Categories
ताजा समाचार

दुर्घटनामा रेनु दाहाल घाइते, कस्तो छ अवस्था ?

दुर्घटनामा घाइते भएकी भरतपुर महानगरपालिकाकी मेयर रेनु दाहालको अवस्था खतरामुक्त रहेको प्रहरीले जनाएको छ । उनको हाल ललितपुरको पुल्चोकस्थित सुमेरु अस्पतालमा उपचार भइरहेको छ। उनको टाउकोमा चोट लागेपछि टाँका लगाइएको र अवस्था खतरामुक्त रहेको प्रहरीको भनाइ छ ।

उनी सवार प्रदेश ३–०१–०२३ च ७३१८ नम्बर गाडी शुक्रबार जावलाखेलमा दुर्घटना भएको थियो । टायर पञ्चर भएर गाडी बिजुलीको पोलमा ठोक्किन पुगेको प्रहरीले जनाएको छ । दुर्घटनाबाट गाडीको एक भागमा नराम्ररी क्षति पुगेको छ ।
गाडी गुल्मी घर भइ ललितपुरको हात्तीवन बस्ने अनिल कुमार पाठकले चलाएका थिए ।

बालेनको हिसाबले खायो फेल !

काठमाडौं । काठमाडौं महानगरपालिकाको मेयरमा विजयी भएका स्वतन्त्र उम्मेदवार बालेन्द्र साह ‘बालेन’को पहिलेको हिसाबले फेल खाएको छ । लौरो चुनाव चिह्नमा मेयर पदमा लडेका बालेनले ६१ हजार ७६७ मत ल्याएका छन्। बालेनले निर्वाचन हुनुअघि आफूले ९०८३५ मत ल्याएर मेयरमा चुनाव जित्ने घोषणा गरेका थिए । उनले पहिले जति मत ल्याएर विजयी हुन्छ भनेका थिए त्यो भन्दा २९,०६८ मत कम ल्याएका हुन् ।

तर, निर्वाचनमा आशातीत मत नखसेकाले बालेन ६१७६७ मत ल्याएर जित हासिल गरेका छन् । बालेनले आफ्ना निकटतम् प्रतिद्वन्द्वी नेपाली कांग्रेसकी सिर्जना सिंहभन्दा २३ हजार ४२६ मत धेरै ल्याएका छन्।

सिंहले ३८ हजार तीन सय ४१ मत ल्याएकी छन् । निर्वाचनमा आफ्नो कुनै प्रतिस्पर्धी नै नभएको दाबी गर्ने एमालेका एमालेका केशव स्थापित तेस्रो स्थानमा पुगेका छन् ।

उनले ३८ हजार ११७ मत पाएका छन्। सिर्जना सिंहले केशव स्थापितभन्दा २२४ मत मात्र धेरै ल्याएकी छन्। निर्वाचन आयोगको आधिकारिक वेबसाइटका अनुसार बिहीबार ३२ वटै वडाको मतगणना सकिएसँगै बालेन मेयर निर्वाचित भएका हुन्।

आँखीझ्याल चुनाव चिह्नमा लडेका स्वतन्त्र उम्मेदवार सुमन सायमीले १३ हजार ७७० मत पाएका छन्। राप्रपा उम्मेदवार मदनदास श्रेष्ठले ५ हजार ७७० मत पाएका छन् भने विवेकशील साझाकी समीक्षा बास्कोटाले ६४७ मत पाएकी छन्।

उपमेयरमा एमालेकी सुनिता डंगोल विजयी भएकी छन्। उनले ६८ हजार ६१२ मत पाएकी छन्। उपमेयरमा गठबन्धनका तर्फबाट एकीकृत समाजवादीका रामेश्‍वर श्रेष्ठले २३ हजार ८०६ मत पाए। उपमेयरमै आँखीझ्याल चुनाव चिह्न लिएर उठेकी स्वतन्त्र उम्मेदवार विद्या श्रेष्‍ठले १३ हजार ६९५ मत पाएकी छन् भने राप्रपाकी बिनिता मगैयाले १२ हजार १४१ मत पाइन्।

Categories
ताजा समाचार

काठमाडौंमा बालेन साहले कटाए ५० हजार मत

काठमाडौं । काठमाडौं महानगरपालिकाको मेयरमा स्वतन्त्र उम्मेदवार बालेन्द्र साह (बालेन)ले ५० हजार मत कटाएका छन् । शुरुदेखि नै अग्रता कायम गरेका बालेन्द्रले सत्ता गठबन्धनलाई पछाडि पार्दै फराकिलो मतान्तर बनाएका हुन् ।

मंगलबार बिहानसम्मको मतपरिणाम अनुसार बालेन्द्रले ५० हजार ३० मत प्राप्त गरेका छन् । उनका निकटतम् प्रतिद्वन्द्वीका रुपमा रहेका सत्ता गठबन्धनबाट उम्मेदवार बनेकी कांग्रेसकी सिर्जना सिंहले ३० हजार ७६७ मत प्राप्त गरेकी छन् ।

बालेन्द्रले सिर्जनालाई १९ हजार २६३ मतान्तर बनाएर अग्रता कायम गरेका छन् । सिर्जनाले एमालेका उम्मेदवार केशव स्थापितलाई भने पछि पारेकी छन् । स्थापितले ३० हजार १५ मत प्राप्त गरेका छन् ।

काठमाडौंमा उपमेयरमा भने एमालेकी सुनिता डंगोल फराकिलो मतान्तरले अगाडि छिन् । सत्तारुढ गठबन्धनबाट एकीकृत समाजवादीका उपमेयरका उम्मेदवार रामेश्वर श्रेष्ठ फराकिलो मतान्तरले पछाडि परेका हुन् । सुनिताले उपमेयरमा जीत सुनिश्चित गरेकी छन् ।

Categories
ताजा समाचार

विजय सुवेदीलाई १२ हजारभन्दा बढी मतले हराउँदै दाहाल भरतपुरको मेयरमा निर्वाचित

चितवन — भरतपुर महानगरपालिकाको मेयरमा नेकपा माओवादी केन्द्रकी रेनु दाहाल विजयी भएकी छिन् । एमाले उम्मेदवार विजय सुवेदीलाई १२ हजारभन्दा बढी मतले हराउँदै दाहाल भरतपुरको मेयरमा दोस्रो कार्यकालका लागि निर्वाचित भएकी हुन् ।

सत्तारूढ गठबन्धनबाट माओवादी केन्द्रकी उम्मेदवार रेनु दाहाल १२ हजार ४ सय ४९ मतान्तरले विजयी भएकी हुन् । भरतपुरको मुख्य निर्वाचन अधिकृतको कार्यालयले औपचारिक रूपमा निर्वाचन परिणाम भने अझै सार्वजनिक गरेको छैन ।

प्राप्त विवरणअनुसार दाहालले ५२ हजार ३० मत ल्याउँदा उनका निकटतम प्रतिद्वन्द्वी एमालेका सुवेदीले ३९ हजार ५ सय ८१ मत ल्याए ।

उमपेयरमा पनि सत्तारूढ गठबन्धनबाट नेपाली कांग्रेसका चित्रसेन अधिकारी विजयी भए । अधिकारीले ५२ हजार ८ सय ३ मत ल्याउँदा उनका निकटतम प्रतिद्वन्द्वी राप्रपाकी हिमला गुरूङले ३० हजार ६ सय १२ मत ल्याइन् । हिमलालाई एमालेको समर्थन थियो । मेयर पदका स्वतन्त्र उम्मेदवार जगन्नाथ पौडेलको १४ हजार ७ सय २८ मत आएको छ ।

Categories
ताजा समाचार समाचार

काठमाडौंमा अब मात्र ६२ हजार मत गन्न बाँकी, बालेनको उच्च अग्रता

काठमाडौं । काठमाडौं महानगरपालिकाको मेयर पदमा स्वतन्त्र उम्मेदवारी दिएका बालेन्द्र साह (बालेन) ले ४३ हजार ८५० मतसहित अग्रता फराकिलो बनाउनुभएको छ ।

अब मात्र ६२ हजार मत गन्न बाँकी रहँदा उहाँले अग्रता झनै बढाउनुभएको छ ।

दोस्रो स्थानमा रहनुभएकी नेपाली कांग्रेसकी उम्मेदवार सिर्जना सिंहले २५ हजार ९४४ मत पाउँदा नेकपा एमालेका उम्मेदवार केशव स्थापितले २५ हजार ५९ मत प्राप्त गर्नुभएको छ ।

सिर्जना केशव भन्दा ८८५ मत अन्तरले अगाडि हुनुहुन्छ ।

तर सिर्जनालाई बालेनले १७ हजार ९०६ मत अन्तरले पछि पार्नुभएको छ । केशवभन्दा बालेन १८ हजार ७९१ मत अन्तरले अगाडि हुनुहुन्छ ।

काठमाडौं महानगरपालिकामा अब गन्न बाँकी मत ६२ हजार ४९९ मात्र छ । वैशाख ३० गते भएको स्थानीय तह निर्वाचनमा काठमाडौंमा १ लाख ९० हजार ९८४ मत खसेको थियो ।

उपप्रमुखमा नेपाल कम्युनिष्ट पार्टी (एमाले) की सुनिता डंगोलको अग्रता छ । उहाँले ४५८७५ मत प्राप्त गर्नुभएको छ । नेपाल कम्युनिष्ट पार्टी (एकिकृत समाजवादी) रामेश्‍वर श्रेष्ठले १५२८२ मत ल्याएर दोस्रो बन्नुभएको छ ।

राष्ट्रिय प्रजातन्त्र पार्टीका बिनिता मगैया ७०२३ मत ल्याउनुभएको छ । स्वतन्त्र उम्मेदवार वेन्जीसिंह महर्जनले २१४२ मत, अर्का स्वतन्त्र उम्मेदवार र विवेकशील साझा पार्टीका कृति कंसाकरले १६७५ मत ल्याउनुभएको छ । मत अन्तर हेर्दा सुनिता डंगोलको लगभग जित पक्का भइसकेको छ ।

Categories
ताजा समाचार

फेरि बढ्यो पेट्रोल, डिजेल र मट्टितेलको भाउ, ग्यास सिलिण्डरमै २०० बढ्यो [मूल्य सूचीसहित]

काठमाडौं । नेपाल आयल निगमले आज राति १२ बजेदेखि लागू हुने गरी पेट्रोलियम पदार्थको मूल्यवृद्धि गरेको छ । निगमले पेट्रोल, डिजेल, मट्टितेल र हवाई इन्धन (आन्तरिक) मा प्रतिलिटर रु १० र खाना पकाउने एलपी ग्यासमा प्रतिसिलिण्डर रु २०० वृद्धि गरेको छ ।

पेट्रोलको मूल्य प्रतिलिटर रु १८०, डिजेल र मट्टितेलको मूल्य प्रतिलिटर रु १६३, हवाई इन्धनको मूल्य प्रतिलिटर रु १६६ तथा एलपी ग्यासको मूल्य प्रतिसिलिण्डर रु एक हजार ८०० पुगेको छ । निगमले यसअघि गत वैशाख ३१ गते पेट्रोल, डिजेल र मट्टितेलमा प्रतिलिटर रु १० वृद्धि गरेको थियो ।

रेणु दाहाललाई कसैले नसक्ने !

काठमाडौं । भरतपुर महानगरपालिकाको मेयरमा फेरि पनि रेणु दाहालको जित सुनिश्चित भएको छ । २८ हजार १९५ मत गन्न बाँकी छँदा पाँच दलीय गठबन्धनबाट मेयरकी उम्मेदवार माओवादी केन्द्रकी दाहालले ३९ हजार ४१६ मत प्राप्त गरेकी छन् ।

दाहालका निकटतम प्रतिस्पर्धी नेकपा एमालेका विजय सुवेदीले ३० हजार ६६० मत प्राप्त गरेका छन् । भरतपुरमा एक लाख २७ हजार ८३९ मत खसेकोमा हालसम्म ९९ हजार ६४४ मतगणना गरिएको छ ।

वडा नम्बर ४ को मतगणना देखि नै लगातार अग्रता लिँदै आएकी दाहाल सुवेदीभन्दा आठ हजार ७५६ मतले अगाडि छन् । अहिले भरतपुर–२१ र २२ को मतगणना भइरहेको छ । दुवै वडामा गठबन्धनका उम्मेदवार अगाडि छन् । सात वटा वडाको पुरै मत गन्न बाँकी छ ।

कुनै चमत्कार भएको अवस्थामा बाहेक सुवेदीले जित्ने सम्भावना देखिँदैन । एमालेका वडा अध्यक्षका उम्मेदवारले पाएको भोट एमालेकै मेयरका उम्मेदवार सुवेदीले पाएका छैनन् । एमालेको गढ मानिएको वडामा नै मेयरमा दाहाललाई दिएर बाँकी पदमा एमालेका उम्मेदवारलाई मत दिएको पाइएको छ ।

कांग्रेसका बागी उम्मेदवार जगन्नाथ पौडेलका कारण पनि रेणु दाहाललाई जित्न सहज भएको छ । पौडेलले अहिलेसम्म १२ हजार ८१० मत ल्याएका छन् । असन्तुष्ट कांग्रेसीबाट सुवेदीलाई जान सक्ने मत पौडेलले रोकेका छन् ।

मेयरमा सुवेदीलाई दाहालले धेरै मतान्तरले पछाडि पारे पनि माओवादी केन्द्रले पाएको वडा अध्यक्ष पद जित्न सकेको छैन । २२ नम्बर वडाको मत गणना भइरहँदा माओवादीले एउटा मात्रै वडा जितेको छ ।

उपमेयरमा गठबन्धनका उम्मेदवार नेपाली कांग्रेसका चित्रसेन अधिकारीले ४१ हजार ६६७ मत ल्याएका छन् । उनका निकटतम प्रतिस्पर्धी राप्रपाकी हिमला गुरुङले २४ हजार २६७ मत ल्याएकी छन् ।

 

Categories
ताजा समाचार राजनीतिक

अन्तमा फराकिलो अन्तरले भरतपुर महानगरमा रेणु दाहाल बिजयी, एमाले भयो पत्तासाफ !

चितवनको भरतपुर महानगरपालिकामा सत्ता गठबन्धनबाट मेयरकी उम्मेदवार माओवादी केन्द्रकी रेनु दाहालले फराकिलो अग्रता बनाएकी छन् ।

पछिल्लो परिणामअनुसार उनी आफ्ना प्रतिद्वन्द्वीभन्दा ५ हजार ५१८ मतले अगाडि देखिएकी छन् ।

७३ हजार ७८७ गणना गर्दा मेयरकी उम्मेदवार रेनुले २८ हजार ६०८ मत प्राप्त गरेकी छिन् भने एमालेका उम्मेदवार विजय सुवेदीले २३ हजार ९० मत ल्याएका छन् ।

त्यस्तै, स्वतन्त्र उम्मेदवार जगन्नाथ पौडेलले १० हजार १३ मत ल्याएका छन् ।

उपमेयरमा गठबन्धनबाट उम्मेदवार बनेका कांग्रेसका चित्रसेन अधिकारीले ३० हजार ९०१ मत ल्याएका छन् भने एमालेले समर्थन गरेकी राप्रपाकी हिमला गुरूङले १७ हजार ९२० मत ल्याएकी छिन् । भरतपुरमा एक सातादेखि मतगणना जारी छ ।

यो पनि,

‘मनीषी’ मोदीले जगाएको आशा

भारतीय प्रधानमन्त्री मोदीको छोटो लुम्बिनी भ्रमणले नेपाल–भारत सम्बन्धमा ठूलै सुधार हुने आशा जगाएको छ

देशको राजधानी सहर काठमाडौँ ‘बालेन्द्रमय’ भएको यो समयमा, सिद्धार्थ गौतमको पूजा–अर्चनाको उद्देश्यले भारतका प्रधानमन्त्री नरेन्द्र दामोदर मोदी बुद्धजयन्तीको उपलक्ष्य पारेर सिद्धार्थ गौतमको जन्मभूमि लुम्बिनी आउनु संयोग मात्र थिएन ।

प्रधानमन्त्री मोदीजस्ता ज्ञानी पुरुषलाई सिद्धार्थ गौतमको जन्मस्थल लुम्बिनी हो भन्ने ज्ञान नभएको पक्कै होइन । तर, केहीपटक उनको मुखबाट बुद्धको जन्म भारतमा भएको वचन निस्केकै हो । सन्दर्भमा, यो पनि भन्न सकिन्छ– प्रधानमन्त्री मोदीले सिद्धार्थ गौतमबारे ‘गुगल सर्च’ नगरेको हुनुपर्छ ।

गुगल सर्चले इसापूर्व ५६३ मा जन्मिएका गौतम बुद्धको नागरिकता ‘नेपाली’ भनेर उल्लेख गरेको छ । गुगल सर्चका इतिहासकारहरूले सिद्धार्थ गौतमको जन्म नेपालमा भएको ठोकुवा गरेका छन् । त्यसलाई ‘पोलिटिकल्ली करेक्ट’ मान्न सकिन्छ । पूर्ण सत्य र तथ्यसंगत मान्न सकिँदैन ।

संसारका धेरै इतिहासकारले भनेका छन्– नेपाल र भारत दुवै स्वतन्त्र देश हुन् । यी दुवै देश जतिसुकै प्राचीन भए पनि, इसापूर्व ५६३ को समयमा दुवै देशको भौगोलिक आकार र राष्ट्रियता तय भइसकेको थिएन ।

हिन्दू धर्मका साधक तथा राजनेता मोदीलाई यो ऐतिहासिक तथ्यको राम्रो जानकारी छ– सिद्धार्थ गौतमको नागरिकतामाथि नेपाल, भारत, श्रीलंका, बर्मा, थाइल्यान्ड, कम्बोडिया वा अन्य कुनै पनि बौद्धमार्गी देशको दाबीको कुनै अर्थ छैन ।पहिलो त सिद्धार्थ गौतम सारा विश्व ब्रह्माण्डका नागरिक हुन् । संसारमा फैलिँदै गएको अशान्ति र युद्धका सम्भावनालाई समाप्त तुल्याउन सिद्धार्थ गौतमका चिन्तनमा आधारित बौद्ध दर्शनका पञ्चशील, समाधि र प्रज्ञाका सिद्धान्त प्रभावकारी हुने विश्वास संसारभर बढ्दै गएको छ । यो सम्पूर्ण मानव जातिका लागि सुखद कुरा हो ।

भारतीय प्रधानमन्त्री मोदीको लुम्बिनी भ्रमण निकै छोटो समयका लागि भए पनि नेपालको अस्पष्ट, अस्थिर र अधीर राजनीतिमा यो भ्रमणको राजनीतिक महत्व दूरगामी रहेको छ । नेपाल र भारतबीच शासन र सीमानाका विषयमा थुप्रै असहमति छन् ।

दुई देशबीच यी असहमतिको पहाड उपस्थित भए पनि सहमतिका बिन्दुहरू पनि थुप्रै छन् । भारतीय प्रधानमन्त्री मोदीको छोटो लुम्बिनी भ्रमणले नेपाल–भारत सम्बन्धमा ठूलै सुधार हुने आशा जगाएको छ । समय जटिल छ, आर्थिक र सामाजिक दुवै हिसाबले ।

पञ्चशील, समाधि र प्रज्ञाको भूमि नेपालको ओलाङचुङगोलादेखि लोमान्थाङ, डोल्पा र हुम्ला हुँदै बौद्ध धर्मका बिम्बहरू संसारभर फैलिएका छन् । तिब्बतमा दलाई लामाको सरकार हुँदा मुस्ताङको लोमान्थाङ र दोलखाका उत्तरी भेगसँग राजधानी सहर ल्हासाको व्यापक व्यापारिक सम्बन्ध थियो । त्यो सम्बन्ध टुटिसकेको छ ।

तर, धार्मिक सम्बन्ध टुटेको छैन । कतिपय आस्थाशील आत्माहरू नेपालतिर दौडिने अवसरको खोजीमा हुन्छन् । ती क्षेत्रका आस्थाशील मनमा रहेको सिद्धार्थ गौतमको चित्र धमिलो भएको छैन । तिब्बतको जटिल भूगोल भ्रमणको मौका पाउने पर्यटकहरू तिब्बतमा बौद्धधर्मको जरो अहिलेसम्म बलियो रहेको बताउँछन् ।

तिब्बतको राजधानी ल्हासामा अहिले तिब्बती जनसंख्या नगण्य छ । यसको अर्थ चीनले बौद्धमार्गी तिब्बती जनताको पूरै सफाया नगरे पनि उनीहरूलाई देशको अनकण्टार भूभागतिर थन्क्याइसकेको छ ।

मोदीले जाँदाजाँदै नेपालीको मनमा आशाको बिउ रोपे । उनले जनकपुरको भ्रमण गर्दा पर्यटकको चाप ‘ह्वात्तै’ बढेको थियो । मुस्ताङ जाँदा त्यहाँ पनि पर्यटक ‘ओइरिए’ । अब, लुम्बिनी आएका छन् । यहाँको पनि केही ‘कल्याण’ होला कि ?

भारतीय प्रधानमन्त्री मोदीको लुम्बिनी भ्रमण सफल पार्न नेपाल सरकारले कुनै कसर बाँकी राखेन । नेपाल सरकारका परराष्ट्रमन्त्री तथा ख्यातिप्राप्त अर्थशास्त्री डा. नारायण खड्का भारतीय प्रधानमन्त्री मोदीको आवाभगतमा बिहानैदेखि खटिएका थिए ।

शारीरिक र मानसिक दुवै प्रकारका अस्वस्थताका बाबजुद प्रधानमन्त्री शेरबहादुर देउवा भारतीय प्रधानमन्त्री मोदीसँग संयुक्त रूपमा बुद्धपूजनमा लागेका थिए ।

एकातिर वीर अस्पतालमा जीवन र मृत्युसँग संघर्ष गरिरहेका क्यान्सरपीडित भाइको चिन्ता, अर्कातिर बुद्धजयन्तीको पवित्र अवसरमा बुद्ध अर्चनाका लागि छिमेकबाट आएका साधु तथा भारतका प्रधानमन्त्री मोदीको स्वागत–अभिनन्दन गर्नुपर्ने कर्तव्य । प्रधानमन्त्री देउवाका लागि समय अत्यन्त पीडादायक थियो ।

यसबारे मैले परराष्ट्रमन्त्री नारायण खड्कासँग बिहीबार अपराह्न प्रश्न गरेँ, ‘के प्रधानमन्त्री देउवाको स्वास्थ्य र मानसिक अवस्थाबारे भारतीय प्रधानमन्त्रीलाई जानकारी गराएर संकट टार्न सकिँदैनथ्यो ?’ डा. खड्कासँग यसको कुनै जवाफ थिएन ।

भारतीय प्रधानमन्त्री मोदीलाई पवन इन्टरनेसनल होटलमा स्वागत गर्ने जिम्मेवारी डा. खड्काकै थियो । उनले भने, ‘म भोजमा थिएँ । भोजमा त म भइहाल्छु ।’

भारतका प्रधानमन्त्री मोदीको सुरक्षा योजनाअन्तर्गत बुद्धपूजाको कार्यक्रम भारतबाटै निर्देशित थियो । प्रधानमन्त्री मोदीको सुरक्षाको जिम्मा भारतीय कमान्डोले लिएका हुन्छन् । लुम्बिनीको सडक स्वच्छ राख्ने हैसियतसम्म थिएन नेपालका सशस्त्र प्रहरीको । ४४ डिग्री गर्मीमा उनीहरू आत्तिइरहेका थिए ।

परराष्ट्रमन्त्री खड्काको जवाफ चित्तबुझ्दो थिएन । उनको भनाइमा, ‘समयको ठूलो चाप थियो । प्रधानमन्त्री देउवालाई पीडादायक अवस्थाबाट अलिकति फुर्सद दिने अवसर पनि थिएन । दुवै प्रधानमन्त्रीले सँगै बुद्धपूजा र ध्यान गर्ने पूर्वनिर्धारित कार्यक्रम थियो ।

यसमा हामी फेरबदल गर्न सक्ने अवस्थामा थिएनौँ ।

प्रधानमन्त्री निकै पीडादायक स्थितिमा हुनुहुन्थ्यो । जसोतसो उहाँ खेपिरहनुभएको थियो पीडा ।’

परराष्ट्रमन्त्री खड्काको यो कथन नेपाल सरकारको दयनीय अवस्थाको विवरण हो । नेपाल सरकारलाई भारतीय प्रधानमन्त्री मोदीको लुम्बिनी आगमनको सूचना धेरै अगाडि प्राप्त भइसकेको थियो भन्नु उल्टो कुरा हुनेछ ।वास्तवमा भारतका ‘माननीय’ (अनरेबल) प्रधानमन्त्री मोदीलाई नेपालका ‘सम्माननीय’ (राइट अनरेबल) प्रधानमन्त्री शेरबहादुर देउवाले पहिल्यै निम्तो पठाइसकेका थिए । त्यो निम्तो लुम्बिनीको जंगलमा अलमलिएको थिएन ।

प्रधानमन्त्री देउवा अचानक अस्वस्थ भएपछि र उनी भ्रातृ–वियोगको अवस्थामा रहेका वेला भारतीय प्रधानमन्त्री मोदीलाई यो जानकारी दिनुपथ्र्यो । तर, त्यसो गरिएन । शारीरिक र मानसिक दुवै हिसाबले अस्वस्थ रहेका प्रधानमन्त्री देउवालाई जबर्जस्ती घिसारेर ल्याइयो, प्रार्थनास्थलमा ।

त्यो अप्रिय दृश्य सारा टेलिभिजनले देखाए । पत्रपत्रिकामा छापियो । क्यानडामा अर्थशास्त्र पढेर त्यहीँ बिहे गरेका, त्यत्रो अन्तर्राष्ट्रिय सभा–सम्मेलनको अनुभव हासिल गरेका परराष्ट्रमन्त्री खड्कालाई यस्तो अवस्थामा के गर्ने भन्ने प्रोटोकलको ज्ञान थिएन ? थिएन भने सेनाका मानिससँग सोध्न सक्दैनथे ?

नेपालले राजा–महाराजाले चलाएको ल्याङप्mयाङे परराष्ट्र नीतिमा सुधार गर्न सकेको छैन । भाइ–भारदार र डिट्ठा–खरदारको मानसिकताले परराष्ट्र नीति हाँकिरहेको छ ।

राजाको पालामा भारतसँग वार्ता गर्न दिल्ली पुग्ने तत्कालीन श्री ५ को सरकारका अधिकारीको पहिलो काम दिल्लीको प्रसिद्ध साडी बजार करोलबागमा किनमेल गर्नु हुन्थ्यो । अहिले आफ्ना सन्तानका लागि छात्रवृत्ति खोज्नु रहेको छ ।

जे होस्, भारतका प्रधानमन्त्री मोदी कुशी नगरको छोटो बाटो हुँदै मनीषीका रूपमा लुम्बिनी आए । मनीषीकै रूपमा दिल्ली फर्किए । जाँदाजाँदै नेपालीको मनमा ‘आशाको बिउ’ रोपे ।

मोदीजीले जनकपुरको भ्रमण गर्दा पर्यटकको चाप ‘ह्वात्तै’ बढेको थियो । मुस्ताङ जाँदा त्यहाँ पनि पर्यटक ‘ओइरिए’ । अब, लुम्बिनी आएका छन् । यो ठाउँको पनि केही ‘कल्याण’ होला कि ?

Categories
ताजा समाचार राजनीतिक

चुनाव हारेपछि काँग्रेसका निवर्तमान वडाध्यक्षले गरे सर्वसाधारणमाथि कुटपिट !

काठमाडौं । रौतहटको कटहरिया नगरपालिका–३ का नेपाली काँग्रेसका निवर्तमान वडा अध्यक्ष उमेश यादवमाथि सर्वसाधारण लाई कुटपिट गरेको आरोप छ ।

वैशाख ३० मा भएको स्थानीय तह निर्वाचनमा उनी पराजित भएका थिए ।

निर्वाचन हारेपछि उमेश यादवले छिमेकी कृषनन्दन यादव र उनकी पत्नी रिता देवीसँग झगडा गरेका छन् । झैझगडा हुँदा उनीहरूमाथि कुटपिट गरिएको आरोप छ ।

कृषनन्दन यादवको टाउकोमा चोट लागेको छ । रिता देवीको पनि शरीरमा चोट लागेको बताइएको छ । घाइते दम्पतीको प्राथमिक स्वास्थ्य केन्द्र कटहरियामा उपचार भइरहेको छ ।

निर्वमान वडा अध्यक्ष र कृषनन्दको बीचमा पुरानो रिसिइबीका कारण सामान्य झगडा भएको रौतहटका एसपी विनोद घिमिरेले रातोपाटीलाई बताए ।

उनले भने–‘पुरानो रिसिइबिका कारण सामान्य झगडा भएको हो, पूर्व सूचनाको आधारमा प्रहरी परिचालन गरेको हुनाले ठुलो झगडा भएन ।’

निवर्तमान वडा अध्यक्ष उमेश यादवले आफूले कुटपिट गरेको अस्वीकार गरेका छन् । इलाका प्रहरी कार्यालय कटहरियाले घटनाबारे छानबिन भइरहेको जनाएको छ ।

Categories
ताजा समाचार राजनीतिक

काठमाडौं महानगरका १२ वडामा अहिलेसम्म बालेन, केशव र सिर्जनाले कति पाए मत?

काठमाडौं- महानगरपालिकाको मेयर पदका स्वतन्त्र उम्मेदवार बालेन शाहले आफ्ना प्रतिस्पर्धीसँग मतान्तर फराकिलो बनाउँदै लगेका छन्। मतगणनाको सुरूदेखि नै अग्रता लिएका उनले अहिले १० हजार बढी मतान्तर बनाइसकेका छन्।

बिहीबार बिहान पौने ८ बजेसम्म काठमाडौंको राष्ट्रियसभा गृहस्थित मुख्य निर्वाचन अधिकृतको कार्यालयमा ५४ हजार ४ सय ६६ मत गणना भइसकेको छ। सो मत गन्दा शाहले २१ हजार २२९ मत पाए। उनका प्रतिष्पर्धी नेकपा एमालेका उम्मेदवार केशव स्थापितले १० हजार ८६२ मत र नेपाली कांग्रेसकी उम्मेदवार सिर्जना सिंहले १० हजार ५५ मत पाएकी छन्।

स्थापितसँगको शाहको मतान्तर १० हजार ३ सय ६७ छ भने सिंहसँग ११ हजार १ सय ७४ छ।

मुख्य निर्वाचन अधिकृतको कार्यालयले अहिले आठ वटा टोली बनाएर मत गणना गरिरहेको छ। अहिले वडा नम्बर ४, ६, ७, २८, २९, ३०, ३१ र ३२ को मतगणना भइरहेको छ। अहिले भएका सबै वडामा शाहले अग्रता कायमै राखेका छन्।

वडा नम्बर १, २, ३ र ५ को मत गणना भइसकेको छ। जसमा बालेन धेरै अगाडि थिए।

वडा नम्बर १ मा शाहले ७८३ मत पाउँदा स्थापितले ३६५ र सिंहले ४५१ मत पाएका थिए। वडा नम्बर २ मा शाहले १२१५, स्थापितले ७२८ र सिंहले ४९७ मत पाएका थिए।

यस्तै वडा नम्बर ३ मा शाहले २४०६ मत पाउँदा स्थापितले १२०३ र सिंहले ११७० मत पाएका थिए।

त्यस्तै वडा नम्बर ५ मा भने शाहले १५०१ मत पाउँदा स्थापितले १०६६ मत र सिंहले ७२७ मत पाएका थिए।

अरू वडाको मतगणना जारी छ।

प्रतिष्पर्धी स्थापितले आफ्नो घर भएको वडा नम्बर २८ मा सुरूवाती अग्रता लिएका थिए। तर शाहले मतान्तर घटाउँदै त्यहाँ पनि स्थापितलाई पछि पारे।

वडा नम्बर २८ मा १३९५ मत गन्दा शाहले ३७७ मत पाएका छन् भने स्थापितले ३४५ र सिंहले २९० मत पाएका छन्।
हेर्नुहोस् १२ वडामा कसले कति पाए :

Categories
ताजा समाचार राजनीतिक

भरतपुरमा सुवेदीभन्दा रेणु ३ सय ११ मतले अगाडि

चितवन : भरतपुर महानगरपालिकामा प्रमुखमा नेकपा माओवादी केन्द्रकी रेणु दाहालले अग्रता लिएकी छिन्। पछिल्लो मतपरिणाम अनुसार जम्मा १९५८३ मत गणना हुँदा दाहाल ३ सय ११ मतले अगाडि छिन्। दाहालले ६६०२ मत प्राप्त गर्दा नेकपा एमालेका विजय सुवेदीले ६२९१ मत प्राप्त गरेका छन्। स्वतन्त्रका उम्मेदवार जगन्नाथ पौडेलले ३२२१ मत प्राप्त गरेका छन्। त्यस्तै, उपप्रमुखमा कांग्रेसका चित्रसेन अधिकारीले ८०२६ मत ल्याउँदा राप्रपाकी उम्मेदवार हिमला गुरुङ‍ले ५२५३ मत प्राप्त गरेकी छिन्।

काठमाडौं । नेकपा एमालेका युवा नेता महेश बस्नेतले भक्तपुरमा टिकट वितरण प्रक्रियामै कमजोरी भएकोले आफूहरू असफल भएको प्रतिक्रिया जनाएका छन् ।‘एमालेविरुद्ध सबै दलहरू गठबन्धन बनाएर लागेका बेला पनि हामी भक्तपुरमा पुरानो हैसियत कायम गर्ने उद्देश्यले लागेका थियौं’‚ बस्नेतले सामाजिक सञ्जाल फेसबुकमा लेखेका छन्, ‘टिकट वितरण प्रक्रियामा देखिएका

असन्तुष्टि मिलाउन नसक्दा, जनतामा हाम्रा बारेमा फिँजाइएका भ्रम समयमा चिर्न नसक्दा, निर्वाचित जनप्रतिनिधिहरूका बारेमा गरिएका कु–प्रचार तोड्न सकेनौँ ।’

जनताको अपार समर्थनलाई संगठित रूपमा पार्टीकरण गर्न नसक्दा, इतिहासमै नभएको विकास र गतिविधि गर्दा पनि मध्यपुर थिमि नगरपालिका १, २,५ वडामा अध्यक्ष पराजित भएर मिश्रित परिणाम आएको उल्लेख गरेका छन् । उनले प्रमुख र उपप्रमुखमा मत घटेकाले लगभग हारको नजिक पुगिएको बताएका छन् ।

Categories
ताजा समाचार

काठमाडौंमा ‘बालेन’ ४९ सय मतले अघि, बिहान भन्दा तीन सय मत बढ्यो

काठमाडौं महानगरपालिका स्वतन्त्र मेयर उम्मेदवार बालेन साहले आफ्ना निकटतम प्रतिस्पर्धी नेकपा एमालेका केशव स्थापितलाई ठूलो मतान्तरले पछाडी पारिरहेका छन्। यो मतान्तर घण्टा घण्टामा बढिरहेको छ।

मतगणना सुरु भएयतानै यी दुई प्रतिस्पर्धीबीच मतान्तर बढिरहेको छ। र, बालेनले अग्रता लिइरहेका छन्। मंगलबार बिहानको पछिल्लो मतपरिणामअनुसार बालेनले १० हजार ४ सय १ मत प्राप्त गरेका छन्। मतगणना सुरु भएदेखिनै उनी अग्रस्थानमा छन्। उनका निकटतम प्रतिस्पर्धी नेकपा एमालेका स्थापितले ५ हजार ६ सय १ मत प्राप्त गरेका छन्।

यसैगरी तेस्रो स्थानमा नेपाली कांग्रेसकी सिर्जना सिंह छिन्। उनले ४ हजार ८ सय ६८ मत प्राप्त गरेकी छिन्। राप्रपाका उम्मेदवार मदनदास श्रेष्ठ चौथौ स्थानमा छन। उनले ७ सय १४ मत प्राप्त गरेका छन्।

हेटौंडामा राप्रपाले गठबन्धनलाई उछिनो

मकवानपुर ।स्थानीय तह सदस्य निर्वाचनको मत परिणाममा हेटौंडाको मेयरमा गठबन्धनको तर्फबाट उम्मेदवार मिना लामालाई पछि पार्दै राप्रपाका दीपकबहादुर सिहले मतान्तर लम्ब्याएका छन् । सोमबार सांझसम्म १९० मतले अगाडि रहेकी लामालाई रातभरको मतगणनामा दीपकले १९८ मतले पछि पारेका छन् ।

हेटौंडा उपमहानगरपालिकाको २२ हजार ८५३ मतगणना गर्दा राप्रपाका दीपकले ८ हजार २६५ मत पाएका छन् । गठबन्धनको तर्फबाट एकीकृत समाजवादीको उम्मेदवार लामाले ८ हजार ६७ मत पाएकी छिन् ।

एमाले अहिले पनि तेस्रो स्थानमा रहेको छ । नेकपा एमालेले ६ हजार ५२१ मत पाएको छ । एमाले राम्रो पक्कड रहेको दाबि गर्दै आएको हेटौंडाको ४ वडाबाट पनि मेयरमा राप्रपालाई मत गएपछि एमाले तेस्रो नम्बरबाट माथि उठ्न सकिरहेको छैन । यो वडाबाट वडा अध्यक्षको उम्मेदवार भने अग्रस्थानमा छन् । उपमेयरमा भने नेकपा एमाले ८ हजार ३३,गठबन्धनले ११ हजार ७९१ र राप्रपाले २ हजार १० मत पाएको छ । हाल वडा नम्बर ३, ४,,५,६,१६, १७ को मतगणना जारी छ ।

काठमाडौं । काठमाडौं महानगरपालिकामा मतगणना जारी छ । अहिलेसम्म २४ हजार २०० मतगणना भइसकेको छ ।ताजा मत परिणामानुसार स्वतन्त्र उमेदवार बालेन्द्र साह (बालेन)ले १० हजार ४६ मतसहित अग्रता कायमै गरेका छन् । नेकपा (एमाले)का उमेदवार केशव स्थापितले बालेनको भन्दा आधा कम मत प्राप्त गरेका छन् । उनले पाँच हजार ३१४ मत पाएका छन् । यस्तै, नेपाली कांग्रेसकी उमेदवार सिर्जना सिंहले चार हजार ६४१ मत पाएकी छन् ।

विराटनगरमा कांग्रेसका कोइराला १७ सय १९ मतले अगाडि

मोरङ – विराटनगर महानगरपालिकामा पाँच दलीय गठबन्धनबाट नेपाली कांग्रेसका मेयर नागेश कोइरालाले अग्रतालाई निरन्तरता दिएका छन्। मंगलबार बिहानसम्मको मतपरिणामअनुसार कोइराला निकटतम प्रतिद्वन्दी नेकपा एमालेका सागर थापाभन्दा १७ सय १९ मतले अगाडि रहेका छन्।

२२ हजार ९ सय ९५ मत गणना हुँदा कोइरालाले ७ हजार १२५ मत प्राप्त गरेका छन् भने उनका निकटतम प्रतिद्वन्दी थापाले ५ हजार ४०६ मत प्राप्त गरेका छन्।स्वतन्त्रतर्फबाट उमेश यादवले २ हजार ४६१ मत प्राप्त गरेका छन् भने राप्रपाका उम्मेदवार प्रह्लाद साहले १ हजार ३६३ मत प्राप्त गरेका छन्। यस्तै उपमेयरमा नेकपा एमालेको तर्फबाट शिल्पा कार्कीले ६ हजार १७७ मत प्राप्त गरेकी छन् भने उनको निकटतम प्रतिद्वन्दी जसपाका अमरेन्द्र यादवले ४ हजार ७७ मत प्राप्त गरेका छन्।