पुस २७ गते सार्वजनिक बिदा

सूचना प्रविधि

धादिङ। पुस २७ गते रूबिभ्याली गाउँपालिकामा सार्वजनिक बिदा दिने निर्णय गरिएकाे छ । पृथ्वी जयन्तीकाे दिन सार्वजनिक बिदा दिन लागिएकाे गाउँपालिका प्रमुख रेरूङ तामाङले जानकारी दिनुभएकाे हाे ।

बैठकले पृथ्वी जयन्तीको दिन पर्यटन वर्ष २०२० लाई लक्षित गरी विभिन्न पर्यटकीय कार्यक्रमकाे आयोजना गर्न लागिएकाे अध्यक्ष तामाङकाे भनाइ छ ।

‘गाउँमा पर्यटक भित्र्याउनका लागि हाे स्टे सञ्चालनका लागि विशेष पहल गर्ने छाैं’ अध्यक्ष तामाङले भन्नुभयाे, ‘प्रदेश सरकारसँग समन्वय गरी पर्यटकीय गतिविधि सञ्चालन गर्नेछाैं।’

अन्य समाचार

चिसो अत्यधिक बढेपछि सबै विद्यालय ३ दिन बन्द

चिसो अत्यधिक बढेपछि झापाको दमक नगरपालिकाभित्रका सबै विद्यालय आजदेखि तीन दिनका लागि बन्द भएका छन् । नगरपालिकाका शिक्षा उपसचिव दिनेश न्यौपानेले सूचना प्रकाशन गरी केही दिनयता बाक्लो हुस्सुसँगै शीतलहर चलिरहेकोले दैनिक पठनपाठनमा असहज भएको हुँदा पुस ९ गतेसम्मका लागि नगरका सबै विद्यालय बिदा गर्न सूचित गरेका हुन् ।

अन्य बिदामा मिलान गर्ने गरी बिदा दिन नगरपालिकाको सूचनामा भनिएको छ । त्यस सूचनासँगै नगरका तीन दर्जनभन्दा बढी विद्यालय बन्द भएको जनाइएको छ ।

यसअघि जिल्लाकै गौरीगञ्ज गाउँपालिकाले पनि जाडोका कारण दैनिक पठनपाठन सञ्चालन गर्न कष्टकर भएको भन्दै आगामी मङ्गलबारसम्मका लागि तीन दिन नै विद्यालय बिदा गर्ने सार्वजनिक गरिसकेको छ ।

इनरुवा स् एक हप्तादेखि बढेको अत्यधिक चिसोको कारण इनरुवा नगरपालिकाले दुई दिनका लागि नगर क्षेत्रभित्र रहेका विद्यालयमा बिदा दिएको छ ।

इनरुवा नगरपालिकाले सूचना जारी गर्दै अत्यधिक चिसोका कारण इनरुवा नगर क्षेत्रका विद्यालयमा सोमबार र मङ्गलबार बिदा दिएको नगरपालिकाका प्रमुख राजन मेहताले बताए ।

चिसोमा बालबालिकालाई आउनजान र पठनपाठन गर्नका लागि समस्या हुने भएकाले दुई दिनका लागि बिदा दिएको नगरपालिकाका प्रमुख मेहताले बताए । नगरपालिकाले दिने गरेको विद्यालय बिदाको विषयमा विभिन्न टिप्पणी भएपछि नगरपालिकाले स्थानीय सरोकारवालासँग छलफल र परामर्शपछि मात्र बिदा दिएको नगरपालिकाका प्रमुख मेहताले बताए ।

Leave a Reply

Your email address will not be published.