लिम्पियाधुरा, लिपुलेक, कालापानी, सुस्तालगायतका नेपालको नक्सा तत्काल सार्वजनिक गर्न सरकारसंग नेपाल समाजवादी काँग्रेसको माग

ताजा समाचार

काठमाडौं, पुस ८ । नेपाल समाजवादी काँग्रेसले लिम्पियाधुरा, लिपुलेक, कालापानी, सुस्तालगायतका भूभाग समेटिएको नेपालको नक्सा तत्काल सार्वजनिक गर्न सरकारसंग माग गरेको छ ।

आज काठमाडौमा पत्रकार सम्मेलन गरेर नयाँ नक्सा सार्वजनिक गरी स्वाधिनताको रक्षा गर्न सरकारसंग माग गरेको हो ।

देशमा भ्रष्टाचार, अनियमितता, कालोबजारी र महंगी बढ्दासमेत सरकार मौन रहेको समाजवादी काँग्रेसको आरोप छ ।

पार्टीका अध्यक्ष गोविन्द निरौलाले धर्म, संस्कृति र सम्पदामाथि अतिक्रमण हुन थालेको भन्दै सम्पदा बचाउने अभियानमा सरिक हुन आग्रह गरे ।

न्यायपरिषद सदस्यमा लक्ष्मीबहादुर निराला सिफारिस

काठमाडौ‌ं । सरकारले वरिष्ठ अधिवक्ता एवं पूर्व महान्यायाधीवक्ता लक्ष्मीबहादुर निरालालाई न्यायपरिषद सदस्यमा सिफारिस गरेको छ । सोमबार बसेकाे मन्त्रिपरिषद बैठकले निरालाको नाम सिफारिस गरेको हो । संसदिय सुनुवाई समितिले अनुमोदन गरेपछि मात्रै उनी नियक्तीका लागि योग्य हुन्छन् ।

लक्ष्मीबहादुर निराला २०६२ साल पुस ११ गतेदेखि २०६३ साल बैशाख १५ गतेसम्म निराला महान्यायाधिवक्ता थिए । त्यतिबेला शाही सरकार उत्कर्षमा थियो ।

२०६१ साल फागुन ६ गते महान्यायाधिवक्तामा नियुक्त पवन ओझा सर्वोच्च अदालतमा अस्थायी न्यायाधीशमा नियक्त भएपछि ओझाले राजिनामा दिएका थिए । त्यसपछि निराला शाही सरकारका दोस्रो महान्यायाधीवक्ता भएका थिए । जनआन्दोलनको सफलतासँगै उनले राजीनामा दिएका थिए ।

Leave a Reply

Your email address will not be published.