभएको भन्दै उनले गुनासो पोखिन् ।

उनले धुर्मुससंगै कामदारहरुको पनि ज्यान नै जोखिममा परेको भन्दै उनले भनिन् रंगशालाको काम तब मात्र सुरु हुन्छ जब धुर्मुस सुन्तलीको मात्र होईन रंगशालामा काम गर्ने कामदार , संरचनाको सरोकारवालाहरु र स्थानीयहरुले ध्यानार्कषण गर्दै रंगशाला निर्मााणको लागि सकुशल वातावरण सृजना गर्छन् तब मात्र हामीले यो कामको थालनी गर्नेछौँ ।

Categories
ताजा समाचार

तापक्रम बढेर तातो हावा अर्थात् ‘लु’ चल्न थालेपछि बाँकेको जनजीवन प्रभावित भएको छ

तापक्रम बढेर तातो हावा अर्थात् ‘लु’ चल्न थालेपछि बाँकेको जनजीवन प्रभावित भएको छ । जल तथा मौसम विज्ञान विभाग फिल्ड कार्यालय नेपालगञ्जका अनुसार तापक्रम गत सातादेखि ३८ देखि ४२ डिग्री सेल्सियस आसपास रहेको छ । तापक्रमस्थिर भएसँगै एक सातादेखि तातो हावा (लु) चलिरहेको छ ।

अत्यधिक तापक्रमका कारण दिउँसो घरबाट बाहिर निस्कने अवस्था छैन । गर्मी र तातो हावाका कारण विशेष गरी ग्रामीण क्षेत्रका विद्यालयको पठनपाठन प्रभावित भएको छ । विद्युत् आपूर्तिसमेत अनियमित हुँदा नेपालगञ्जलगायत आसपास क्षेत्रका बासिन्दाको जनजीवन थप कष्टकर बनेको छ ।

विद्युत् प्राधिकरण कार्यालय नेपालगञ्ज वितरण केन्द्रले सकेसम्म विद्युत् आपूर्ति नियमित गर्ने प्रयास गर्दै आएको छ । गर्मी बढ्दै गएपछि सरकारी तथा गैरसरकारी कार्यालयमा सेवाग्राहीको उपस्थिति पात लिएको छ । बजारमा चिसो पेय पदार्थको बिक्री ह्वात्तै बढेको छ ।

गर्मी अत्यधिक बढेसँगै यहाँका दुई स्थानीय तहले एक सातासम्म विद्यालय बन्द गर्ने निर्णय गरेका छन् । प्याब्सन, एन प्याब्सन र क्रिसाले कोहलपुर नगरपालिका र वैजनाथ गाउँपालिकाका सबै विद्यालय बन्द गर्ने निर्णय गरेका छन् ।

प्याब्सन कोहलपुरका अध्यक्ष यम रावतले गर्मीका कारण जेठ १९ देखि २४ गतेसम्म विद्यालय बन्द गर्ने निर्णय गरिएको जानकारी दिए ।

“बालबालिकाको स्वास्थ्यलाई ध्यानमा राख्दै विद्यालय बन्द गर्ने निर्णय गरेका हौँ । यस पटक दिइएको बिदालाई वर्षे बिदामा कटौती गरिनेछ”, अध्यक्ष रावतले भने ।

गर्मीका कारण सरुवा रोगका बिरामीको चाप बढ्दै गएको चिकित्सकले बताएका छन् । भेरी अस्पताल, नेपालगञ्ज मेडिकल कलेज शिक्षण अस्पताललगायत अस्पतालमा बिरामीको चाप बढेको छ । ‘लु’बाट बच्न खानपानमा ध्यान दिनुका साथै पानीलाई उमालेर वा छानेर खान चिकित्सकले सुझाव दिएका छन् ।

दैनिक प्रयोग गर्ने भाँडाकुँडा सफा राख्ने, खाना खानुभन्दा अघि र पछि हात राम्रोसँग साबुन पानीले धुनुका साथै अत्यावश्यकीय कामबाहेक दिउँसोको समयमा बाहिर ननिस्कन चिकित्सकले सुझाएका छन् ।

भेरी अस्पताल नेपालगञ्जका मेडिकल सुपरिटेण्डेन्ट डा रुपानन्द अधिकारीले उपचार गर्न आउने अधिकांश भाइरल ज्वरोका बिरामी रहेको बताए ।

अस्पतालका अनुसार बहिरङ्ग कक्षमा भर्ना भएकामध्ये आधा ज्वरोका बिरामी छन् । दैनिक १०० भन्दा बढी जना उपचारका लागि आउने गरेका छन् । गर्मी बढेपछि बिरामीको सङ्ख्यामा वृद्धि भएको हो ।

अस्पताल भर्ना हुने अधिकांश बिरामी सरुवा रोगका छन् । गाउँका स्वास्थ्य चौकीमा पनि बिरामीको उत्तिकै चाप छ । बजार क्षेत्रका निजी अस्पताल र क्लिनिकमा पनि उपचार गर्न आउने बिरामीको सङ्ख्या अत्यधिक छ । (रासस

Categories
ताजा समाचार

एउटा विभत्स हत्याकाण्डबाट ज्यान जोगाएका लोकेश उनी अझै त्रासमा के हो यथार्त ?

मुखमा ‘निबुलाइजार माक्स’ जोडिएको छ । हातमा सलाइन पानी चढाइएको । ट्रमा सेन्टरको ‘बेड नम्बर ५२६’ मा एकजना किशोर घरि यता पल्टन्छन् त घरि उता । ‘गर्मी भयो’ भन्ने संकेत गर्दै ‘निबुलाइजर माक्स’ खोल्न खोज्छन् । अनुहारबाट खलखली पसिना आइरहेको छ ।

एउटा विभत्स हत्याकाण्डबाट ज्यान जोगाएका उनी अझै त्रासमा देखिन्छन् । अस्पतालको शैय्यामा देखाएको गतिविधिबाट आत्तिएको र उकुसमुकुस भएको प्रष्ट हुन्छ ।

होसमा आउँदा यत्ति मात्र बोल्न सक्छन्, ‘ढोका खोल्नासाथ हजुरबुवालाई हिर्कायो । उहाँ ढल्नुभयो । हजुरआमालाई हिर्कायो, हजुरआमा पनि ढल्नुभयो । म भाग्न खोज्दा मलाई नि हिर्कायो, म पनि ढलेँ ।’

पाँच दिनअघि (गत शनिबार)

दार्चुला जिल्ला । महाकाली नगरपालिलका । जाख गाउँ ।

लोकेश महरा हजुरबुवा वीरमान र हजुरआमा द्रौपतीसँगै पसलमा थिए । साँझ झमक्क परेपछि खाना खाएर सुते । राति भएपछि सुत्नु र बिहान सबेरै उठ्नु उनीहरुको दैनिकी थियो । तर, त्यो दिनबाट उनीहरुको दैनिकी बिग्रियो । बिहान सबेरै वीरमानले पसल खोल्न सकेनन् । द्रौपतीले चिया उमाल्न पाइनन् । किनकी, सदाझैँ उनीहरु सकुशल ब्युझिएनन् । एक लयमा चलिरहेको जिन्दगीमा अकस्मात ‘ब्रेक’ लाग्यो ।

त्यस्तो घटना त्यो क्षेत्रमा घटेको ‘रेकर्ड’ थिएन । घटना देखेर पुरै गाउँका मानिसहरु त्रसित थिए ।

७५ वर्षीय वीरमान र ७० वर्षीया द्रौपतीको हत्या गर्नुपर्ने कारण के थियो त ? मानिसका आआफ्नै अड्कल थिए । घटना प्रकृति हेर्दै उनीहरुले गरेको अड्कल डरलाग्दो थियो । घटना पनि त कम विभत्स थिएन !

शनिबारको दिन । मध्यरात । गाउँ सुनसान भइसकेको थियो । सदाँझै लोकेश हजुरबा/हजुरआमासँगै पसलमै सुतेका थिए । उनको बुवा रोजगारको लागि दिल्लीमा थिए । आमा पसल नजिकै गाउँमा । पसलमा हरेक दिन उनीहरु तीन जनामात्रै सुत्थे ।

मध्यरातमा कसैले टिनको छानोमा ढुंगा बर्सायो । छानो बजेपछि वीरमान उठे । केही क्षणमै ढोकामा ढुंगो बज्रियो । वीरमानले ढोका खोले । ढोका खोल्नासाथ उनको टाउकोमा अजगंको चिर्पट बज्रियो । उनी चिच्याउन थाले ।

हजुरबाको चिच्याहटले लोकेश ब्यूँझिए । हजुरआमा पनि अत्तालिँदै ढोकामा पुगिन् । हजुरआमामाथि पनि चिर्पट बज्रियो । हजुरबा हजुरआमाको अवस्था देख्दा लोकेश तर्सिए । अर्धनिध्रामा रहेका उनी त्यहाँबाट भाग्न खोजे । उनको टाउकोमा पनि चिर्पट बज्रियो । त्यसपछि उनी बेहोश ।

आइतबार बिहान, साढे सात बजे

लोकेशकी हजुरआमा बिहान उठेर नजिकै रहेको घर जान्थिन् । लोकेश पनि स्कुल जानको लागि सबेरै घर पुग्थे । त्यो दिन अबेरसम्म उनीहरु घर पुगेनन् ।

लोकेशको बहिनी पसल पुगिन् । पसल खुल्लै थियो । हजुरबुवा, आमा र लोकेश लडिरहेका थिए । वीरमानको शरीरभरि चोट नै चोट । टाउको क्षतविक्षत । रगत लत्पतिएर हेर्न सकिने अवस्था थिएन । हजुरआमाको अवस्था पनि त्यो भन्दा फरक थिएन । कान लुछिएर रक्ताम्याए थियो भने शरीरभरि नै निलडाम । घटनास्थल नजिक चिर्पट थियो ।

लोकेशको बहिनी त्यो देखेर अत्तालिदै घर पुगिन् । गाउँभरी हल्लाखल्ला मच्चियो । सबै जना पसलमा भेला भए । प्रहरीहरु आएर मुचुल्का उठाए । द्रौपतीको घटनास्थलमै मृत्यु भइसकेको थियो भने दार्चुला जिल्ला अस्पतालमा पुर्‍याएपछि वीरमानले पनि प्राण त्यागे ।

लोकेशको होस अस्पताल पुगेपछि मात्र आयो । दार्चुला जिल्ला अस्पतालले त्यही दिन लोकेशलाई सेती अञ्चल अस्पताल धनगढी ‘रिफर’ गरिदियो । टाउको र छातीमा गहिरो चोट भएका कारण उनले उपचार सम्भव भएन । लोकेश मानसिक रुपमा पनि विक्षिप्त थिए ।

आइबार साँझ ५ बजे लोकेश काठमाडौंको ट्रमा सेन्टरमा भर्ना भए । त्यहाँ राखेको पाँच दिन भइसक्दा पनि लोकेश अर्धचेत अवस्थामै छन् । होसमा आउँदा बरबराइरहन्छन्, केही सोध्नासाथ झर्किएर रुन थाल्छन् ।

‘यस्तो घटनामा हाम्रो दार्चुलामा पहिले कहिल्यै देखेको थिइन,’ लोकेशसँगै काठमाडौं आएकी दिदी पूजाले भनिन्, ‘यो घटना देखेर गाउँका सबै अचम्ममा परेका छन् ।’

पूजा महरा लोकेशको ठुलो बुवाको छोरी हुन् । २१ वर्षीया उनी लोकेशको उपचारको लागि दार्चुलादेखि सँगै छिन् । पूजाका अनुसार लोकेशकी आमा गाउँमा अर्धचेत छिन् । रोजगारीका लागि दिल्ली गएका बुवा दार्चुला फर्केर काजकिरिया गर्दै छन् । यहाँ लोकेशको साहारा पूजा मात्रै। उनै पूजाले घटनाको बेलिविस्तार लगाइरहेकी छिन्।

अस्पतालको शैय्यामा टुलुटुलु निराश भएर लोकेशलाई हेरिरहेकी उनी भन्छिन्, ‘निदाएको बेलामा घरिघरि तर्सिन्छ । ‘बचाउँ बचाउँ…’ भन्दै अत्तालिन्छ, हातगोडा फ्याँकेर असिन पसिन हुन्छ । भाइको अवस्था देखेर मलाई डर लागिसक्यो ।’

यसरी डराउँदै अस्पताल बसेको चार दिन भइसक्यो । लोकेशको अवस्था सुध्रिएको छैन । कञ्चटतिर अझै पनि निलडाम उस्तै देखिन्छ । हात र गोडा पनि राम्रोसँग तङ्ग्रिएका छैनन् । डाक्टरले ठीक हुने सान्त्वना दिइरहेका छन् ।लोकेश अत्तालिँदै रुन खोज्दा पूजा सम्झाउँछिन्, ‘नरो नरो ठीक हुनलाई यस्तो भएको हो । ठीक हुने बेला यस्तै हुन्छ । अत्तालिनु हुन्न ।’

तर, लोकेशको हातगोडा चल्न बन्द हुदैन । ‘नेबुलाइजर माक्स’ निकाल्न हात पुर्‍याइरहन्छन् । अनि असिन पसिन हुँदै एउटै कुरा दोहोर्‍याउँछन्, ‘हजुरबालाई नि हान्यो, हजुरआमालाई नि हान्यो । मलाई नि छोडेन ।’

लोकेशको कुरा सुन्दा मात्र पूजाको आङ जिरिङ्ग हुन्छ । घटनास्थलको दृश्य सम्झँदा दिमाग रन्थनिन्छ । अस्पतालमा भाइको अवस्था हेरिरहँदा रुन मात्र मन लाग्छ ।तर, अभिभावक बनेर अस्पताल आएकी उनी सम्हालिन्छिन्।

त्रसित भावमा बोल्छिन्, ‘त्यो रात बुढा हजुरबा, हजुरआमा कति छटपटाए होलान्, कति चिच्याए होलान् ? बाँच्नको लागि कति संघर्ष गरे होलान् ? भाइले कसरी हेर्न सक्यो त्यो दृश्य ? धन्न यत्तिको छ भाइ ।’

लोकेशकी दिदी पूजा ।

उनी यति बोलेर सुस्केरा हाल्छिन् । शैय्यामा निदाइरहेको लोकेशको हात सुमसुम्याउँछिन् । कपाल मुसार्छिन् र टोलाउन थाल्छिन् । लोकेशको स्वास्थ्य अवस्था बुझ्न आएकी नर्सले उनको ध्यान भंग गर्छिन् । नर्स भन्छिन्, ‘अब सिटी स्क्यान गर्नुपर्छ । तयारी अवस्थामा रहनू ।’

अस्पताल ल्याएदेखि भाइको स्याहारमा जुटिरहेकी पूजाको खाने, बस्ने ठेगान छैन । आएदेखि अस्पतालमै छिन् । काठमाडौंमा रहेका आफन्तहरु अस्पताल पुगिरहेकाले केही सजिलो भएको छ । तर, एक्लै हुदाँ डर लागिरहन्छ । अनि भाइसँग गफिन खोज्छिन् तर भाइको अवस्था ठीक भए पो ! केही सोध्यो कि रोइहाल्छ । कतिपय अवस्थामा रुदैँ केही सुनाउँछ । भाइको कुरा सुनेर उनी झनै झसँग हुन्छिन् ।

हिजो मात्र उनले लोकेशलाई सोधिन्, ‘के भएको थियो भाइ त्यो रात ?’

सुरुमा लोकेशले जवाफ दिएन । झर्को मान्दै रोइरहे । त्यसपछि घटनाको बेलिबिस्तार लगाए । लोकेशले भनेको कुरा पूजाले जस्ताको तस्तै बेलिविस्तार लगाइन् ।

… त्यो मान्छे घरभित्र छिर्दा एउटा हातमा लौरौ जस्तो केही थियो । एउटा हातमा सानो पिलपिल बल्ने टर्च लाइट । हजुरबुवालाई लौरोले हानेपछि उ हजुरआमातिर झम्टियो । हजुरआमालाई हानेपछि कान लुछ्यो । त्यो बेला घम्साघम्सी भयो । त्यो देखेर म डरले भागे । मलाई नि टाउकोमा लौरोले हिर्कायो । त्यसपछि मलाई केही याद छैन ।

पूजालाई लोकेशले सुनाएको यत्ति हो । घटनाको एक मात्र प्रत्यक्षदर्शी उनलाई आक्रमण गर्ने व्यक्तिको नाम थाहा छैन । अनुहार सम्झन सक्दैनन् । विक्षिप्त अवस्थामा रहेका उनी १४ वर्षका मात्र छन्।

पूजा भन्छिन्, ‘टाउको, हात खुट्टा र छातीमा नमज्जाले कुटेछ । अब त मर्‍यो नै भनेर छोडेको होला सायद तर, बेहोस भएकाले बाँच्यो । हजुरबा हजुरआमाको टाउको फुटेर रक्ताम्य थियो । हामीले त हेर्नै सकेका थिएनौँ ।’

पूजाका अनुसार उनीहरुको पसल गाउँबाट अलि पर थियो । त्यो ठाउँमा अरु घर थिएन । बाटोको छेउ भए पनि सुनसान नै थियो । पसलमा हजुरबुवा—आमाले किराना सामान र चिया नास्ता बेच्ने गर्थे । गाउँमा कसैसँग झगडा भएको पूजालाई याद छैन । शत्रुता कोहीसँग नभएकाले शंका लाग्ने व्याक्ति कोही नभएको बताउँछिन्।

भन्छिन्, ‘हजुरआमाको कान र घाँटीको गहना थिएनन् । कान लुछिएका थिए । पक्कै चोर हुनुपर्छ । साढे दुई तोलाको गहनाको लोभले हत्या गरेको हुनुपर्छ ।’
ट्रमा सेन्टरमा लोकेशको उपचारमा खटेका न्युरो सर्जन डा. राजन शर्मा लोकेशको अवस्था अस्पताल ल्याउँदा भन्दा नबिग्रिएको बताउँछन् । दाहिने कञ्चटमा रगत जमेकाले बिरामी विक्षिप्त देखिएको उनको कथन छ ।

टाउकोमा रगत जमेका बिरामीको मानसिक अवस्था सामान्य नहुने उनी सुनाउँछन्।हिजो सिटी स्क्यान गर्दा २५ एमएल रगत कञ्चटमा जमेको भेटियो । ३० एमएल भन्दा बढी रगत जमेको भए अपरेशन गर्नुपर्थ्यो,’ डा. शर्माले भने, ‘अहिले औषधि चलाइरहेका छौं । औषधिले ठीक भएन भने केही दिनमा अपरेशन गर्छौं ।’

शंकाको घेरामा तीन जना

यता लोकेश अस्पतालमा छटपटाइरदा उता प्रहरीले हत्यारा पत्ता लगाउन सकेको छैन । अनुसन्धान जारी रहे पनि हत्यारा पत्ता नलागेको दार्चुलाका डीएसपी दीपेन्द्र शाही बताउँछन् । लोकेशले प्रारम्भिक बयानमा १ जना आएको बताए पनि शंकाको घेरामा तीन जना रहेको प्रहरीले बताएको छ ।घटनास्थलमा कुनै शंकास्पद वस्तु फेला नपरेकाले निष्कर्षमा पुग्न नसकेको उनको कथन छ।

‘घटना बारेमा देख्ने, त्यहाँको गतिविधि थाहा पाउने मान्छे नै छैनन् । बाँचेको एउटा बच्चो राम्रोसँग बयान दिन सक्दैन । त्यसैले हामीलाई अनुसन्धान गर्न गाह्रो भइरहेको छ’ शाहीले भने, ‘उनीहरुको झैझडा, पारिवारिक नाता सम्बन्ध हेरेर अनुसन्धान गरिरहेका छौं ।’त्यस क्षेत्रका तीनजना युवा सम्पर्कमा नआएकाले प्रहरीले उनीहरूको खोजि गरिरहेको उनले बताए । भने, ‘अरु पनि धेरै शंकाको घेरामा छन् । हत्यारा चाँडै पत्ता लाग्छ ।’

Categories
ताजा समाचार

फेसबुकमा पत्रकारलाई गालीगलौज गरेको आरोपमा जिल्ला प्रहरीले ३२ वर्षीय (ज्ञानेन्द्र)लाई पक्राउ

पत्रकारलाई गालीगलौज गरेको आरोपमा जिल्ला प्रहरीले ३२ वर्षीय ज्ञानबहादुर शाही (ज्ञानेन्द्र)लाई पक्राउ गरेको छ ।

सामाजिक सञ्जाल फेसबुकमार्फत् गएको वैशाख १८ गते ‘कर्णाली प्रदेशका सबै पत्रकारहरु चोर, कुकुर हुन्’ भनी उनीहरूको इज्जतमा खलल पु¥याएको आरोपमा शाहीविरुद्ध उजुरी परेकाले उनलाई पक्राउ गरिएको जिल्ला प्रहरी कार्यालयका प्रवक्ता एवम् प्रहरी नायब उपरीक्षक प्रदीपबहादुर क्षेत्रीले जानकारी दिए ।

उनका अनुसार शाहीलाई कानूनबमोजिम कारबाही गर्न नेपाल पत्रकार महासंघका जिल्ला अध्यक्षद्वय दुर्गा थापा र गणेशकञ्चन भारतीले जिल्ला प्रहरी कार्यालयमार्फत काठमाडौँस्थित महानगरीय प्रहरी परिसरमा लिखित जाहेरी गरेका थिए ।

सोही बमोजिम शाही विरुद्ध विद्युतीय अपराधअन्तर्गत मुद्दा दर्ता भई अदालतबाट पक्राउ आदेश जारी भएकाले उनलाई नियन्त्रणमा लिइएको उनले बताए । शाहीलाई समात्न खोज्दा अवरोध पु¥याउने दुई महिला र छ पुरुषलाई समेत प्रहरीले नियन्त्रणमा लिएको जनाइएको छ ।

उक्त घटनामा प्रहरी निरीक्षक निरञ्जन घिमिरे, प्रहरी हबलदार प्रकाश बुढा, प्रहरी जवानहरु जीतबहादुर बोहोरा, हस्त सिंह, रामसागर बर्मा र पवन सुवेदी घाइते भएको प्रहरीले जनाएको छ ।

Categories
ताजा समाचार

खुसि को खबर सिंगापुरले नेपाली कामदार मागेयो

काठमाडौं, । सिंगापुरले फेरि नेपाली कामदार मागेको छ ।सन् २०१३ को अगस्टपछि संस्थागत रुपमा रोजगारीका लागि सिंगापुरले नेपाली कामदार लगेको थिएन ।

त्यतिबेला एलन इन्टरनेशनल म्यानपावर कम्पनीमार्फत् ९ नेपाली रोजगारीका लागि सिंगापुर गएका थिए । उनीहरू सिंगापुरको युनिभर्सल मारिटाइम सोलुशन कम्पनीमा गएका थिए ।

त्यसयता व्यक्तिगत रुपमा श्रम स्वीकृति लिएर नेपाली कामदार सिंगापुर गए पनि संस्थागत रुपमा बन्दजस्तै भएको थियो ।सिंगापुर नेपाली कामदारका लागि आकर्षक गन्तव्य भएपनि माग आउन नसक्दा त्यसको फाइदा नेपालले लिन सकेको छैन ।

यसपटक हाउसकिपिङका लागि दुईसय नेपालीको माग आएको हो । सिंगापुर जाने श्रमिकसँग अधिकतम ५० हजार रुपैयाँ सेवाशुल्क लिन पाउने श्रम रोजगार तथा सामाजिक सुरक्षा मन्त्रालयले निर्णय गरेको छ ।

सिंगापुरबाट नेपाली कामदारको माग आएपछि वैदेशिक रोजगार विभागले सेवा शुःल्क निर्धारण गर्न श्रम मन्त्रालयमा पत्र पठाएको थियो । श्रम मन्त्रालयले बढीमा ५० हजार रुपैयाँ लिन पाउने निर्णय गरेको हो ।

सिंगापुरबाट नेपाली कामदारको माग आएपछि वैदेशिक रोजगार विभागले सेवा शुःल्क निर्धारण गर्न श्रम मन्त्रालयमा पत्र पठाएको थियो। श्रम मन्त्रालयले बढीमा ५० हजार रुपैयाँ लिन पाउने निर्णय गरेको हो।विभागले पहिलो चरणमा एक सय कामदारका लागि स्वीकृति दिएको छ ।

Categories
खेलकुद

विश्वकप क्रिकेटका खेलहरु आजबाट शुरु नेपाली समय अनुसार दिउँसाे ३ः१५ बजेबाट

एजेन्सी । विश्वकप क्रिकेटका खेलहरु आजबाट शुरु हुँदैछन् । नेपालीहरुलाई पनि अब करिब एक महिना सबैको ध्यान क्रिकेटमा केन्द्रित गराउने छ । अहिले सबै टिम इंग्ल्यान्ड पुगिसकेका छन् । यो विश्वकपमा पहिला खेलहरु लिगम्याच हुने र सवै टीमले सवै टीम सँग खेल्नु पने छ । प्वइन्ट टेवुलमा शीर्ष चार स्थानमा भएका टीमले सेमिफाईनल खेल खेल्ने छन् ।

विश्वकप क्रिकेटको आज नेपाली समय अनुसार दिउँसाे ३ः१५ बजेबाट लण्डनको किनिङटोन ओभलमा भब्य उद्घाटनसँगै इंग्लायन्ड र दक्षिण अफ्रिकाको खेल शुरु हुनेछ । आफ्नो पहिलो खेलमै घरेलु समर्थकका साथ जीतको लक्ष्यमा इंग्ल्यान्ड मैदानमा उत्रने तयारीमा छ ।

अहिलेसम्म इंग्ल्यान्डले तीन पटक फाइनल खेलेको छ । तर तीनै फाइनलमा अभागी सावित भएको छ । त्यस्तै, दुई पटक सेमिफाइनलबाट बाहिरिएको छ । इंग्ल्यान्ड सन् १९७९, १९८७ र १९९२ मा विश्वकपको फाइनलमा पुगेको थियो । यसपाली इंग्ल्यान्ड टिम बलियो छ ।
त्यस्तै दक्षिण अफ्रिकाको पनि ब्याटिङ, बलिङ र फिल्डिङ तीनै पक्ष बलियो छ । यो पटकको विश्वकप उपाधिको दाबेदार टिममध्येकै एक दक्षिण अफ्रिका पनि हो ।

यि दिुई टीमको पछिल्ला अन्तर्राष्ट्रिय पाँच प्रतिस्प्रदाको भेटमा हेर्नेहो हो भने ३ खेल दक्षिण अफ्रिकाको पक्षमा गएको छ भने २ खेल इंग्ल्यान्डको पक्षमा छ । आफ्ना पाँच अन्र्तराष्ट्रिय प्रतियोगीतमा आफ्ना ५ ओटै खेल जितेको दक्षिण अफ्रिका उच्च मनोवलका साथ मैदानमा उत्रने छ । इंग्लायण्डले भने आफ्ना पछिल्ला ५ खेलमा १खेल हारेको छ ।

दक्षिण अफ्रिकाको लागि विश्वका राम्रा वलर वलरहरु कागिसो रवडा, इमरान ताहिर, डेल स्टेन जस्ता बलहरु छन् । स्पीनरको वललाई राम्रो नखेल्ने व्याट्समेनको लागि इमरान ताहिर घातक हुन सक्छन्।भने रवडाको गति र स्टेनको स्वङले पनि इंग्लेण्डका व्याट्समेनलाई हैरान बनाउन सक्छ । दक्षिण अफ्रिकका कप्तान फाफ् डु प्लेसी, क्युटन डि कक, हसिम अमला जस्ता राम्रा व्याट्समेन इंग्ल्यान्डका वलरको लागि खतरा बन्न सक्छन् ।

दक्षिण अफ्रिकाका व्याट्समेनहरु कप्तान एन मोर्गन, आईपिएलमा धमाल मचाएका जोनी बैरस्टो, जो रुट, विस्फोटक व्याट्मेन जोस बटलर, अलराउण्डर मोइन अली, वेन स्टोक्स र बलरहरु जोफ्रा आर्जर, क्रिस वोक्सहरुले इंग्ल्यान्डका व्याट्समेनलाई सहजै आउट गर्न सक्छन् ।

यसरी हेर्नहो भने दक्षिण अफ्रिका र इंग्ल्यान्ड विच हुने आजको खेलकाँटाको टक्कर हुने देखिन्छ । इंग्ल्याण्डले होम ग्राउण्डको फाईदा उठाउँदै प्वाइट जोड्ने दाउमा छ भने उसकै होम ग्राउण्डमा हार चखाउने दाउमा दक्षिण अफ्रिका पनि खेल मैदानमा उत्रने छ ।

विश्वकपका लागि इंग्ल्यान्ड टिम इन मोर्गन (कप्तान), जोनी बैरस्टो, टोम कुरान, लियाम प्लुंकेट, जो रुट, बेन स्टोक्स, क्रिस वोकस, मोइन अली, जोस बटलर, आदिल रशिद, जासन रोय, मार्क वोड, जोफ्रा आर्चर, जेम्स भिन्स र लियाम डवसन ।

विश्वकपका लागि दक्षिण अफ्रिका टिमफाफ् डु प्लेसिस (कप्तान), डेभिड मिलर, डि कक, हसिम अमला, ऐडन मारक्रम, रसिइ भान डेर डुसेन, जेपी डुमिनी, क्रिस मोरिस, कागिसो रबडा, इमरान ताहिर, डेल स्टेयन, लुन्गी नगिडी, डवान प्रेटोरियस, तब्राइज शाम्सी र एन्डिल फेहलुकवाओ ।

Categories
ताजा समाचार

गणतन्त्र दिवसका अवसरमा वन्यजन्तुसँग सम्बन्धित मुद्दाका कैदीलाई आममाफी दिनबाट रोकियो

गणतन्त्र दिवसका अवसरमा वन्यजन्तुसँग सम्बन्धित मुद्दाका कैदीलाई आममाफी दिनबाट रोकिएको छ । फौजदारी कसुर सजाय तथा कार्यान्वयन ऐनले अन्य मुद्दामा झैँ बन्देज नलगाएको भए पनि सिफारिस गरिएका त्यस्ता कैदीबन्दीलाई आममाफी नदिइएको हो ।

कारागार व्यवस्थापन विभागका महानिर्देशक हरि मैनालीका अनुसार देशभरका कारागारबाट वन्यजन्तुसँग सम्बन्धित ८० को नाम सिफारिस गरिएको भए पनि यस मुद्दाका कसैले पनि आममाफी नपाएका हुन् । मैनालीले कारागार नियमावलीमा वन्यजन्तुसँग सम्बन्धित मुद्दाका कैदीलाई आममाफी दिन बन्देज लगाइएकाले रोकिएको बताउनुभयो ।

सबैभन्दा बढी चितवन कारागारबाट वन्यजन्तुसँग सम्बन्धित ३९ कैदीको आममाफीका लागि सिफारिस गरिएको थियो । उनीहरु अधिकांश गैँडा तस्करीमा संलग्न भएको अभियोगमा थुनामा छन् ।

जिल्ला कारागार चितवनका प्रमुख कमलप्रसाद काफ्लेका अनुसार भरतपुरमा मात्र वन्यजन्तुका ९६ कैदीबन्दी छन् । वन्यजन्तुसँग सम्बन्धित तीन वृद्धसहित ३९ को सिफारिस गरिएकामा तिनीहरुको आममाफी नभएको उहाँले बताउनुभयो । विसं २०६२ सम्म वन्यजन्तुसँग सम्बन्धित कैदीले आममाफी पाउने गरेको भए पनि त्यसयता नपाएको काफ्लेले जानकारी दिनुभयो ।

कूल सिफारिस भएका ५७ मध्ये हातहतियार, डाँका र सवारी ज्यानका १५ ले मात्र आममाफी पाएका छन् । गणतन्त्र दिवसका अवसरमा देशभरका कारागारबाट ४३४ लाई आममाफी दिइएको छ । आधा कैद भुक्तान गरी असल चालचलन भएकालाई विशेष अवसर पारेर आममाफी दिने प्रचलन छ । सबै मुद्दाका कैदीबन्दीले आममाफी नपाउने व्यवस्था छ ।रासस