राजा वीरेन्द्रको ७५औं जन्मजयन्ती मनाइँदै

ताजा समाचार

काठमाडौं । स्वर्गीय राजा वीरेन्द्रको ७५औं जन्मजयन्ती आज विभिन्न कार्यक्रम गरी मनाइँदै छ ।२००२ साल पुस १४ गते जन्मिएका राजा वीरेन्द्रको २०५८ साल जेठ १९ गते नारायणहिटी हत्या काण्डमा मृत्यु भएको थियो ।

तत्कालीन रानी ऐश्वर्य, युवराज दिपेन्द्र, अधिराजकुमार निराजन, अधिराजकुमारी श्रुतिलगायतको हत्या भएको नारायणहिटी हत्याकाण्ड भने अझै रहस्यमय छ ।

राजा वीरेन्द्रले २०४६ सालको जनआन्दोलनपछि प्रजातन्त्रको पुनर्बहाली गर्ने निर्णय गरेका थिए । त्यसपछि देशमा बहुदलीय व्यवस्था आएको थियो ।

भ्रमण वर्षको तयारी, आन्तरिक र बाह्य पर्यटकलाई ३० प्रतिशत छुट

सिन्धुपाल्चोक । नेपाल भ्रमण वर्ष २०२० मा सिन्धुपाल्चोकको पर्यटकीय स्थलहरूमा घुम्न आउने स्वेदशी र विदेशी पर्यटकहरूलाई लक्षीत गरेर होटल तथा अन्य सबै सेवा सुविधामा ३० प्रतिशत छुट हुने भएको छ ।

भ्रमण वर्ष सफल बनाउन र जिल्लामा अधिकतम पर्यटकहरू आउने वातवरणका लागि एक सातासम्म जिल्लामा सञ्चालित होटल तथा रिसोर्टहरूमा यस्तो छुट दिने निर्णय भएको जिल्ला स्तरीय भ्रमण वर्ष सचिवालका संयोजक एवम जिल्ला समन्वय समितिका प्रमुख कृष्णगोपाल तामाङले जानकारी दिए ।

‘स्वेदशी र विदेशी पर्यटकका लागि लक्षित गरेर भ्रमण वर्षको सुरुवात १–७ जनवरीसम्म जिल्लाका सबै होटल रिसोर्टहरूमा यो व्यवस्था अनिवार्य गर्न हामीले आग्रह गरेका छौं, सबै होटल व्यवसायीहरू यसमा सहमत भएका छन्,’ प्रमुख तामाङले भने ।

जिल्लामा सञ्चालित होटल, रिसोर्ट सञ्चालकहरूको बैठकले यस्तो निर्णय गरेको र यो प्रभावकारी रूपमा लागू गर्न लागि अनुगमनसमेत गरिने तयारी गरिएको छ ।

होटलमा मात्रै होइन, जिल्लामा खेलिने, बन्जीजम्प, ¥याफिटिङ, कायकिङ, तातोपानी स्नानलगायतमा पनि पर्यटकहरूले यो सुविधा पाउनेछन् ।

पर्यटकलाई आकर्षित गर्न जिल्लामा रहेका विभिन्न जाति विशेषका मौलिक कला र सांस्कृतिक प्रस्तुतीसमेत एक सातासम्म जिल्लाका होटल तथा रिसोर्टमा सञ्चालन गरिने गरी व्यवस्था गरिएको पर्यटन व्यावसायी मिलन तामाङले जानकारी दिए ।

‘सबै होटलमा यो सम्भव नहुन सक्छ, सुकुटे आसपासमा सञ्चालन भएका रिसोर्टहरूमा भने यो व्यवस्था सुरुवात गर्न लागिएको छ,’तामाङले भने ।

एक सातासम्म होटलहरूले दिने छुटको जानकारी दिन होटलको प्रवेशद्वारमै यो जानकारीसहितको सूचना राख्न जिल्लास्तरीय भ्रमण वर्षको मूल सचिवालयले सबैलाई अनुरोध गरेको छ ।

 

Leave a Reply

Your email address will not be published.