Categories
खेलकुद

विमल घर्तीमगर जस्लाई जीवनकै ठूलो चोट

रमेश सुवेदी / काठमाडौं :पहिलो अफ्रिकन प्रतिद्वन्द्वी मौरिसससँगको खेल फरवार्ड विमल घर्तीमगरका लागि निकैनै स्मरणीय रहनेछ । उनले केही वर्ष अघिसम्म आफू खेलमा फर्कने या नर्फकने सोच्न सकेका थिएनन्, अन्योल थियो । ठमेलको ठिस्को काण्डमा मुछिएका विमल कारबाहीपछि मैदान त फर्किए । तर, जीवनकै ठूलो चो’ट बोके ।

२०७७ साल मंसिरमा राष्ट्रिय टोलीको अभ्यास सत्र क्रममा घुँडाको चो’टपछि एमआरआई रिपोर्टमा एन्टेरियल क्रुसिएर लिगामेन्ट (एसीएल) र मिडियल कोल्याटेर लिगामेन्ट (एमसीएल) गएपछि विमल करिब एक वर्ष नै मैदान बाहिर रहे । अखिल नेपाल फुटबल संघ (एन्फा)को सहयोगमा विमलले विश्वप्रसिद्ध कतारको अस्पेटार अस्पतालमा पुस २०७७ मा उपचार पाए ।

रिकवरीपछि विमल असाेज २०७८ मा यु-२३ राष्ट्रिय टोलीसँगै अभ्यासमा फर्किए । लगत्तै सहिद स्मारक ए डिभिजन लिग खेल्न साविक विजेता मछिन्द्र फुटबल क्लबसँग जोडिए । सुरुवाती खेलमा जम्न समय खर्चिएका विमलले पछिल्ला खेलहरूमा आफूलाई प्रमाणित गरे । जारी लिगमा ८ खेल खेल्दा ४४५ मिनेट (इन्जुरी समय बाहेक) मैदानमा बिताएर तीन गोल गरे ।

यसपछि प्रशिक्षक अब्दुल्लाह अल्मुताईरीले विमललाई राष्ट्रिय टोलीमा ‘कमब्याक’ गराए । मौरिसससविरुद्धको दुवै खेलमा विमल टोलीमा थिए । पहिलो खेलमा प्लेईङ सेटमा खेलेका विमलले मैदानमा ७४ मिनेट विताउँदै १ गोल गरे । अन्जन बिष्टको पासमा ५५औं मिनेटमा विमलले गरेको गोलमा नेपाल विजयी समेत भयो ।

जुन गोल विमलले भदाै २०७५ मा ढाकामा भएको साफ च्याम्पियनसिपमा आयोजक बंगलादेशविरुद्ध गरेपछिको थियो । दोस्रो खेलमा भने विमलले ४६ मिनेटपछि मैदानमा प्रवेश पाए । गोल भने भएन । तर, उनले अग्रपंक्तिमा आफूलाई प्रमाणित गर्दै विपक्षी रक्षकलाई दबाबमै राखे । लेफ्ट ब्याक पोसिजनमा खेलिरहेका सुजल श्रेष्ठले १०औं मिनेटमा गरेको गोल निर्णायक हुँदा नेपाल १-० ले विजयी भयो । पहिलो अफ्रिकन प्रतिद्वन्दी मौरिसससँग नेपालले दुबै मैत्रीपूर्ण खेलमा आफ्नो कब्जा जमायो ।

अब, भने विमलले आफूलाई सुधारिएको र फेरिँदै खेलमा फर्किएको संकेत गरेका छन् । उनले मैदान बाहिर रहँदासमेत सधै भावनात्मक रुपमा राष्ट्रप्रति साथ रहिरहेको जनाए ।

‘निकै लामो समय प्रत्यक्षरूपमा मैदान भित्र नरहँदा पनि भावनात्मक रूपमा राष्ट्रप्रति सदैव आफ्नो सत प्रतिशत साथ रहिरह्यो,’ २४ वर्षीय विमलले दुई खेलपछि भनेका छन् ।

विमलले सन् २०१२ मा बंगलादेशविरुद्ध डेब्यु गरेका थिए । १५ वर्षको उमेरमै डेब्यु गरेका विमलले हालसम्म नाै गोल गरिसकेका छन् । विमलले सन् २०१३ मा दशरथ रंगशालामा भएको साफ च्याम्पियनसिपमा पाकिस्तानविरुद्ध गोलसँग चर्चा बढुलेका थिए ।

त्यसयता उनको जीवनमा ठूलै उतारचढाव रह्यो । कहिले घरायसी कारण त कहिले आफ्नै व्यवहार । पछिल्लो समय कहिले ‘होस्टेल काण्ड’ कहिले ‘डिस्को काण्ड’ उनि चर्चामा आइरहे । साथै एन्फाको कारबाहीमा पनि ।

कात्तिक २०७६ मा विश्वकप छनोट अन्तर्गत कुवेतविरुद्ध थिम्पुमा खेल्नुअघि अघिल्लो रात ठमेलको क्लबमा भेटिएपछि तत्कालीन स्विडिस प्रशिक्षक योहान कालिनले विमलसहित चार खेलाडीलाई तत्कालनै टोली बाहिर राखे । विमल ९० दिन कुनै पनि फुटबल प्रतियोगिता खेल्न नपाउने गरी प्रतिबन्धमा परे ।

करिब दुई वर्षपछि राष्ट्रिय टोलीमा कमब्याक गरेका विमल नेपालको झण्डा अंकित जर्सी लगायर छातीमा हात राख्दै मनदेखि राष्ट्रिय गान गाउन पाउँदाको क्षण अन्य कुरासँग तुलना हुन नसक्ने मान्छन् ।

‘उतार चढाव पश्चात शारीरिक र मानसिक रुपमा सबल भई मैदानमा नेपालको झण्डाअंकित जर्सी लाएर छातीमा हात राख्दै मनदेखि राष्ट्रिय गान गाउन पाउदाको क्षणलाई म अरु कुनै कुरासँग तुलना गर्न सक्दिन,’ देशका लागि ३७ क्याप जितेका विमल भन्छन् ।

यसअघि लिगका दौरान बोल्दै विमलले आफू सोहि ब्यक्ति भएपनि आफ्नो बानी व्यहाेरा र आचरण सुध्रिएको बताएका थिए । जुन उनले मैदानमा समेत देखाएका छन् ।

उत्कृष्ट फिनिसिङ, बल ड्रिब्लिङ, काउन्टर अट्याक र विपक्षी रक्षकलाई सहजै बिट गराउन सक्ने खुबी भएका विमल आम दर्शक र प्रशिक्षकका रुचाइएका खेलाडी हुन् ।

यसैले नै विमल भन्छन्, ‘टिमको साथ, दर्शकको माया र प्रशिक्षकको विश्वासलाई सदैव आत्मसाथ गर्दै आउने दिनहरुमा पनि नेपालीहरुमा खुसी बाड्न सदैव तत्पर हुनेछु ।’

Categories
खेलकुद

पूर्वकप्तान हरि खड्काविरुद्ध अख्तियारको मुद्दा, यस्तो छ अभियोग

काठमाडौं : नेपाल राष्ट्रिय फुटबल टोलीका पूर्व कप्तान तथा हाल महिला विभाग प्रमुख हरि खड्काविरुद्ध अख्तियार दुरुपयोग अनुसन्धान आयोगले विशेष अदालतमा मुद्दा दायर गरेको छ ।

नेपालका सर्वाधिक गोलकर्ता समेत रहेका खड्कामाथि नक्कली शैशिक योग्यताको प्रमाणपत्र पेस गरेको आरोप छ । अख्तियारका सहायक प्रवक्ता वेदप्रसाद भण्डारीले बुधबार जारी गरेको प्रेस विज्ञप्तिमा आज नै विशेष अदालत काठमाडौंमा आरोपपत्र दायर गरेको उल्लेख छ ।

हरि खड्का (जन्म २६ नोभेम्बर १९७६) पुर्व नेपाली फुटबलर हुन् । उनी १३ गोलका साथ निराजन रायमाझी सहित नेपाल राष्ट्रिय फुटबल टिमका उच्च गोलकर्ता हुन् । ११ वर्षे गौरवशाली राष्ट्रिय फुटबल जीवनमा पुर्णविराम लगाएका खड्का हाल भने विभिन्न राष्ट्रिय लिगका क्लबहरूमा प्रशिक्षण दिने काम गर्छन् ।

फिफा ‘ए’ तह तालिम कार्यक्रममा पनि उनले भाग लिएका छन् । भारत तथा बङ्गलादेशका विभिन्न क्लबमा आफ्नो क्षमता प्रस्तुत गरेका हरिले एक सिजन बङ्गलादेशको मोहम्मडन क्लबमा मासिक दुई हजार अमेरीकी डलर सम्म पारीश्रमिक पाएका थिए । ती क्लबहरूमा गरेको प्रदर्शनकै कारण अहिले सम्म पनि दक्षिण एसियाका मुलुकमा नेपाली टोली गए उनको खोजि हुने गर्छ ।

फुटबलबाट हरि यति प्रभावित छन् कि उनले आफ्नो छोराको नामनै फ्रेन्च खेलाडी थियरी हेनरी को नामबाट ‘हेनरी’ राखेका छन् । आफु फुटबल खेलाडी भएकाले छोरालाई पनि बनाउने इच्छा राखेका उनले उसको व्यक्तिगत स्वतन्त्रतामा भने हस्तक्षेप नगर्ने बताउँछन् । उनको ब्यक्तिगत योजना भने सडक बालबालिका का लागि फुटबल एकेडेमी खोल्ने छ ।

Categories
खेलकुद

राष्ट्रिय महिला फुटबल टिममा पुरुष खेलाडी खेलेको भन्दै लिंग जाँचको माग (५ तस्विर सहित)

एजेन्सी । इरानको राष्ट्रिय महिला फुटबल टिममा पुरूष खेलाडी खेलाइएको भन्दै जोर्डनले लिंग जाँचको माग गरेको छ । इरानको राष्ट्रिय फुटबल टिमकी गोलकिपर जोहरेह कोउडेइ पुरुष भएको भन्दै जोर्डनले एसियाली फुटबल महासंघ )एएफसी) सँग लिंग जाँचको माग गरेको हो ।

उज्वेकिस्तानमा सेप्टेम्बर २५ मा भएको खेलमा इरानले जोर्डनलाई पेनाल्टी सुटआउटमा ४–२ गोल अन्तरले पराजित गरेको थियो । इरानकी गोलकिपर जोहरेह कोउडेइले जोर्डनका २ पेनाल्टी बचाएकी थिइन् ।जोर्डनले गोल किपरको लिंग जाँचको माग गरेपछि एसियाली फुटबल महासंघले यस विषयमा अनुसन्धान गरिरहेको बताइएको छ । इरानी टिम म्यानेजरले भने आरोपको खण्डन गर्दै जोर्डनले खेल हारेपछि बिभिन्न बहाना खोजिरहेको आरोप लगाएको छ ।

जोर्डन फुटबल संघका अध्यक्ष प्रिन्स अली बिन अल हुसैनले इरानले महिला टिममा पुरूष गोलकिपर खेलाएको भन्दै एसियाली फुटबल महासंघ (एएफसी) सँग उनको लैंगिक अवस्था पुष्टि गर्न माग गरेका हुन्।जोर्डनले यस्तो माग गरेपछि एसियाली फुटबल महासंघका एक प्रवक्ताले यस विषयमा जाँच चलिरहेको बताएका छन्। फिफाका पूर्व उपाध्यक्षसमेत रहेका प्रिन्स अलीले यदि जोर्डनको आरोप सत्य भए निकै गम्भीर मुद्दा भएको प्रतिक्रिया दिएका छन्।

यसअघि पनि २००८ र २०१० मा जोहरेहले एसिया कप छनोटमा आफ्नो देशको प्रतिनिधित्व गरेको भन्दै उनले हरेक पटक मेडिकल जाँच हुने र एसियाली फुटबल महासंघलाई सबै दस्तावेज उपलब्ध गराइएको दाबी गरे।

Categories
खेलकुद

जितपछि अस्ट्रेलियाका खेलाडीको ‘अनौठो’ उत्सव, जुत्तामा हा’लेर बि’यर पि’ए (भिडियो सहित)

काठमाडौं : अष्ट्रेलियाले टी-२० विश्वकप २०२१ को उपाधि जितेको छ। एकदिवसीय विश्वकपको पाँच पटकको च्याम्पियन अस्ट्रेलियाको यो पहिलो टी-२० विश्वकप हो। आइतबार दुबईमा भएको फाइनलमा आरोन फिन्चको नेतृत्वमा रहेको टोलीले न्युजिल्यान्डलाई आठ विकेटले पराजित गरेको थियो। जितपछि अस्ट्रेलियाले खुसीयाली मनायो। टोलीको उत्सव हवाइजहाजमा पनि जारी थियो।

अष्ट्रेलियालाई जितका लागि १७३ रन आवश्यक थियो। अस्ट्रेलियाको जितमा मिचेल मार्स र डेभिड वार्नरको अर्धशतकले महत्वपूर्ण भूमिका खेलेका थिए। यो जितसँगै अस्ट्रेलियाले टी-२० विश्वकपअघि लगातार पाँचवटा द्विपक्षीय शृङ्खलामा पराजयको दुःख पनि बिर्सेको छ।

अस्ट्रेलियाली टिमको सेलिब्रेसनका तस्बिर र भिडियो भाइरल भइरहेका छन्। स्टिभ स्मिथले पनि एडम जाम्पाको प्रशंसा गर्दै सेल्फी पोस्ट गरेका छन्। अस्ट्रेलियाका खेलाडी म्याथ्यू वेड र मार्कस स्टोइनिसले जितपछि मनाइरहेको सेलिब्रेसन अनौठाे छ। यी जब वेडले आफ्नो जुत्तामा र’क्सी पि’ए, स्टोइनिसले उनको पछाडि उस्तै विजयको उत्सव मनाइरहेको देखियो।

ड्रेसिङ रूममा मनाइएको यस्तो उत्सवको भिडियो आईसीसीले आफ्नो ट्विटर ह्यान्डलमा पोस्ट गरेको छ। यो भिडियो सार्वजनिक भएदेखि नै निकै चर्चामा छ। यसबारे मानिसहरूले विभिन्न कुराहरू पनि गरिरहेका छन् । तर, कंगारू टोली आफ्नो जितको उत्सवमा यति मग्न छ कि उनीहरूलाई कुनै कुराको वास्ता छैन।

अष्ट्रेलियाले टस जितेर न्युजिल्याण्डलाई पहिले ब्याटिङको निम्तो दिएको थिए। कप्तान केन विलियम्सनले ४८ बलमा ८५ रन बनाए। जवाफमा अस्ट्रेलियाको सुरुवात राम्रो हुन सकेन र कप्तान आरोन फिन्च मात्र पाँच रन बनाएर आउट भए।

त्यसपछि मिचेल मार्स र डेभिड वार्नरको जोडीले आक्रामक ब्याटिङ गर्दै टोलीलाई जितको दौडमा पुर्‍यायाे । वार्नर ५३ रनमा आउट भए, तर मार्सले ५० बलमा अविजित ७७ रन बनाए। अर्कोतर्फ ग्लेन म्याक्सवेल १८ बलमा २८ रन बनाएर नटआउट रहे।

जुत्तामा म’दि’रा पिउनुको कारण ?

जुत्तामा म’दि’रा पिउनुलाई अष्ट्रेलियामा ऐतिहासिक रूपमा राम्रो भाग्य ल्याउने वा या’त’ना वा पार्टीको रूपमा लिइन्छ। महिलाको चप्पलले स्याम्पेन र बि’यर पि’उ’नु प’तनको कारण मानिन्छ। यो अभ्यास अष्ट्रेलियामा अझै पनि लोकप्रिय छ।

 

Categories
खेलकुद

पोर्चुगललाई स्तब्ध बनाउँदै सर्बिया फिफा विश्वकपमा छनोट, अब कतारमा हुने बिश्वकपमा रोनाल्डो नआउने पक्का

एजेन्सी – सुरुवाती एक गोलको अग्रता जोगाउन नसक्दा पोर्चुगल अर्को वर्ष कतारमा आयोजना हुने फिफा विश्वकप कतार २०२२ को लागि सोझै छनोट हुन असफल भएको छ । घरेलु मैदानमा एक गोलको अग्रता जोगाउन नसक्दा सर्वियासँग २-१ ले स्तब्ध हुदै पोर्चुगल विश्वकपमा सोझै छनोट हुन असफल भएको हो । यो जितले सर्वियाले पोर्चुगललाई पछि पार्दै समूह ‘ए’ बाट विश्वकपमा स्थान पक्का गरेको छ ।

पोर्चुगललाई विश्वकपमा सोझै छनोट हुन बराबरीको नतिजा पर्याप्त हुने भएपनि हार बेहोर्न पुग्दा विश्वकपमा छनोट हुन असमर्थ बन्यो । अब पोर्चुगलले प्ले अफको बाटोबाट विश्वकप छनोटका लागि खेल्नेछ । प्ले अफका खेलहरु मार्चमा हुनेछ ।

सर्वियाको जितमा डुसान टाडिक र एलेक्सानडर मित्रोभिकले गोल गरे । रेनाटो सान्चेजको गोल सान्त्वना बन्यो । लिस्वोआमा आइतबार राति भएको खेलमा पोर्चुगलले खेलको दोस्रो मिनेटमा नै रेनाटो सान्चेजको गोलबाट अग्रता लिएको थियो । उनले बर्नाडो सिल्भाको पासमा गोल गरेका थिए ।

तर, त्यो अग्रतालाई पोर्चुगलले अन्तिम समयसम्म जोगाउन सकेन । ३३औं मिनेटमा डुसान टाडिकले सासा लुकिकको पासमा गोल गर्दै खेललाई १-१ गोलको बराबरीमा ल्याए । घरेलु टोली पोर्चुगलले सर्वियासँग बल पोसेसन समेत गुमाएको थियो ।

खेलको अन्त्यतिर ९०औं मिनेटमा एलेक्सान्डर मित्रोभिक गोल गर्दै सर्वियाको जित पक्का गर्दा पोर्चुगल घरमै स्तब्ध बन्न पुग्यो । टोलीका कप्तान क्रिस्टियानो रोनाल्डोले खेलमा गतिलो प्रदर्शन गर्न सकेनन् ।

समूह ‘ए’ मा सर्वियाले ८ खेलबाट २० अंक जोड्यो । पोर्चुगलले १७ अंक जोड्यो । यो समूहमा आयरल्यान्ड र लक्जेमवर्गले समान ९ अंक जोड्दा अजरवैजान १ अंक जोडेर पुछारमा रह्यो ।

यही समूहको अर्को खेलमा आयरल्यान्डले लक्जेमवर्गलाई ३-० ले पराजित गरेको ट । आयरल्यान्डको जितमा सेन डुफी, चिडोजी ओग्वेने र कलुम रोविन्सनले गोल गरे । सबै तीन गोल दोस्रो हाफमा भएको थियो ।

Categories
खेलकुद

‘पाकिस्तानका हिरो’ शाहीन आफ्रिदी को हुन् ? जसलाई शाहीद आफ्रिदीले छोरी दिँदैछन्

काठमाडौं। सन् २०२१ को टी-२० विश्वकप यूएइ र ओमानमा जारी छ। विश्वका चर्चित क्रिकेटर सहभागी छन्। हरेक क्रिकेटरको नाम चर्चामा आइरहेको छ। त्यसैमध्ये चर्चामा आइरहेको एक नाम हो, शाहीन शाह अफ्रिदी।अफ्रिदी अहिले चर्चाको शिखरमा छन्। चर्चा नहोस् पनि कसरी टी-२० विश्वकपमा पहिलोपटक पाकिस्तानले भारतलाई हरायो। र, भारतमाथि रवाफिलो जित निकाल्न तिनै अफ्रिदीले महत्वपूर्ण भूमिका खेले।

युवा बलर अफ्रिदीले पाकिस्तानमाथि भारतको दबदबा अन्त्य मात्रै गरेनन्। भारतलाई लज्जास्पद हारको स्वाद पनि चखाए। पावरप्लेमा पहिलोपटक तीन ओभर बलिङ गरेका शाहीनले पहिलो दुई ओभरमा दुई विकेट लिएर पाकिस्तानलाई उत्कृष्ट सुरुवात गराए।

रोहित शर्मालाई शून्य र केएल राहुललाई प्याभिलियन पठाएपछि उनले कप्तान विराट कोहलीको समेत विकेट लिए। शाहीनले चार ओभरमा ३१ रन दिए। भारतीय ब्याटिङले अन्तिमसम्म रिकभर गर्ने मौका पाएन र शाहीनको अगाडि १५२ रन मात्रै बनाउन सके।त्यस्तै न्युजिल्यान्डसँगको दोस्रो खेलमा पनि उनले चार ओभर बलिङ गर्दै एक मेडनसहित २१ रन खर्चिएर एक विकेट हात पारे।

को हुन् शाहीन शाह अफ्रिदी?
२१ वर्षीय अफ्रिदी पाकिस्तान क्रिकेट टोलीका स्टार बलरहरूमध्ये एक हुन्। उनले पाकिस्तानका लागि तीनवटै प्रारूपको क्रिकेटमा नियमित सहभागिता जनाइरहेका छन्। उनी अफगानिस्तानको सिमानामा रहेको पाकिस्तानको खैर जिल्लामा हुर्किएका हुन्।

सात भाइहरूमध्ये अफ्रिदी सबैभन्दा कान्छा हुन्। उनका जेठा भाइ रियाज अफ्रिदी हुन्। रियाज र शाहीनको उमेर अन्तर १५ वर्षको छ। शाहीनलाई क्रिकेटमा ल्याउने श्रेय उनका दाइ रियाज अफ्रिदीलाई जान्छ। रियाजले पनि पाकिस्तानबाट क्रिकेट खेलिसकेका छन्।

उनले सन् २००४ मा एक मात्र टेष्ट खेल खेलेका थिए। शाहीनले आफ्नो क्रिकेट करियर भने लान्डी कोटलको टाटारा मैदानबाट सुरू गरेका हुन्। जुन नजिकैको टाटार पहाडहरूको नाममा राखिएको हो। शाहीन चार वर्षको उमेरदेखि नै क्रिकेट खेल्दै आएका छन्।

रियाजले २०१५ मा ‘एफटीए’ अन्डर-१६ ट्रायलमा शाहीनलाई हार्ड-बल क्रिकेटमा परिचय गराउँदासम्म शाहीनले टेनिस-बल क्रिकेट मात्र खेलेका थिए। यस स्तरको सफलताले शाहीन नोभेम्बर २०१५ मा अष्ट्रेलिया भ्रमणको लागि छनोट भएका थिए।

जहाँ उनले एकदिवसीय र ट्वान्टी-२० शृंखलामा २-१ को जितमा चार विकेट लिएका थिए। त्यसपछि उनले विभिन्न उमेर समूहको क्रिकेट खेल्ने क्रम जारी राखे। सन् २०१८ मा उनी अन्डर-१९ विश्वकपका लागि पाकिस्तानी टोलीमा छनोट भएपछि उनले अन्तर्राष्ट्रिय मान्यता पाएका थिए। जहाँ उनले ५ खेलमा १२ विकेट लिए।

सोही वर्षको अन्त्यमा उनले पाकिस्तानको लागि डेब्यु गर्ने मौका पाए र उनी २१औं शताब्दीमा जन्मेका पहिलो क्रिकेटर बने जसले पाकिस्तान टोलीमा खेल्ने मौका पाए। शाहीनले ३ अप्रिल २०१८ मा वेस्टइण्डिजविरुद्ध आफ्नो टी-२० डेब्यू गरका हुन्।

सोही वर्ष सम्पन्न एसिया कप एकदिवसीय क्रिकेटमा डेब्यु गर्ने मौका पनि पाए। सोही वर्षको अन्त्यमा न्युजिल्यान्डविरुद्धको टेष्ट सिरिजमा उनले टेस्टमा डेब्यू गर्ने मौका पाए। ६ फिट ६ इन्च हाइट भएका अफ्रिदीले हालसम्म १९ टेस्ट खेलमा ७६ विकेट, २८ वानडेमा ६३ विकेट र ३२ टी-२० मा ३६ विकेट लिएका छन्।

शाहीनको पूर्व पाकिस्तानी क्रिकेटर र कप्तान शाहिद अफ्रिदीसँग पनि विशेष सम्बन्ध छ। शाहीन चाँडै शाहिद अफ्रिदीको ज्वाइँ बन्न लागेका छन्। यसै वर्षको मार्चमा शाहिदले आफ्नी छोरीको शाहीनसँगको विवाह हुने पुष्टि गरेका थिए।

Categories
खेलकुद

छोराको कप्तानीमा पाकिस्तानले भारतलाई ह’रा’एपछि आजामका बुवाले थाम्न सकेनन् आँ’शु (भिडिओ)

क्रिकेटका प्रशंसकहरूलाई अहिले आइसिसी टी-२० पुरुष विश्वकपको ज्व’रोले छोएको छ । युएईमा भइरहेको विश्वकपमा विभिन्न १६ मुलुक सम्मिलित छन् ।तीमध्ये आइतबार भएको भारत र पाकिस्तानबीचको खेलको चर्चा अझै सकिएको छैन । आइतबारको खेलमा पाकिस्तानले पहिलो पटक विश्वकपमा ह’रायो त्यो पनि दस विकेटले ।

एक दिवसीय र टी-२० विश्वकपमा अहिलेसम्म १२ पटक आमनेसामने हुँदा पाकिस्तानले नतिजा आफ्नो पक्षमा पार्न सकेको थिएनन् । राजनीतिक रूपमा शत्रुतापूर्ण सम्बन्ध भएका यी दुई मुलुकको क्रिकेटमा बितेका २९ वर्षसम्म पाकिस्तानमाथि भारत हा’बी थियो ।

आइतबारको खेलपछि भारत हावी हुने शिलशिला टुटेको छ, पाकिस्तानी फ्यानमा नयाँ उमंग सञ्चार भएको छ । जितसँगै विभिन्न रेकर्ड बनेका छन् ।भारतलाई टी-२० फर्म्याटमा प्रतिष्पर्धी टिमले यसअघि कहिल्यै पनि १० विकेटले हराउन सकेका थिएनन् । पाकिस्तानले पनि यसअघि कुनै टिमलाई १० विकेटले जितेको थिएन ।

भारतमाथि यो सानदार जितको नेतृत्व गरेका थिए, २७ वर्षीय बाबर आजामले । तीन वर्षअघि पाकिस्तान टिमको नेतृत्व सम्हालेका आजामले भारतविरू’द्धको टिमलाई नेतृत्वमात्रै दिएनन् व्यक्तिगत योगदान पनि गरे ।ओपनिङमा ब्याटिङ गर्न उनले नटआउट रहेर ५२ बल ६८ रन हाने । उनलाई अर्का ओपनर मोहम्मद रिजवान साथ दिए। रिजवानले पनि नटआउट ५५ बलमा ७९ रन हिर्काए ।

निर्धारित २० ओभर सकिनुअघि नै भारतले दिएको १५१ रन लक्ष्य पूरा भएपछि पाकिस्तानभित्र र बाहिर रहेका पाकिस्तानले जितको ‘जश्न’ मनाए ।

दुबई इन्टरनेशनल रंगशालाको प्यारापिटमा बसेर छोराको खेल हेरिरहेका आजामका बुवा आजाम सिद्धिकीले हर्षको आँ’शु रोक्न सकेनन् । उनी खुसीले भक्कानिए। वरिपरि बसेकाले अँगालो हालेर उनलाई बधाई दिए ।

अहिले सामाजिक सञ्जालमा सिद्धिकीको उक्त भिडिओ भाइरल भइरहेको छ । पाकिस्तानको पञ्जाब प्रान्तको लाहोरमा बस्ने सिद्धिकीलाई आफ्ना छोराको क्षमतामा विश्वास थियो। छोराले पाकिस्तान टिममा डेब्यु गर्नुअघि नै उनले छोरो एक दिन मैदानमा छाउने बताएका थिए ।

क्रिकेटको तथ्यांक राख्ने मजहर आर्सदले ट्वीटरमा सिद्धिकीको भिडिओ राख्दै भनेका छन्- त्यो आजाम पाकिस्तानी टिममा डेब्यु हुनुभन्दा तीन वर्षअघिको कुरा हो। त्यतिबेला उनले मलाई भनेको म सम्झन्छु- बस डेब्यु हो जाने दो। आगे सारा मैदान बाबरका है । (डेब्युमात्र हुन दिनुस्, त्यसपछि सबै मैदान बाबरकै हुन्छ ।)

Categories
खेलकुद

एन्फाले बोलाए नेपाल नै फर्किन्छु: अलमुताइरी

नेपाली राष्ट्रिय फुटबल टोलीका मुख्य प्रशिक्षक अब्दुल्लाह अलमुताइरीले राजीनामा दिएपछि अहिले सबैको चासो उनी प्रशिक्षणमा फर्किन्छन् कि फर्किँदैनन् भन्नेमा छ।

माल्दिभ्समा सम्पन्न साफ च्यम्पियनसिपमा नेपालले बगंलादेशसँग बराबरी गर्दै फाइनलमा पुगेपछि अलमुताइरीले अब कहिल्यै नेपाल नफर्किने भन्दै राजीनामा घोषणा गरेका थिए। साफपछि नेपाली टोली स्वदेश फर्कियाे तर उनीचाहिँ विदा मनाउन कतार लागे।

कतारमै आज मात्रै अखिल नेपाल फुटबल संघ (एन्फा) का अध्यक्ष कर्मा छिरिङ शेर्पासँग उनको भेट भएको छ। नेपाली फुटबलको विकासका लागि भएको भनिएको भेटबारे अध्यक्ष शेर्पाले नेपाल आएपछि बोल्ने बताए। त्यसाे त प्रशिक्षक अलमुताइरी नेपाल फर्किन तयार देखिएका छन्।

फेरि नेपाल नफर्किने नै हो त भन्ने प्रश्नमा उनले नेपालले प्रस्ताव गरेमा आफू फेरि नेपाल आउन सक्ने बताए। ‘कहिले आउने त?’, उनले भने, ‘अहिले म विदामा छु, मैले प्रस्ताव पाइसकेको छु र विदापछि मात्रै यसबारे निर्णय गर्नेछु।’ आफ्नो प्राथमिकता पनि नेपाल नै भएको उनले स्पष्ट पारेका छन्।

‘मलाई अरु देशबाट पनि प्रस्ताव आइरहेको छ, मेरो प्राथमिकता नेपाल नै हो तर नेपालले चाहन्छ कि चाहँदैन भन्ने कुरा हो’, उनले भने। यता अखिल नेपाल फुटबल संघ (एन्फा)का महासचिव इन्द्रमान तुलाधर अलमुताइरी र एन्फाबीचको सम्बन्ध सन् २०२२ को सेप्टेम्बरसम्म रहेको बताउँछन्।

महासचिव तुलाधरले भने, ‘उहाँसँग ६ महिनाको सम्झौता सकिएपछि २०२२ को सेप्टेम्बरसम्मको सम्झौता थपेका छौँ। उहाँले पछिल्लोपटक राजीनामा घोषणा गरेपछि एन्फा अध्यक्ष (कर्मा छिरिङ शेर्पा) र म गएर भेट गरेका थियौँ। उहाँँ नेपाल फर्किन सकारात्मक हुनुहुन्छ। म आउँछु भन्नुभएको छ।’त्यसो त अलमुताइरीले राजीनामा घोषणा गरेको यो पहिलोपटक भने होइन।

यसअघि एन्फा वरिष्ठ उपाध्यक्ष पंकज विक्रम नेम्वाङलाई कारण देखाउँदै सामाजिक सञ्जालमार्फत समर्थकलाई सम्बोधन गर्दै राजीनामा घोषणा गरेका थिए। कुनै पनि कुरामा चाँडो प्रतिक्रिया देखाउने अलमुताइरीले उपाध्यक्षसँगको विवादपछि छानबिन समितिको प्रतिवेदन आएपछि ‘राजनीतिलाई काम गर्न दिऊँ’ भनेका थिए।

‘नेपाली समर्थकलाई माया गर्छु’-साफ च्याम्पियनसिपपछि कतार पुगेका अलमुताइरी नेपाली फुटबल समर्थकलाई धेरै माया गर्छन्। अलमुताइरीले बुधबार समर्थकहरुबारे भने, ‘म उनीहरुलाई धेरै माया गर्छु, उनीहरु भनेका मेरो योजनाका मुख्य पाटा हुन्।

यदि म नेपाल फर्किएँ भने उनीहरुको मायाले मलाई राम्रो महसुस गराउनेछ।’ कुवेती नागरिक अलमुताइरी कतार सरकारको चाहनामा नेपाली फुटबल हेर्न आइपुगेका हुन्। अलमुताइरीलाई मासिक पारिश्रमिकलगायतका सुविधा कतारले नै उपलब्ध गराउँदै आएको छ।

अलमुताइरीले चैतमा भएको थ्री नेसन्स कप र जेठमा सकिएको नेपाल सुपर लिग (एनएसएल) का खेललाई नजिकबाट नियाल्दै युवा खेलाडीलाई प्राथमिकता राखेर नयाँ टोली बनाए। उनले आफ्नो प्रशिक्षणको ६ महिनामा नै ८ नयाँ युवा खेलाडीलाई डेब्यु गराए। अलमुताइरीले जुन विश्वासमा नयाँ खेलाडीलाई मौका दिएका थिए।

त्यसमा उनीहरुले आफूलाई अब्बल साबित पनि गरे। अलमुताइरीकै प्रशिक्षणमा नेपालले साफ च्याम्पियनसिपको २८ वर्षे इतिहासमा पहिलोपटक फाइनल यात्रा तय गर्दै इतिहास बनाउन सफल भयो। फाइलनमा भारतसँग पराजित भए पनि नेपालले साफको फाइनलमा पुग्दै नयाँ इतिहास भने लेखाउन सफल भयो।

Categories
खेलकुद

‘अब नेपालको भूमी कहिल्यै टेक्दिन’ भनेका प्रमुख प्रशिक्षक अलमुताइरीले फेरे बोली, नेपाली खेलाडीमा उत्साह

काठमाडौं । माल्दिभ्समा आयोजना भएको १३औं संस्करणको साफ च्याम्पियनसिप फुटबलमा उपविजेता बनेको नेपाली राष्ट्रिय फुटबल टोली सोमबार नेपाल आइपुगेको छ । तर, नेपाली टोलीका मुख्य प्रशिक्षक अब्दुल्लाह अलमुताइरी नेपाल आएनन् । कुवेतका फुटबल म्यानेजर अलमुताइरी माल्दिभ्सबाटै कुवेत गएका छन् । त्यहाँ उनी परिवारसँग केही समय बिताएर नेपाल फर्किने अखिल नेपाल फुटबल संघ (एन्फा) स्रोतले जनाएको छ ।

साफ च्याम्पियनसिपपछि मुख्य प्रशिक्षकबाट राजीनामा दिने र नेपाल कहिल्यै नफर्किने घोषणा गरेका उनी नेपाल आएर नेपाली टोली सम्हाल्न राजी भएको एन्फा स्रोतले जनाएको छ । अलमुताइरी सन् २०२२ को फिफा विश्वकप छनोट र सन् २०२३ को एसिया कपअन्तर्गत दोस्रो चरणको छनोटका लागि नेपाली टोली सम्हाल्न नेपाल आएका थिए । प्रो(लाइसेन्स प्राप्त अलमुताइरी २०७७ चैतमा नेपालको मुख्य प्रशिक्षकमा नियुक्त भएका थिए । नेपालले पहिलो पटक साफ च्याम्पियनमा फाइनल खेलेर इतिहास रचेको हो ।

माल्दिभ्सको राजधानी मालेमा शनिबार राति भएको फाइनलमा नेपाल भारतसँग ३–० ले पराजित हुँदै उपविजेता बनेको थियो । फाइनलमा पराजित भएपछि नेपाल ऐतिहासिक उपाधि जित्नबाट विमुख भएको थियो । तर, पहिलो पटक साफ च्याम्पियनसिपको उपविजेता बनेर नेपालले इतिहास भने रच्न सफल भयो ।

पाँच राष्ट्र सहभागी प्रतियोगितामा नेपाल लिग चरणमा उपविजेता बन्दै फाइनल पुगेको थियो । लिग चरणमा नेपालले माल्दिभ्स र श्रीलंकालाई हराएको थियो । यस्तै भारतसँग पराजित भएको नेपालले बंगलादेशसँग बराबरी खेलेको थियो ।

Categories
खेलकुद

भारतीय पूर्व क्रिकेटर युवराज सिंह पक्राउ

एजेन्सी । भारतीय पूर्व क्रिकेटर युवराज सिंह पक्राउ परेका छन् । उनलाई भारतको हरियाणा प्रहरीले पक्राउ गरेको हो । स्पिनर यजुवेन्द्र चहलको विषयमा जातीगत टिप्पणी गरेका कारण उनलाई पक्राउ गरिएको प्रहरीले जनाएको भारतीय मिडियाले उल्लेख गरेका छन् ।

उनलाई सोही घटनाबारे सोधपुछको लागि पक्राउ गरिएको भारतीय सञ्चारमाध्यमले उल्लेख गरेका छन्। समाचारमा उल्लेख गरिएअनुसार आइतबार सिंहलाई पक्राउ गरेपछि तीन घण्टाभन्दा लामो समय सोधपुछ गरिएको थियो। सोधपुछ सकिएपछि उनलाई अदालतको आदेशअनुसार जमानतमा रिहा गरिएको हो।

गत फेब्रुअरीमा युवराज सिंहमाथि इन्स्टाग्राममा चाहलको विषयमा भएको बहसमा दलित समुदायमाथि अपमानपूर्ण टीप्पणी गरेको भन्दै उजुरी दर्ता भएको थियो। सन् २०२० को जुनमा भारतीय टोलीका ओपनर रोहित शर्मासँग सिंहले इन्स्टाग्रामको लाइभ सेसनमा ‘जातीगत टिप्पणी’ गरेको आरोप छ।

त्यसलगत्तै युवराज सिंहले सामाजिक सञ्जाल ट्वीटरमा आफ्नो टिप्पणीले कुनै विशेष समुदायका मानिसको भावनामा चो ट पुगेको भन्दै माफी पनि मागेका थिए।

उनले भनेका छन्, ‘म मेरा साथीहरुसँग कुरा गरिरहँदा मेरो केही गलत बुझाइ थियो भन्ने मलाई थाहा छ, जुन अनावश्यक थियो। यद्यपि एक जिम्मेवार भारतीय नागरिक भएकाले मेरो टिप्पणीले कसैको भावनामा ठेस पुगेको भए म त्यसका लागि क्षमाप्रार्थी छु।’ युवराज सिंहले यजुवेन्द्र चहलले टिकटक भिडियोको विषयमा कुरा गर्दै गर्दा उक्त टिप्पणी गरेका थिए।