Categories
समाचार

धरानका मेयर जब झाडु लिएर सडकमा उत्रिए…

धरान : धरानलाई सफा र सुन्दर सहर बनाउने अभियान सुरु गरेका धरान उपमहानगरपालिकाका मेयर हर्कराज राई (सम्पाङ) आफै झाडु लिएर सडक सरसफाइ अभियानमा जुटेका छन् ।

धरानमा मुसलधारे वर्षा रोकिने वित्तिकै बिहीबार मेयर राईले धरानको मुख्य बजार रहेको भानुचोक र बसपार्क क्षेत्रको सरसफाइ गरे।

मेयर आफैं झाडु लिएर बजार सरसफाइमा निस्किएपछि उनलाई उपमहानगरपालिकाका सफाइ कर्मचारी, नगर प्रहरी, स्थानीय बासिन्दा र विभिन्न संघसंस्थाका प्रतिनिधिहरुले साथ दिए । सफा र सुन्दर सहरको पुरस्कार पाउने धरान पछिल्लो समय दुर्गन्धित हुँदै गएपछि आफूले सरसफाइ अभियान संचालन गरेको मेयर राईले बताए ।

मेयर साम्पाङले भानुचोकको सार्बजनिक शौचालयको समेत निरीक्षण गरेका थिए । उनले सार्वजनिक शौचालय आसपासमा समेत दुर्गन्ध फैलिएको भन्दै आइन्दा फोहोर नगर्न कर्मचारीलाई निर्देशन दिएका छन् । उनले बसपार्कमा जथाभावी फोहोर नफाल्न यातायात मजदुरलाई आग्रह गर्दै धरानलाई सधै सफा राखे यहाँ आउने पर्यटकहरुले आहा! धरान भनेर प्रंशसा गर्न लायकको बनाउन धरानबासीलाई आग्रह गरे।

बुधबार धरानको सर्दु खोलामा रहेको खानेपानीको मुहान मर्मत गरी पानी वितरण व्यवस्थित बनाउन खटिएका मेयर राईले कुर्सीमा बसेरभन्दा फिल्डमा खटेर धरानको समस्या समाधान गर्न आफू निरन्तर लागिरहने बताए ।

उनले कुर्सीमा बसेर धराने जनताको समस्या हल नहुने भन्दै धरानका २० वटै वडामा पालो मिलाएर जनसरोकारका विषयको अनुगमन गर्ने बताए ।

मेयर साम्पाङले नगरपालिकामा बसेरभन्दा दैनिक प्रत्येक सडकको अवलोकन गर्ने र खाल्डाखुल्डी भेटिए तत्काल मर्मत गरी यातायातका साधन संचालनमा सहज पुर्‍याउने बताए।

जनसरोकारका विषयमा मेयर आफै खटिएपछि धरानको विकासमा आमुल परिवर्तन हुने धरानवासीले अपेक्षा गरेका छन् । धरान १५ का यातायात व्यवसायी देवेन्द्र कार्कीले धरानका मेयरको कामले धरानवासीमा आशा पलाएको बताए ।

‘यस अगाडिका जनप्रतिनिधिहरु आर्थिक अनियमितताका घटनामा मुछिएका थिए । तर, धरानमा नयाँ मेयर आएपछि धरानको विकास र समृद्धिले नयाँ फड्को पार्नेमा आशावादी छौं,’ कार्कीले भने ।

Categories
समाचार

गाँजा प्रतिबन्ध फुकाउन संसदमा उठ्यो जोडतोडको आवाज, विधेयक पारित प्रक्रियामा

काठमाडौं । गाँजा खेतीलाई नियमन तथा व्यवस्थापन गर्न बनेको विधेयक पारित गर्न नेपालको संसदमा फेरी कुरा उठेको छ ।

२०७६ फागुन १९ गते नेकपा एमालेका सांसद शेरबहादुर तामाङले संसदमा पहिलो गैर सरकारी विधेयकका रुपमा गाँजा खेतीलाई नियमन तथा व्यवस्थापन गर्नेसम्बन्धी विधेयक दर्ता गराउनुभएको थियो ।

उक्त विधेयक पारित गराउन आजको संसदमा उहाँले बोल्नुभएको छ ।

उहाँले नेपाली युवाहरुलाई हरियो पासपोर्ट बोकेर विदेश पठाइरहेका युवाहरुलाई हरियो गाँजाको बिरुवा बोकाएर गाउँमा रोप्न पठाउँने हो भने विश्वभरीको पैसा नेपालमा आउँने बताउनुभयो । यो यही सरकारले विधेयक ल्याओस् भन्नुभयो ।

उहाँले विधेयक दर्ता गराएपछि केही महिना अघि गृह मन्त्रालयले नेपालमा गाँजा खेतीसम्बन्धी अवधारणापत्र तयार पारेको छ।

मन्त्रालयका प्रवक्ता फणीन्द्रमणि पोखरेलका अनुसार औषधिजन्य प्रयोग र अनुसन्धानका लागि गाँजा खेती खुला गर्ने तयारी सरकारको समेत छ ।

मन्त्रालयको नीति, योजना, अनुगमन तथा मूल्याङ्कन महाशाखाअन्तर्गत रहेको लागुऔषध नियन्त्रण शाखाले अवधारणापत्र माथि काम गरेको हो। यसअघि औषधीय प्रयोजन लागि गाँजा खेती गर्न पाइने गरी कार्यविधि ल्याउने तयारी भएको थियो।

कार्यविधि पर्याप्त नहुने देखिएपछि अवधारणापत्र तयार पारेको अधिकारीहरू बताउँनुहुन्छ ।

नेपालमा गाँजा खेतीका सम्भावना र चुनौती कस्ता छन् ?
के नेपालमा गाँजा खेतीलाई वैधानिकता दिन सम्भव छ ? पुरानो ऐनको साँघुरो घेरामा टेकेर कार्यविधि बनाउनुभन्दा संयुक्त राष्ट्रसङ्घको सन्धिलगायत अन्य अन्तर्राष्ट्रिय कानुनलाई ध्यानमा राख्दै विधेयक नै बनाउने कि भन्ने निष्कर्ष रह्यो।

यसअघि गाँजा खेतीका लागि विधेयक तयार भएको भन्ने विवरणहरू सार्वजनिक भएका थिए। अवधारणापत्र मात्र तयार गरेका हौँ। सरकारी विधेयक बनाउने बारे छलफल चलेको छ ।

के छ अवधारणापत्रमा ?
गाँजा खेतीसम्बन्धी उक्त अवधारणापत्रमा गाँजाको नियन्त्रित उत्पादन, विक्री तथा वितरण, निर्यात कहाँ र कसरी गर्नेजस्ता विषय उल्लेख गरिएको अधिकारीहरूको भनाई छ ।

हाम्रो परिवेशमा गाँजालाई औषधीय र अनुसन्धान प्रयोजनका लागि खुला गर्न सकिने कारणहरू, कतिपय देशमा भएका अध्ययनको नतिजा, यसलाई कसरी र किन खुला गरिएको छ भन्ने उदाहरण पनि समेटेको छ ।

गाँजालाई नियन्त्रित ढङ्गले खुला गर्ने विधेयक बनाउनका लागि मन्त्रिपरिषद्को स्वीकृति आवश्यक भएकाले अवधारणा पत्र तयार पारिएको हो ।

किन आवश्यक छ नयाँ कानुन ?
सन् १९६१ को मार्चमा संयुक्त राष्ट्रसङ्घको सम्मेलनले अन्तर्राष्ट्रिय सन्धि सिङ्गल कन्भेन्शन अन नार्कोटिक ड्रग १९६१ पारित गरेको थियो। जसले गाँजालाई लागुऔषध मान्दै प्रतिबन्ध लगायो।

नेपालले सो अभिसन्धिमा हस्ताक्षर गरेपछि सन् १९७६ मा लागुऔषध नियन्त्रणसम्बन्धी कानुन बनायो।

नेपालमा गाँजा खेतीका सम्भावना र चुनौती कस्ता छन् ?
अहिले गाँजाको खेती, भण्डारण, सेवन र विक्री वितरणलाई अवैधानिक र दण्डनीय अपराध मानिन्छ । पाँच पटक संशोधन भइसकेको सो ऐनले २५ बोट गाँजा खेती गर्नेलाई तीन महिनासम्म कैद वा ३,००० रुपैयाँसम्म जरिवाना तोकेको छ।

सोभन्दा बढी खेती गर्नेलाई तीन वर्षसम्म कैद र ५,००० रुपैयाँ जरिवाना हुन सक्छ। उक्त ऐनअनुसार ५० ग्रामसम्म गाँजा राखे तीन महिनासम्म कैद र ३,००० रुपैयाँसम्म जरिवाना हुन सक्छ। सोही कानुनमाथि टेकेर गृह मन्त्रालयले गाँजा खेती खुला गर्ने कार्यविधि बनाउने बताएको थियो।

तर २०३३ सालको उक्त ऐनले गाँजालाई अनुसन्धान प्रयोजनका लागि खुला गरे पनि अनुसन्धानपछि के गर्ने र केका लागि अनुसन्धान गर्ने भन्ने प्रष्ट नभएको जानकारहरू बताउँछन्।

ऐन बनेको वर्षौँ बित्दा पनि त्यसको कुनै काम अघि बढेन। अहिले आएर पूरानै ऐनमा टेकेर कार्यविधि ल्याउने वा नयाँ विधेयक ल्याउने भन्ने छलफल पछि, अलग विधेयक ल्याई नयाँ कानुन बनाउने निष्कर्षमा पुग्यौँ, महाशाखा प्रमुख भुसालले भन्नुभयो ।

कानुनी प्रतिबन्ध हटाउन संसद्‌मा प्रस्ताव समेत दर्ता भयो। यस विषयको पक्षमा सांसद शेरबहादुर तामाङ, स्वास्थ्यमन्त्री विरोध खतिवडालगायतले खुलेर पैरवी गरिरहनुभएको छ । उहाँहरूले गाँजा खेती र व्यापारबाट कृषक र राष्ट्रलाई आर्थिक फाइदा हुने बताउँदै आउनुभएको छ ।

Categories
रोचक समाचार

गुगलमा बिर्सेरपनि यी शब्द सर्च नगर्नुहोस् : नत्र जेल पुर्याउनेछ

काठमाडौं । गुगल हाम्रो दैनिक जीवनमा प्रयोग हुन्छ । यो एक धेरै लोकप्रिय सर्च इन्जिन हो । हामी गुगलमा धेरै कुराहरू खोज्छौं ।

धेरै जानकारी गुगल खोज मार्फत उपलब्ध हुन्छ । तर, यसमा खोजी गर्दा केही कुरामा अवश्य ध्यान दिनुपर्छ ।

गुगलमा बिर्सेर पनि सर्च गर्न नहुने धेरै कुराहरु छन् । यसले तपाईंलाई समस्यामा मात्र नभई जेलको ढोकासम्म पुर्याउन सक्छ ।

अर्थात् गुगल सर्च गर्दा पनि केही कुराको ख्याल गर्नुपर्छ । गुगलमा केही कुराहरु खोज्दा तपाईं नजानेर पनि फस्न सक्नुहुन्छ ।

त्यसैले यहाँ हामी तपाईंलाई ती चीजहरूको बारेमा बताइरहेका छौं, जुन तपाईंले खोज्न हुँदैन् ।

बम कसरी बनाउने
गुगलमा बम कसरी बनाउने भनेर खोजी नगर्नुहोस् । अर्थात् यो कुञ्जी (किबोर्ड) शब्द बिर्सेर पनि गुगलमा सर्च गर्नु हुँदैन । यसो गर्दा तपाई समस्यामा पर्न सक्नुहुन्छ । धेरै पटक, प्रयोगकर्ताको यो खोजको कारण, तिनीहरू सुरक्षा निकायको रडारमा आउँछन्।

चाइल्ड पोर्न
विश्वभर चाइल्ड पोर्नलाई लिएर निकै कडा कानून छ । अर्थात्, यसको सीधा अर्थ हो कि यदि तपाईंले चाइल्ड पोर्न खोज्नु भयो भने, तपाईंले जेल पनि जानु पर्ने हुन सक्छ । चाइल्ड पोर्न खोज्नु तपाईंको लागि भारी हुन सक्छ।

गर्भपतन बारे जानकारी
नेपालसहित दुनियाँमा धेरै देशहरुमा गर्भपतनसम्बन्धी कडा कानून छ । यस कारण, तपाईं यसलाई खोज्दा समस्यामा पर्न सक्नुहुन्छ । भविष्यमा यस्ता चीजहरूको खोजी नगर्नुहोस् ।

बैंकको ग्राहक सेवा नम्बर
धेरै पटक मानिसहरूले गुगलमा बैंकको ग्राहक सेवा नम्बर खोजेर कल गर्छन् । तर, एउटा घोटाला चलिरहेको थियो, जसमा ह्याकरहरूले गुगल सर्चमा गलत नम्बरलाई माथि राख्छन् ।

जसकारण प्रयोगकर्ताले यो नम्बरमा कल गर्दा आर्थिक ठगी हुने गरेको छ । यस्तो अवस्थामा बैंकको आधिकारिक वेबसाइटबाट ग्राहक सेवा नम्बरको जानकारी लिनु धेरै राम्रो हुन्छ ।

Categories
अन्तरास्ट्रिय समाचार

अफगान युवतीहरुको त्रासः तालिवानहरुले उठाएर लानु भन्दा मर्नु राम्रो

काठमाडौं । यो समय आफगानिस्तानको राजधानी काबुलको विश्वविद्यालयमा विद्यार्थीहरु नयाँ सत्रको लागि तयार हुने समय हो । तर जब तालिवान लडाकुहरु त्यहाँका सडकहरुमा गस्ती गरिरहेका हुन्छन् । धेरै विद्यार्थीहरु आफ्नो जीवनको प्रमाण नष्ट गर्नको लागि कोशिश गर्न थालेका छन् ।

त्यहाँका महिला विद्यार्थीहरु हजारा अल्पसंख्यक समुदायका सदस्य हुन जो हालैका वर्षहरुमा तालिवानहरुद्वारा अपहरण र हत्याको शिकार भएका छन् । त्यहाँका एक छात्राले आफूले बुनेको सपना डरमा परिणत भएको बीबीसीलाई बताएकी छिन्। उनीहरुको अस्तित्वको भविष्य केही दिनमा तय हुने उनले बताइन् ।

उनले भनिन्, ‘यो केही हो जुन म शब्दहरुमा वर्णन गर्न सक्दिन। ती सबै कुराका लागि मैले सपना देखेको थिए । जसका लागि मैले काम गरेकी थिए। मेरो गरिमा, मेरो गौरव, यहाँसम्म की एक केटीको रूपमा मेरो अस्तित्व, मेरो जीवन सबै खतरामा छ।’

तालिवानीहरुले घर– घर गएर केटीहरुलाई खोज्ने र लगेर उनीहरुलाई बलात्कार गर्न पनि सक्ने उनले बताएकी छिन् । ‘जब उनीहरु मेरो घरमा आउछन् तब म आफैंलाई मार्न सक्छु’ । ‘म र मेरा साथीहरुसंग यही गर्ने योजनाबारे कुरा गरिरहेका छौँ । तालिवानहरुले उठाएर लैजानु भन्दा मर्नु राम्रो छ । हामी सबै डराएका छौं, धेरै डराएका छौं।’

अब विश्वविद्यालय जान पाइदैन, प्यारा किताबहरु च्यात्नु पर्ने भयो स् छात्राहरु

दुई महिना पहिले उनका ध्यान मात्र आफ्नो डिग्रीमा केन्द्रित रहेको बीबीसीलाई बताउँदै उनले अगाडि भनिन ‘आफ्नो पढाइको लागि के गर्ने, के नगर्ने, एक तालिका बनाउन, सबै कुरा ठीक गर्नको लागि कोशिश गर्दै गरेको बताइन् । ’

जब तालिबानले देशका धेरै प्रान्तहरु कब्जा गर्दै थिए, धेरै मानिसहरु डराएका थिए तर उनीहरु काबुल कब्जा गर्न कहिल्यै सक्षम नहुने उनले सोचेकी थिइन् ।

महिलाले भनिन्, ‘मेरो जीवन सामान्य थियो जबसम्म मजार।ए शरीफ, काबुलको उत्तरपश्चिममा एक ठूलो शहर र एक तालिवान विरोधी गढले नियन्त्रणमा लिनुभन्दा पहिला । र जब उनीहरुले काबुल कब्जा गरे, मलाई लाग्यो कि अब हामी समाप्त हुनेछौं। शहरमा केहि गोली हानिएको थियो र हामीले सुनेका थियौं कि उनीहरु तालिवानको हरेक सडकसम्म पुगिसके ।’

उनी अगाडि भन्छिन्, ‘मेरो पूरै परिवार घरमा बस्यो। पसलहरु बन्द थिए, मुद्रा विनिमय दरहरु छिटो परिवर्तन हुँदै थियो। मैले मेरो विश्वविद्यालयका सबै कागजात जलाएँ। सबै उपलब्धिहरु, सबै प्रमाणपत्रहरु जलाइयो। मैले यो मेरो बालकनीमा गरें। मसँग धेरै किताबहरु छन्, प्यारा किताबहरु, जुन म पढ्दै थिएँ। मैले ती सबै लुकाएँ।’

अधिकांश अफगान युवतीहरुले सामाजिक सञ्जाल निष्क्रिय पारे

उनले आफ्नो सामाजिक सञ्जाल खाता निष्क्रिय गरेकी थिइन् । सोशल मिडियामा केही पोष्ट गर्नु, त्यो प्लेटफर्म मा उपस्थित हुनु अब धेरै खतरनाक हुने उनले जानकारी पाएकी थिइन् ।

तालिवानले सामाजिक सञ्जाल जाँच गरेर जो कोहिले पोस्ट गरेको पनि पत्ता लगाइदिन्थ्यो । फेसबुक उनको लागि एक ठूलो समस्या भएको थियो । उनको एउटा पुरानो पोस्ट तालिवानले केहि गर्न नसक्ने थियो । जसले गर्दा तालिवानले उनलाई केही गर्ला भन्ने डर निकै बढेको बताइएको छ ।

उनको अर्का पोस्टहरु उनीहरुको बिरूद्ध खडा हुनेछु, उनीहरु मेरो अध्ययनको अधिकारलाई लिन सक्दैनन् र उनीहरुले मलाई मेरो घरमा बन्द गर्न सक्दैनन् । उनीहरुहरु आतंकवादी पनि उनले भनेकी थिइन् । त्यसैल पक्कै पनि उनीहरुको लागि ती सबै आपत्तिजनक पोस्टहरु थिए।

यसकारण उनी आफैंलाई विनाशकारी, डराएको र दुःख पाएको बताइन्। तालिवानले महिलाहरुलाई हिजाब लगाएर रूढिवादी लुगा लगाउनु पर्ने घोषणा गरेको छ। मानिसहरु डराएर बुर्का र हिजाब लगाएका छन् ।

महिलालाई अधिकार दिने तालिवानी भनाइ झुठ स् छात्राहरु

तालिवानले केहि विश्वविद्यालयहरुमा, कक्षा भित्र केटा र केटीहरुबीच पर्दा लगाईएको उनले आफूले सुनेको बताएकी छन् । कतिपय परिवारले आफ्ना केटीहरुलाई बाहिर पढ्न जान नदिएको जनाइएको छ । तालिवानले आफ्नो साँचो अनुहार अझै लुकाइरहेको उनले बताएकी छन् ।
तालिवानले प्रेस सम्मेलनमा महिला अधिकारको वचन दिएका थिए । तर त्यो झुट बोलेको उनको भनाइ छ ।

अफगानिस्तानका सबै शहरहरु प्राणहिन बन्दै

उनी बुबाको साथमा मंगलबार औषधि लिन गएकी सुनाउदै आफैले पूरा हिजाब लगाउनु परेको, मानिसहरुले बुर्का लगाएको, १३, १४ बर्षका केटीहरुले लगाउनु परेको उनले बताएकी छन्। केहि पनि पहिले जस्तो नरहेको र त्यो शहरमा अब कुनै प्राण नरहेको उनको दुखेसो छ ।

अहिले चारैतिर तालिवान घुमिरहेका र उनीहरुले एक पूरा हिजाब लगाइरहेका छन् की छैनन् त्यसको अवलोकन गरिरहेका बताइएको छ। उनले पहिला जस्तो सामान्य व्यक्ति नभएको भन्दै तालिवानहरु मालिक र अरु जस्तै एक फोहोर जसलाई फ्याक्नुपर्ने तरिकाले हेर्नको गरेको जनाइन् ।

उनी भन्छिन्, ‘जब म पढ्दै थिएँ, मँ धेरै सपनाहरु प्रयोग गर्थें, जीवन योजनाहरु र लक्ष्यहरु बनाउन।अब, मलाई लाग्छ कि मैले देश छोड्नु पर्छ, किनकि म एक हजारा हुँ। उनीहरुले हजारा केटीहरुको विद्यालयमा आक्रमण गरे, त्यसपछि सयौं मारिए।’
उनले यो पनि भनिन्,‘ त्यसोभए उनीहरु पक्कै हामीलाई मार्नेछन्, हामीमाथि बलात्कार गर्नसक्छन, केटी हुनु र अल्पसंख्यक हुनु, मेरो देशमा मेरो लागि कुनै ठाउँ छैन।’

जबदेखि तालिवानले सत्ता हात पारेको छ उनको पूरै परिवार डराएका छन्। उनीहरु त्यहाँबाट बाहिर निस्कने कोसिस गरिरहेका उनले बताइन् । एयरपोर्ट भीडभाड रहेको र त्यहाँ खाली गर्नको लाीग कुनै खाली ठाउँ नरहेको बताइएको छ । धेरै देशहरुले उनीहरुलाई अस्वीकार गरेको भन्दैसबैजना मात्र हेरिरहेको जस्तो कि केहि भइरहेको छैन भन्ने गुनासो पोखेकी छिन् ।

तालिवानी सरकारलाई मान्यता नदिन अन्तर्राष्ट्रिय समुदायसंग अपील

उनले विदेशी सरकारहरुबाट उनीहरु तालिवानलाई अफगानिस्तानमा सरकारको रूपमा मान्यता नदिन अनुरोध गरेकी छिन् । यदि उनीहरुले गरे, उनीहरु पक्कै मर्ने उनले जनाइन् ।

सबैभन्दा दुःखको कुरा सारा संसार चुप रहेको उनले बताएकी छिन् । अफगानहरु मानव होइनन् जस्तो व्यवहार गरेको देखेर आफ्नो मुटु टुटेको उनको भनाइ छ ।

उनी भन्छिन्, ‘यो हृदय विदारक छ कि केहि दिन पहिले मात्र, जे जे मैले सपना देखेको थिएँ, सबै मैले सोचेको थिए कि, सबै कुरा समाप्त भयो।’
उनको नाम सुरक्षाको लागि नखुलाइएको जनाइएको छ ।

बीबीसीको सहयोगमा

Categories
समाचार

एम्बुलेन्स घरभित्र पसेपछि सुतिरहेका एक वृद्धाको मृ”त्यु

सिन्धुपाल्चाेक । लामोसाँघु–जिरी सडकखण्डको दुईकिलोमा एम्बुलेन्स दुर्घटनामा परी एक वृद्धाको मृत्यु भएको छ । गए राति खाडीचौर बचत तथा ऋण सहकारी संस्थाद्वारा सञ्चालित बा२०च ६३२७ नंको एम्बुलेन्स दुर्घटनामा परेको हो ।

दुर्घटनामा सुनकोसी–७ की ८९ वर्षीया मनमाया खड्काको मृत्यु भएको जिल्ला प्रहरी कार्यालयले जनाएको छ । एम्बुलेन्स दुर्घटनामा परी सडक छेउको घरमा पसेपछि खड्काको मृत्यु भएको हो । एम्बुलेन्स सडकमा अनियन्त्रित भई दुर्घटना भएको हुनसक्ने प्रहरीको प्रारम्भिक अनुमान छ ।

काठमाडौं। भारतीय अभिनेता सलमान खान यही जेठ १४ गते काठमाडौं आउने कार्यक्रम तय भएको थियो ।तर, अन्तिम समयमा आएर उनको कार्यक्रम स्थगित् भएको जानकारी आएको छ । सलमानका नेपालथित् फ्यान अहिले निराश छन् । खान काठमाडौंमा प्रस्तुत गर्ने भनिएको कन्सर्टमा सहभागी हुन नेपाल आउने चर्चा थियो ।

उनको नेपाल आगमनको लागि नेपाल सरकारका पर्यटनमन्त्री प्रेम आले नै सक्रिय भएका थिए । उनीहरुबीच फोन भिडिओमार्फत कुराकानी पनि भएको थियो । सलमानको काठमाडौंमा हुने भनिएको कार्यक्रमको आवश्यक तयारीका लागि उनका भाइसमेत काठमाडौं आएका थिए । उनले पनि पर्यटनमन्त्री आलेसँग भेटवार्ता गरेका थिए ।

दबंग टुर रिलोडेडका लागि सलमान ओडीसी इन्टरटेनमेन्टको आयोजनामा हुने कार्यक्रमका लागि नेपाल ल्याउने भनिएको थियो । तर, सलमान सहभागी हुने कार्यक्रमको टिकट पनि उत्साहजनक रुपमा वितरण नभएको बुझिएको छ । अहिलेसम्म ७ लाख रुपैयाँको मात्रै टिकट वितरण भएको स्रोतको दाबी छ ।

कार्यक्रम केरकति कारणले स्थागित भएको हो भन्नेबारे आयोजकले आधिकारिक रुपमा जानकारी नदिएपनि उनी सहभागी कार्यक्रममा टिकट राम्रोसँग विक्रि नहुनु, कार्यक्रमको लागि नेपाल ल्याउने भनिएको सामान भन्सारमा रोकिनु आदी रहेको बुझिएको छ । आयोजकले सलमान सहभागी हुने उक्त कार्यक्रमबाट ८ देखि ९ करोड रुपैयाँ उठ्ने विश्वास लिएको थियो ।

उक्त कार्यक्रमको प्रचारप्रसारको लागि आयोजकले अहिलेसम्म २ करोड रुपैयाँ खर्च गरिसकेको पनि बुझिएको छ । आयोजकले सलमानलाई ४ करोड ४० लाख खर्चिएर नेपाल ल्याउन लागेको थियो । त्यसवापत आयोजकले खानलाई ३ करोड ८० लाख रुपैयाँ अग्रिम भुक्तानी गरिसकेको आयोजक संस्थाका एक सदस्यले जनाए ।

Categories
राजनीतिक समाचार

यो म्यादी सरकार होः ओली

काठमाडौं । प्रमुख प्रतिपक्षी नेकपा एमालेका अध्यक्ष केपी शर्मा ओलीले अहिलेको सरकार म्यादी भएको बताएका छन् ।बिहीबार संसदमा नीति तथा कार्यक्रममाथिको छलफलमा सहभागी हुँदै ओलीले शेरबहादुर देउवाको सरकारलाई म्यादी सरकार भएको बताएका हुन् ।

अध्यक्ष ओलीले महाभारतमा पाण्डपहरुसँग सबैकुरा हुँदाहुँदै पनि सकुनी र मन्थराको षड्यन्त्रमा सत्ता खोसिएको कथा सुनाउँदै आफ्नो सत्ता पनि त्यसरी नै खोसिएको बताए ।

काठमाडौं । प्रमुख प्रतिपक्षी दल नेकपा एमालेका अध्यक्ष केपी शर्मा ओलीले गत ३० वैशाखमा भएको स्थानीय तह निर्वाचनको माध्यमबाट राष्ट्रको भविष्यलाई अध्याँरो सुरुङतर्फ धकेल्ने प्रयास भएको बताएका छन्।

प्रतिनिधिसभाकाको बैठकलाई सम्बोधन गर्दै ओलीले यस्तो बताएका हुन्। गत मंगलबार प्रस्तुत भएको नीति तथा कार्यक्रममाथिको छलफलमा सहभागी हुँदै ओलीले जस्तो निर्वाचन हुनपर्ने हो त्यस्तो नभएको बताए।

‘निर्वाचन जस्तो हुनुपर्थ्यो त्यस्तो भएन। निर्वाचन भयो, एउटा खुसीको कुरा हो। तर, जस्तो निर्वाचन हुनुपर्थ्यो त्यस्तो भएन्,’ उनले भने, ‘परिणाम त्यस्तो प्रकट हुन पाएन। किनभने जनताले त्यसरी परिणाम प्रकट गर्न पाएनन्।’

उनले संविधान, लोकतन्त्र र मानव अधिकारलाई नै निर्वाचनले अध्याँरो सुरुङतर्फ लगेको टिप्पणी गरे। ‘यस निर्वाचनको माध्यमबाट हाम्रो संविधान, लोकतन्त्र, मानव अधिकार, मौलिक स्वतन्त्रता र राष्ट्रको भविष्यलाई अध्याँरो सुरुङतर्फ धकेल्ने प्रयास भयो,’ ओलीले भने।

Categories
समाचार

जसलाई जिल्लाबाट लखेट्ने धम्की दिए, उसैसँग सपथग्रहण !

काठमाडौं। स्थानीय तहको निर्वाचन सकिएपछि व्यास नगरपालिकाका प्रमुखका उम्मेदवारको रुपमा रहेका वैकुण्ठ न्यौपानेले मतगणना सुरु नगरेको भन्दै वैशाख ३१ गते कांग्रेसविरुद्ध षड्यन्त्र गर्नेलाई लखेट्ने चेतावनी दिएका थिए ।

उनले मुख्य निर्वाचन अधिकृतको कार्यालय अगाडि भनेका थिए, “निर्वाचन आयोगमा के लेखेर पठाएको छ ? हामीलाई देखाउनुप¥यो । षड्यन्त्र गर्ने हामीविरुद्ध, अनि टिकौला तिमीहरु ? यहाँ कोही टिक्न सक्छ कांग्रेस हो यहाँ, हामीले धेरै मान्छे लखेटेका छौं, लखेटिन सक्छौ ।”

उत्तेजक भाषण दिदै मुख्य निर्वाचन अधिकृत हरिशचन्द्र ढुङगनालाई जिल्लाबाट लखेट्ने धम्की दिएका न्यौपाने मेयरमा निर्वाचित भएपछि उनै अधिकृतबाट बुधबार शपथग्रहण लिएका छन् ।

मेयरका स्वतन्त्र उम्मेदवार दीपकराज जोशीलाई पराजित गदै मेयरमा पुनः निर्वाचित न्यौपानेले शपथग्रहण लिदै संविधान र कानूनको पालना गरेर काम गर्ने बताए ।

त्यस्तै न्यौपानेले नगरवासीका चाहनालाई स्रोत र साधनको परिधिभित्र रहेर पूरा गर्नेतर्फ दत्तचित्त भएर लाग्ने बताए ।

Categories
समाचार

सलमान खान नआउने, तीन करोडभन्दा बढि रकम स्वाहा !

काठमाडौं। भारतीय अभिनेता सलमान खान यही जेठ १४ गते काठमाडौं आउने कार्यक्रम तय भएको थियो ।तर, अन्तिम समयमा आएर उनको कार्यक्रम स्थगित् भएको जानकारी आएको छ । सलमानका नेपालथित् फ्यान अहिले निराश छन् ।

खान काठमाडौंमा प्रस्तुत गर्ने भनिएको कन्सर्टमा सहभागी हुन नेपाल आउने चर्चा थियो ।उनको नेपाल आगमनको लागि नेपाल सरकारका पर्यटनमन्त्री प्रेम आले नै सक्रिय भएका थिए । उनीहरुबीच फोन भिडिओमार्फत कुराकानी पनि भएको थियो ।

सलमानको काठमाडौंमा हुने भनिएको कार्यक्रमको आवश्यक तयारीका लागि उनका भाइसमेत काठमाडौं आएका थिए । उनले पनि पर्यटनमन्त्री आलेसँग भेटवार्ता गरेका थिए । दबंग टुर रिलोडेडका लागि सलमान ओडीसी इन्टरटेनमेन्टको आयोजनामा हुने कार्यक्रमका लागि नेपाल ल्याउने भनिएको थियो ।

तर, सलमान सहभागी हुने कार्यक्रमको टिकट पनि उत्साहजनक रुपमा वितरण नभएको बुझिएको छ । अहिलेसम्म ७ लाख रुपैयाँको मात्रै टिकट वितरण भएको स्रोतको दाबी छ ।

कार्यक्रम केरकति कारणले स्थागित भएको हो भन्नेबारे आयोजकले आधिकारिक रुपमा जानकारी नदिएपनि उनी सहभागी कार्यक्रममा टिकट राम्रोसँग विक्रि नहुनु, कार्यक्रमको लागि नेपाल ल्याउने भनिएको सामान भन्सारमा रोकिनु आदी रहेको बुझिएको छ । आयोजकले सलमान सहभागी हुने उक्त कार्यक्रमबाट ८ देखि ९ करोड रुपैयाँ उठ्ने विश्वास लिएको थियो ।

उक्त कार्यक्रमको प्रचारप्रसारको लागि आयोजकले अहिलेसम्म २ करोड रुपैयाँ खर्च गरिसकेको पनि बुझिएको छ । आयोजकले सलमानलाई ४ करोड ४० लाख खर्चिएर नेपाल ल्याउन लागेको थियो । त्यसवापत आयोजकले खानलाई ३ करोड ८० लाख रुपैयाँ अग्रिम भुक्तानी गरिसकेको आयोजक संस्थाका एक सदस्यले जनाए ।

Categories
समाचार

एमाले नेतृ करिस्मा मानन्धर यानिकी सूर्य कुमारीले रोजिन् बालेन्द्र, लेखिन् मर्मस्पर्शी शब्द

काठमाडौं । नेकपा एमालेकी नेतृ एवं अभिनेत्री करिस्मा मानन्धरले बालेन्द्र सालाई बधाई दिनु भएको छ ।

लोकतन्त्रमा जनताको रोजाई सर्वोच्च हुने भन्दै उहाँले बधाई दिनु भएको हो ।

अभिनेत्री मानन्धरले काठमाडौं महानगरपालिकामा विजयी मेयर बालेन्द्र साह र उपमेयर सुनिता डङ्गोललाई बधाई दिदैँ यस्तो बयान दिनुभयो ।

साह र डङ्गोल काठमाडौं बासीको रोजाई भएको उहाँको भनाई रहेको छ । उहाँका अनुसार सानो दल ठूलो जनमतले अचानक अगाडि आउने घटनालाई , जनताले लोकप्रिय र विकास् उन्मुख पार्टी रोजेछ भन्न सकिन्छ ।

तर यो स्थानीय चुनावमा त्यस्तो भएको होईन् । यो चुनावको परिणाम मिश्रित भएको पनि उहाँले बताउनुभयो ।

पुरानो पार्टी नेपाली काङ्ग्रेस गठबन्धन गरेर आंशिक रूपमा पहिलो , नेकपा एमाले एक्लै भएपनी दोस्रो र गठबन्धनका अन्य दल नेकपा माओवादी तेस्रो , नेकपा एस , र अन्य दल जनताको चाहाना नयाँ उम्मेदवारहरु तर्फ झुकेको उल्लेख गर्नुभएको छ ।

उहाँको फेसबुक स्टाटस हेर्नुहोस्

लोकतन्त्रमा जनताको रोजाइ सर्वोच्च हुन्छ । जनतको मत तेता तर्फ आकर्षित हुन्छ जाँहा जनताले आफ्नो भविष्य सुनिश्चित देख्छन् । काठमाडौ माहानगर वासी जनताको रोजाइ , हुनै लागेका नयाँ मेयर बालेन साहलाई बधाई तथा सफल कार्यकालको शुभकामना छ ।

हुनै लागेकी , उपमेयर नेकपा एमाले कि नेत्री क. सुनिता डङ्गोललाइ बधाई तथा सफल कार्यकालको शुभकामना ।

मेरो बिचारमा सबै लोकतान्त्रिक बिचार राख्नेले नयाँ पुस्ताले गरेको यो उर्जासिल प्रयासलाई असाध्यै सकारात्मक तवरले लिनुपर्छ । युवाहरूले राष्ट्रिय राजनीतिमा चासो लिन थाल्नु सकारात्मक परिवर्तनको सुरुवात हो ।

सबै दलहरूको चुनावी प्रयास भनेको आफ्ना नीति योजनाहरु जनता सामु पुर्याउनु र आफ्नो पार्टीलाई अत्याधिक मतले बिजयी बनाउनु नै हुन्छ ।

जनमतको क्रममा ठुला दल अत्यन्तै स्यानो भएर खुम्चिनु ! अनि सानो दल ठूलो जनमतले अचानक आगाडी आउने घटनालाई , जनताले लोकप्रिय र विकास् उन्मुख पार्टी रोजेछ भन्नसकिन्छ ।

तर यो स्थानीय चुनावमा तेसो भएको होइन । यो चुनावको परिणाम मिश्रित छ। पुरानो पार्टी नेपाली काङ्ग्रेस गठबंधन गरेर आंशिक रूपमा पहिलो , नेकपा एमाले एकलै भएपनी दोस्रो र गठबंधनका अन्य दल नेकपा माओवादी तेस्रो , नेकपा एस , र अन्य दल ।।।

जनताको चाहाना नयाँ उम्मेदवारहरु तर्फ झुकेको छ । धरानमा हर्क साम्पाङले जित्नु , विभिन्न स्थानमा स्वतन्त्र उम्मेदवारले जित्नुलाई उदाहरणको रुपमा लिन सकिन्छ । हरेक पार्टिले यो सत्यलाई मनन् गर्नुपर्छ ।

म आफू पनि नेकपा एमालेको पक्षधर भएकोले केही मनमा लागेको कुरा राख्दै छु, यो एउटा नागरिकको हिसाबले सुझाव पनि राख्दै छु । किनभने नागरिकले निष्पक्ष विश्लेषण गर्दछ।

नयाँ सदस्य भएको कारण आन्तरिक कुरा कम थाहा हुनसक्छ !! तर पार्टीको गरिमा बढेको हेर्न चाहाने भएकोले र यो मुलुकको विकास गर्न एमाले पार्टी सक्षम भयेको आफ्नो विश्वासले अनि आफ्नो कार्यकालमा एमालेको सरकारले गरेको कामबाट प्रभावित भएर पार्टीमा आबद्ध भएको कारण यो कुरा राख्दै छु ।

पार्टीले गहन प्रकारले विगतमा भएका त्रुटी र अप्ठ्यारोमा गरिएको निर्णयबाट पार्टीलाई परेको असरको बारेमा निर्मम र निस्वार्थ समिक्षा गर्नुपर्छ होला र तेसलाइ सच्याएर अगाडि जानुपर्छ ।

किनभने विगतमा भएका घटनाक्रमले गर्दा लोकप्रियता र परिस्थिति निकै राम्रो हुदाहुदै पनि धेरै ठाउँमा आफ्नैहरुबाट अन्तरघातका कारण यथोचित सफलता हासिल गर्न सकिएन ।

धेरै नयाँ पुस्ताका अनुहारलाई अगाडि सार्नु पार्टीको सबल पक्ष रह्यो । मुख्य नेतृत्वले तल सम्मको स–साना कामकारबाहीमा थोरै भए पनि जानकारी लिनुपर्छ होला !

कतै कतै उमेदवारहरुको छनोट पो गलत भयो कि !! समय परिवर्तनशिल छ , हिजो जे थियो आज छैन ,आज जे छ भोलि हुदैन । तेसैले हिजोको एमालेलाई , आज र भोलि उस्तै सदाबाहार बनाउन हामिले आफुलाइ परिवर्तन गर्नुपर्छ ।

आउदो मुख्य चुनावमा नेकपा एमालेलाई पहिलो नम्बरमा पुर्याउनु पर्छ । चुनावमा एमालेका नेताकार्यकर्ताले जुन उर्जाका साथ दिनरात नभनेर मेहनत गरेको देखे त्यसबाट धेरै कुरा सिक्ने मौका पाए । बिजय हासिल गर्नुहुने सम्पूर्ण कमरेडहरुमा बधाई तथा सफल कार्यकालको शुभकामना ✊ अन्त्यमा हामी जे गर्छौ राष्ट्रिय हितको लागि गर्छौ ।

Categories
समाचार

यस्तो कानूनका कारण बालेनले राजनीतिक दल खोलेमा वा दलको सदस्यता लिएमा पद नै जान्छ

काठमाडौं । बालेन (बालेन्द्र) साह काठमाडौं महानगरपालिकाको मेयर पदमा विजयी हुने पक्का भएसँगै विभिन्न अड्कलवाजी समेत गर्न थालिएको छ । बालेन के विजयी भएपछि अर्को दलमा जान्छन् ।

या उनले अर्को पार्टी खोल्छन् ? सबैको मनमापनि लागेको होला । उनले बेला–बेलाका सामाजिक सञ्जालका पोष्टमा बालेन एक्लै हैन यो अभियान हो भनिरहँदा धेरैले बालेनले पार्टी खोल्ने कल्पना समेत गरेका छन् । तर विद्यमान कानूनका कारण त्यो सम्भव छैन ।

राजनीतिक दलसम्बन्धी ऐन २०७३ को परिच्छेद ६ मा ‘दल त्याग’ सम्बन्धी व्यवस्था छ ।

ऐनको दफा ३१ मा कुनै दलको तर्फबाट उम्मेदवार भई निर्वाचित भएको संघीय संसदको सदस्य, प्रदेश सभाको सदस्य वा स्थानीय तहको सदस्यले दल त्याग गरेमा उक्त पद दल त्यागेको मितिदेखि स्वतः रिक्त भएको मानिने’ व्यवस्था छ ।

त्यसका लागि तीनवटा शर्तहरूमध्ये कुनै एउटा शर्त आकषिर्त भएको हुनुपर्छ ।

पहिलो, सम्बन्धित दलको सदस्यबाट लिखित रूपमा राजिनामा दिएमा, दोस्रो जनप्रतिनिधिले अर्को दलको सदस्यता लिएमा वा आफैंले वा आफू समेत संलग्न भई अर्को दल गठन गरेमा दल त्याग गरेको मानिने व्यवस्था ऐनको दफा ३२ मा छ ।

संवैधानिक व्यवस्थामा समेत यो विषय समेटिएको छ । नेपालको संविधानको धारा २१५ मा गाउँपालिका र २१६ मा नगरपालिकाका जनप्रतिनिधिहरूको पद रिक्त हुने सम्बन्धी व्यवस्था छ ।

दुवै ऐनको उपधारा ८ मा स्थानीय तहको प्रमुख, अध्यक्ष, उपप्रमुख, उपाध्यक्ष अनि वडाध्यक्ष र सदस्यको पद रिक्त हुने व्यवस्था छ । संविधानमा दल त्याग सम्बन्धि वयवस्था छैन ।

तर राजनीतिक सहमतिका आधारमा दलसम्बन्धी ऐन २०७३ जारी गरिएको छ । उक्त ऐनको दफा ३१ मा ‘दल त्याग गरेमा’ स्थानीय तहका जनप्रतिनिधिहरूको पद रिक्त हुने व्यवस्था थपिएको हो ।

संघीय र प्रदेश सभाका सदस्यको हकमा संविधानमै व्यवस्था भए पनि स्थानीय तहको जनप्रतिनिधिको हकमा यो व्यवस्था मिल्दो नभएको प्रमुख निर्वाचन आयुक्त दिनेश थपलिया बताउनुहुन्छ ।

तर कानूनमा व्यवस्था भएपछि कार्यन्वयन गर्न आयोग बाध्य हुने उहाँको भनाई छ । विधायिकाले कानून बनाउँने हो । कानून बनाएपछि कार्यन्वयन गर्ने निकायले गर्नुपर्नेछ ।

‘ऐनमा भएको व्यवस्थालाई सरसर्ती हेर्दा एउटा दलमा आवद्ध भई निर्वाचन चिहृन लिएर जनमतको भरमा जितेको जनप्रतिनिधिले दल परित्याग गरेमा पद समेत जाने विषय स्वाभाविक र उपयुक्त भएको प्रमुख निर्वाचन आयुक्त दिनेशकुमार थपलियाको भनाई छ ।

यसैले बालेन साहलेपनि लिएको चुनाव चिहृन भन्दा फरक पर्ने दल रोजेमा वा बनाएमा पद स्वतः खारेज हुनेछ । अर्थात स्वतन्त्रलाईपनि कानूनले एउटा दल जस्तै मानेको छ यही कानून आकर्षित हुनेछ ।