अक्षय कुमार र करीना कपूर स्टारर फिल्म ‘गुड न्यूज’ को ट्रेलर सार्वजनिक गरिएको छ । फिल्ममा कियारा आडवाणी र दिलजीत दोसाँझको पनि शीर्ष भूमिका छ ।

करण जोहर प्रोडक्सनले बनाएको यो फिल्मको ट्रेलर कमेडी छ । फिल्ममा अक्षय कुमार र करीना कपूरको जोडी देखाइएको छ भने कियारा र दिलजितको जोडी देख्न सकिन्छ ।

हस्पिटलको सानो लापरवाहीले दुई परिवारको जीवनमा आएको उतारचढावलाई फिल्ममा कमेडी शैलीमा प्रस्तुत गरिएको छ । यो फिल्म डिसेम्बरमा रिलिज हुनेछ । सन् २०१९ मा अक्षय कुमारले ३ हिट फिल्म दिइसकेका छन् । यसै वर्ष अक्षयको चौथो फिल्म पनि रिलिज हुँदैछ ।

लोकरक ब्याण्ड नेपथ्यको चर्चित गीत ‘लाम्पाते सुरति’ अब युट्युबमा उपलब्ध हुने भएको छ। ‘पप संगीत’बाट सुरुभएको ब्याण्ड नेपथ्यलाई ‘लोक रक ब्याण्ड’मा रुपान्तरण गरेको एल्बम ‘रेशम’मा समेटिएको यो गीतका गीतकार सरुभक्त हुन्।

‘आज भोलि के भयो के भयो, कसले कसले स्वाट्ट यो मन छोयो, खान्न म त लाम्पाते सुरति लाउँ कि नलाउँ जुग जाने पिरती’

‘नेपथ्यको पाँच वटा सर्वोत्कृष्ट गीतको सूची तयार पार्नुपरे म एकदेखि पाँचसम्मै लाम्पाते सुरतिलाई राख्छु,’ लेखक कुमार नगरकोटी भन्छन्, ‘त्यसपछि छैठौंबाट मात्र मेरा निम्ति नेपथ्यका अन्य राम्रा गीतको गणना सुरु हुन्छ।’

यो गीतलाई पोखराका गन्धर्वहरुले भाका हालेर अलिक बेग्लै पाराले गाउँदै आएको हुनाले आफूले केटाकेटी उमेरमै सुनेको गायक अमृत गुरुङ बताउँछन्। ‘त्यसै भाकालाई माटेपानीको जग्गु भनिने ईश्वर गुरुङ दाइले गितारको धुनमा मिसाएर असाध्यै मिठोसँग सुनाएका थिए,’ अमृत सम्झन्छन्, ‘तर, त्यसका शब्दहरुले मलाई छोएन।’

अमृतका अनुसार त्यतिबेला गीतको शब्द थियो– ‘घर त मेरो पातीले बारेको, रक्सी मिठो ङोल्स्योले पारेको, खान्न म त लाम्पाते सुरति, लाउँ कि नलाउँ जुग जाने पिरती’

धुन मिठो भइकन पनि गीतको शब्द उति मन नपरेपछि पोखराकै लेखक सरुभक्तकहाँ गएपछि यस गीतको सुन्दर रुपान्तरण हुन पुगेको अमृत सुनाउँछन्। ‘दाइले नयाँ शब्द तयार पारेपछि यो गीतै झलमल्ल बलेजस्तो भयो,’ अमृत भन्छन्, ‘त्यसको लगत्तै रेशम एल्बमको तयारीका क्रममा यसको रेकर्डिङ पनि थालिहालेका थियौं।’

‘रेशम’ एल्बमको शिर्ष गीतको भिडियो उतिबेलै तयार भएर अत्यधिक लोकप्रियता हासिल गरेको थियो। त्यसै एल्बमको यो अर्को चर्चित गीतले भने लगभग दुई दशकपछि भर्खरै मात्र श्रब्यदृश्यमा आउन पाएको छ।

संसारभर ब्याण्डहरुले आफ्ना चलेका गीतहरुलाई ‘लाइभ रेकर्ड’ गरेर श्रव्य-दृश्य संस्करण पुनः सार्वजनिक गर्ने प्रचलनअनुसार याे गीतकाे भिडियाे हो। गत वर्ष नेपथ्यले ‘नेपाल टुर’ गर्दाको संग्रहबाटै यो भिडियो तयार पारिएको हो। लाइभ कार्यक्रममा आधारित यस भिडियोले गायक अमृत गुरुङको दर्शकहरुसँग सम्वाद गर्ने मौलिक शैलीलाई पनि समेटेको छ।

हिजोआज एल्बमको प्रचलनले अर्थ गुमाउँदै गएको अवस्थामा नेपालयले यसका प्रत्येक सिर्जनाहरु आइट्युन, गुगल प्ले र स्पोटिफाइजस्ता ‘भर्चुअल स्टोर’हरुका माध्यमबाट सार्वजनिक गर्दै आएको छ। त्यसबाहेक ब्याण्ड र उसका श्रोताहरुलाई नजिक्याउन युट्युब पनि एक प्रभावकारी माध्यम बन्दै गएको छ।

काठमाडौं, १ असोज । लोकगीतमा मौलिकताको खोजी गर्ने गायकका रुपमा चिनिने पशुपति शर्माले नयाँ गीत सार्वजनिक गरेका छन् । । उनी आफ्ना हरेक गीतमा नयाँपन दिने कोशिस गर्छन । उनका गीत सन्देशमूलक पनि हुन्छन्। त्यसैले होला उनका गीत स्रोता दर्शकले निकै मन पराउँछन् ।

उनै गायक पशुपतिले सम्झना भण्डारीसंग मिलेर नयाँ गीत सार्वजनिक गरेका छन् । गीतको नाम छ ‘कान्छी बुहारी‘’। यो दशैं तिहार संग सम्बिन्धित गीत हो। गीतमा पशुपति–सम्झनाको स्वर मात्र छैन् अभिनय पनि आफै गरेका छन्। साथमा सबिता गुरुङ्गले भिडियोमा अभिनय गरेकी छन्।

गीतको लयरशब्द पन पशुपतिकै हो। मंगलबार पशुपतिले आफ्नै युट्युब च्यानलबाट सार्वजनिक गरेको यस गीतमा बिहेमा हुने खर्चको प्रसंगलाई रमाईलो तरिकाले प्रस्तुत गरेका छन्। भिडियोलाई दुर्गा पौडेलले छायांकन तथा निर्देशन गरेका हुन्। गिरमान सोहन कुमालको कोरियोग्राफी रहेको भिडियोमा नबिन घर्ति मगरको सम्पादन छ।

पशुपति नेपाली लोक गीतसंगीतमा सर्वाधिक चर्चामा रहेको नाम हो। सम्झना पनि पछिल्लो समयकी ब्यस्त गायिका हुन्। पशुपति र सम्झनाले यसअघि पनि धेरै गीतमा सहकार्य गरेका छन्।

काठमाडौं – नेपाली टेलिभिजन इतिहासकै सबैभन्दा ठूलो गायन रियालीटी सो ‘नेपाल आइडल’को तेश्रो संस्करण घोषणा भएको छ। एपी वान एचडीबाट प्रसारण हुँदै आएको ‘नेपाल आइडल’ को पहिलो र दोश्रो संस्करणको सफलतापछि तेश्रो संस्करणको तयारी भएको हो। यो सिजनका लागि देशका मुख्य ६ वटा सहरमा अडिसन हुँदैछ। मंगलबार पोखरादेखि सुरु हुने अडिसन कात्तिक ६ गते काडमाडौंबाट टुंगिने छ। बुटवलमा ३ असोज, नेपालगञ्जमा ६ असोज, वीरगन्जमा १० असोज र विर्तामोडमा १४ असोजमा अडिसन हुँदैछ। मंगलबार पोखराको सिमालचौरस्थित जनप्रिय माविमा अडिसन हुनेछ।

१६ देखि ३० वर्षको उमेर समूहका नेपाली नागरिकले अडिसनमा सहभागी हुन पाउनेछन्। अडिसनमा सहभागी हुन आउँदा दुई प्रति पासपोर्ट साइजको फोटो र नेपाली नागरिकताको फोटोकपी पेस गर्नुपर्ने छ। अडिसन बिहान ८ बजेदेखि ४ बजेसम्म सञ्चालन हुने नेपाल आइडलका प्रोजेक्ट हेड तथा निर्देशक सुरेश पौडेलले जानकारी दिए।

कसरी सहभागी हुने नेपाल आइडलमा ?

फर्म भर्न र प्रतियोगितमा भाग लिन कुनै शुल्क लाग्ने छैन। नेपाल आइडल सिजन ३ को निर्णायकमा संगीतकार न्ह्यू बज्राचार्य, संगीतकार तथा गायक कालिप्रसाद बास्कोटा र गायिका इन्दिरा जोशी रहेका छन्। अमेरिकन आइडलको फ्रेन्चाइज लिएर एपीवान टिभीले ३ वर्षदेखि नेपाल आइडल गायन प्रतियोगिता आयोजना गर्दै आएको छ।

नेपाली नागरिकता भएका १६ देखि ३० वर्षभित्रका नेपालीले प्रतियोगितामा भाग लिन पाउने व्यवस्था आयोजकले संस्थाले गरेको छ। सांगीतिक एल्बमका लागि गीत रेकर्ड गरिसकेका व्यावसायिक गायक र गायिकाले समेत नेपाल आइडलमा भाग लिन सक्नेछन्।

नेपाल आइडलका प्रस्तोतामा आसिफ शाह फाइनल भए पनि उनका सहकर्मी तय हुन केही दिन लाग्ने कार्यक्रम निर्देशक एलन श्रेष्ठले बताए। मंसिरतिरबाट कार्यक्रम प्रशारणमा आउने उनको भनाइ छ। पहिलो नेपाल आइडलको विजेता पोखराका बुद्ध लामा भएका थिए भने दोस्रो नेपाल आइडल रवि ओड भएका थिए। बुद्ध पहिलो नेपाल आइडल बन्दा निशान भट्टराई र प्रताप दास दोश्रो र तेश्रो बन्न सफल भएका थिए। नेपाल आइडलमा प्रथम, दोश्रो र तेश्रो स्थान प्रप्त गर्न सफलले देश विदेशका विभिन्न मञ्चमा प्रस्तुति दिँदै ख्याति कमाएका छन्। अन्नपूर्ण पोस्टमा खबर छ ।

अभिनेता अनमोल केसीको प्रमुख भूमिका रहने नयाँ फिल्म ‘एन्टी हिरो’ मा ‘लिलिबिली’ गर्ल जसिता गुरुङले प्रमुख भूमिकामा अभिनय गर्ने भएकी छन् । अभिनेता प्रदीप खड्कासँग ‘लिलिबिली’ र ‘लभ स्टेशन’ गरि दुई फिल्ममा काम गरिसकेकी उनले अब अनमोलसँग जोडी बाँध्नेछिन् । लामो समयदेखि दुईलाई स्क्रिनमा हेर्ने दर्शकको ठूलो इच्छा थियो । अब त्यो पूरा हुने भएको छ ।

केही दिनयता निर्माता तथा अभिनेता भुवन केसी फिल्मका लागि अभिनेत्रीको खोजीमा थिए । उनको नजरमा दुई अभिनेत्री थिए, साम्राज्ञी आरएल शाह र जसिता गुरुङ । साम्राज्ञीसँग खासै राम्रो सम्बन्ध नभएका कारण उनले जसितालाई फिल्म अप्रोच गरेको स्रोत बताउँछ । फिल्मीखबरलाई प्राप्त जानकारी अनुसार, निर्माता भुवन र अभिनेत्री जसिताबीच मौखिक सहमति भइसकेको छ ।

शुक्रबार दिउँसो २ बजे जसिताले औपचारिक रुपमा फिल्म ‘एन्टी हिरो’ साइन गर्ने स्रोत बताउँछ । तिहारपछि छायांकन सुरु हुने फिल्ममा अभिनेता भुवनले पनि अभिनय गर्दैछन् । फिल्ममा उनी नेगेटिभ रोलमा देखिँदैछन् । पहिलो पटक अनमोल र भुवनले एकसाथ फिल्ममा अभिनय गर्न लागेका हुन् । फिल्मका लागि निर्देशकको अझै टुंगो लागेको छैन । सम्भवतः भुवन स्वयंले फिल्मको निर्देशन गर्नेछन् ।

एक्सन-लभस्टोरी जनरामा निर्माण हुने फिल्मका लागि अहिले अनमोल शरीर सुंगठित बनाउन जिममा पसिना बगाइरहेका छन् । फिल्म ‘कृ’ पछि उनी फेरि एकपटक ‘एन्टी हिरो’ मा एक्सन अवतारमा प्रस्तुत हुँदैछन् । फिल्ममा उनको चकलेटी लुक्स पनि देख्न पाइने बताइएको छ । फ्लोरमा नजाँदै लगानी उठाइसकेको यो फिल्मको अहिले स्क्रिप्टलाई फाइनल गर्ने काम भइरहेको छ ।

अभिनेत्री जसिता गुरुङ ‘एन्टी हिरो’ भन्दा अगाडि निर्देशक रेनशा वान्तवा राईले निर्देशन गर्ने नयाँ फिल्म ‘आईएम ट्वान्टिवान’ मा अनुबन्ध भइसकेकी छन् । यूके रैथाने उनी यही फिल्मको वर्कसपमा सहभागी हुन केही हप्ता अगाडि नेपाल आएकी थिइन् । उनले ‘एन्टी हिरो’ र ‘आईएम ट्वान्टिवान’ मध्ये कुन फिल्म अगाडि गर्नेछिन् त्यसको विषयमा कुनै जानकारी प्राप्त भएको छैन ।

दक्षिण भारतिय अभिनेता प्रभास यतिबेला उनी फिल्म साहोकै प्रमोशनमा व्यस्त छन् । त्यसो त साहो पछि उनले कुन फिल्म खेल्दैछन् भन्ने चासो पनि छ । भनिहालौं, उनी नयाँ फिल्मको तयारीमा जुटिसकेका छन् । उनको आगमी फिल्म एक्सन हुनेछैन, लभस्टोरी हुनेछ । रमाइलो कुरा त के भने यो रोमान्टिक लभस्टोरी फिल्म प्रभासकै होम प्रोडक्शनको व्यानरमा निर्माण हुने पक्कापक्की भएको हो ।

यस फिल्ममा प्रभासलाई साथ दिनेछन् ‘मोहनजोदडो’का साथ करियर सुरु गरेकी पूजा हेगडेले । फिल्मको तयारी सुरु भइसकेको छ । यो फिल्म तेलुगूका साथै हिन्दीमा पनि बन्नेछ ।

त्यसो त प्रभासको ‘साहो’का लागि पनि पहिलो प्राथमिकतामा थिइन् पूजा हेगडे । उक्त सूचीमा पूजासँगै अरु थुप्रै अभिनेत्रीको नाम थियो । अन्त्यामा बाजी मारिन्, श्रद्धा कपूरले ।

फिल्ममा श्रद्धा कपूरले प्रभाससँग काँधमा काँध मिलाएर एक्सन दृश्य दिएकी छिन् । श्रद्धाको नाम यस फिल्मका लागि धेरै नै सोच विचार गरेर फाइनल गरिएको थियो ।

अनुष्का चाहन्थे दर्शक

दर्शकले भने प्रभासको अपोजिटमा अनुष्का शेट्टीलाई देख्न चाहन्थे । किनभने यो जोडी बाहुबलीमा पनि निकै रुचाइएको थियो । फिल्ममा एकदमै ग्ल्यामरस अभिनेत्रीलाई लिने तय भएको थियो । यद्यपि पछिल्लो समय अनुष्काको बढ्दो तौलले उनलाई छनौट गरिएन ।

सोनम कपूर पनि संभावित नाम

त्यती मात्र होइन, अभिनेत्रीको सूचीमा सोनम कपूरको पनि व्यापक चर्चा भएको थियो । यद्यपि उनीपनि चुपचाप बसिन् ।पूजा हेगडे बलिउडमा ऋतिक रोशनको ‘मोहनजोदडो’का साथ डेब्यु गरेकी थिइन् । उनको नाम लामो समयसम्म साहोसँग जोडियो ।

कैटरिना कैफ

सबैभन्दा पहिलो कैटरिनाको नाम आएको थियो, साहोका लागि । यद्यपि कैटरिनासँग अफर नै गरिएन वा उनले रिजेक्ट गरिदिए ।

साउथ इन्डियन फिल्म इन्डस्ट्रीमा शायदै कोही यस्तो कलाकार होला जो चर्चा र कमाईको मामलामा पछि छ । यो इन्डस्ट्रीमा एक से एक सुपरस्टार छन् ।जसका फ्यान फलोइङ बलिउड स्टार भन्दा कम छैन । यी नै स्टारको सूचीमा छन् अल्लु अर्जुन ।

अल्लु अर्जुन तेलुगु फिल्मका सुपरस्टार हुन् । अल्लु अर्जुनले आफ्नो अभिनय यात्रा बाल्यकाल देखि नै सुरु गरेका हुन् । उनले फिल्म ‘ड्याडी’ बाट उनले अभिनय सुरु गरेका हुन् । उनले लिड रोल भने फिल्म ‘गंगोत्री’ बाट सुरु गरेका हुन् । त्यो भन्दा ठूलो ब्रेक उनलाई ‘आर्या’ बाट मिल्यो ।

यो फिल्मले उनको करिअर कायापलट गरिदियो । फिल्ममा उनको जबरजस्त अभिनय देखियो । यही फिल्मबाट उनले फिल्मफेयरको बेस्ट तेलुगु एक्टरको अवार्ड समेत मिल्यो । यो पछि उनको सफलता थप चुलिँदै गयो । उनले एक पछि अर्को ब्लकबस्टर फिल्म दिएका छन् । भारतीय संचार माध्यमहरुका अनुसार उनी तेलुगु सिनेमाका ठूला अभिनेता हुन् । उनले एक फिल्ममा काम गरेवापत १४ देखि १५ करोड पारिश्रमिक लिने गरेका छन् ।

उनी मात्रै साउथका यस्ता स्टार हुन् जसको फेसबुकमा १ करोड भन्दा बढी फलोअर छन् । यसका साथै उनी फोब्र्सको सबैभन्दा बढी कमाई गर्ने सेलिब्रेटीको सूचीमा समेत समावेश छन्

दोहोरीको इतिहासमै सबै भन्दा बढी हेरिएको लाइभ दोहोरी राजु परियार संग कमला घिमिरेको बनेको छ।११ बर्षिय बालिका कमला घिमिरे र लोकप्रिय गायक राजु परियारले गाएको लाइभ दोहोरीले इतिहास रचेपछि इन्द्रेणी संचालक कृष्ण कंडेल मिडियामा आएका छन।

आफुले गरेको १० बर्षको मिहनत बल्ल पुरा भएको भन्दै अब भने कमलाको भबिष्यको लागि सक्दो सहयोग गर्ने बाचा पनि गरेका छन।कंडेलले पछिल्लो समय इन्द्रेणी मार्फत लाखौको दुख पिडालाइ बाहिर ल्याउने कोसिस गर्दै आएका छन भने लुकेका प्रतिभालाई पनि स्थान दिदै आएका छन।कमल सरगम र अमृत सापकोटाको पहलला कमला काठमान्डौ आएकी थिईन।हेरौ कहिले आउदै छिन फेरी कमला इन्द्रेणीमा :

लता मंगेशकर ‘एक प्यारका नगमा है’ गीत गाएर सामाजिक संजालमा एकाएक भाइरल भएर बलिउड गायिका बनेकी रानू मारिया मण्डलले गाएको गीत रिलिज भएको छ। रिलिज भएको केहि घण्टाभित्रै गीतलाई युट्यूबमा लाखौं पटक हेरिसकिएको छ।

बुधबार एक औपचारिक कार्यक्रमकाबिच गीत ‘तेरी मेरी कहानी’ सार्वजनिक गरिएको हो। गीत सार्वजनिक भएपछि प्रतिक्रिया दिदैं रानूले आफू धेरै खुशी भएको बताइन्। ईश्वरलाई धन्यवाद दिदैं रानूले आफूलाई धेरै माया दिनेहरूलाई धन्यवाद दिइन्। रानूले गाएको यो गीत बलिउड संगीतकार एवं अभिनेता हिमेश रेशमियाको आगामी सिनेमा ‘ह्यापी हार्डी एण्ड हीर’ सिनेमाको हो।

सार्वजनीक भएको गीतको भिडिओमा रानूलाई समेत फिचर गरिएको छ। रानूलाई काम दिने बाचा रेशमियाले एक टेलिभिजन कार्यक्रममा गरेका थिए। ‘सुपरस्टार सिंगर’मा कार्यक्रमको निर्णायकका रूपमा रहेका हिमेशले रानुको स्वर सुनेपछि आफू निकै प्रभावित भएका थिए। उनले रानूको स्वरको तारिफ गर्दै उनलाई ‘काम दिने’ बताएका थिए।

हिमेशले त्यसको केहि दिनमा नै रानूलाई गीत गाउने अवसर प्रदान गरे र फलस्वरूप उनको स्वरको यो गीत तयार भएर सार्वजनिक भएको हो। भारतीय संचारमाध्यमहरूका अनुसार उनले यसका अलावा पनि केहि गीतहरू गाइसकेकी छन्।

काठमाडौं, २६ भदौ ।बलिउड अभिनेत्री सन्नी लियोनी नेपाल आएकी छन् । उनी विहिवार दिउसो नेपाल आएकी हुन् । आउने भएकी छन् । उनले आइटम डान्स गरेको नेपाली फिल्म ‘पासवर्ड’को प्रमोशनका लागि उनी नेपाल आएकी हुन् । फिल्म निर्माण युनीटले उनी नेपाल आउने प्रचार गरिरहेको थियो । सन्नीले केही महिना अघि आफु नेपाल आउन लागेको समेत बताएकी थिइन् । तर हाल भने उनले केही उल्लेख गरेकी थिइनन् । सन्नी नेपाल आउने खबर थाहा पाएर विमानस्थलमा क्यामेरा सहितका सञ्चारकर्मीको निकै ठूलो भिड लागेको थियो । सञ्चारकर्मी र सर्वसाधारणको भिड छिचोल्दै सन्नीलाई जोगाउन सुरक्षाकर्मीलाई निकै हम्मे हम्मे परेको देखिन्थ्यो ।

उनी नेपाली भादगाउँलो टोपी लगाएर विमानस्थलमा देखिए पछि उनको स्वागतमा बसेकाहरुले हुटिगं गरेका थिए । विमानस्थलमा सुरक्षाकर्मीको बाक्लो उपस्थिति थियो । सुरक्षा घेरामा विमानस्थलवट बाहिरिएकी सन्नीलाई जोगाउँदै सुरक्षाकर्मीले गाडी सम्म पुर्याएका थिए । त्यतीबेलाको छोटो दुरीमा पनि भिड ब्यवस्थापन गर्न प्रहरीलाई मुस्किल देखिन्थ्यो । केही पहिले उनले एक भिडियो सन्देश पोष्ट गर्दै आफु नेपाल आउन लागेको जानकारी गरेकी थिइन् । ‘पसवर्ड’मा सन्नी आइटम डान्सरका रुपमा देखिएकी छन् ।

नायिका सन्नी लियोनीलाई नेपाललाई विश्वकै सुन्दर देश भनेकी छिन् । चलचित्र ‘पासवर्ड’को प्रिमियरमा सहभागी हुन आज नेपाल आएकी सन्नीले नेपाल आउन पाउँदा आफू सधै नै उत्साहित हुने बताइन् । काठमाण्डौको कुमारी हलमा आयोजना भएको चलचित्रको प्रिमियरमा सहभागी हुन पुगेकी सन्नीले नेपाली चलचित्रमा आइटम नृत्य गर्न पाउँदा पनि खुशी व्यक्त गरिन् । सन्नीले भनिन्–‘विश्वकै सबैभन्दा सुन्दर देशमा उपस्थित हुन पाउँदा आनन्दित महशुश भएको छ । यस्तै, मलाई यो निकै नै उत्साहजनक समयमा सहभागी हुन पाउँदा खुशी लागेको छ ।’

साझको स्पेसल शोमा सन्नी बोल्ड अवतारमा पुगेकी थिईन जसले सबैको नजर तानेको थियो । सन्नीलाई झन्डै दुई घण्टा कुरेपछि उनको आगमन भएको थियो भने सन्नी आएपछि प्रिमियरको माहोल नै तत्तिएको थियो । सन्नीले प्रिमियर शोमा आएर आफु नेपाल आउदा खुशी भएको कुरा उल्लेख गर्दै आफुलाई मोमो खाने रहर भएको पनि बताएकी छिन । सन्नी आउनु अगाडी प्रिमियर शोमा माहोल अलि तत्तिएको पनि थियो तर सन्नी आएपछि माहोल साम्म भएको छ । सन्नीले प्रिमियरमा आएर फोटो खिचेर होटल तर्फ नै फर्किएकी छिन । सन्नीले पुरै चलचित्र भने हेरिनन ।