अमिताभले भने – ‘म कोरोना मुक्त्त नहुँदै भारतीय मिडियाले झुठा खबर भाइरल बनाए

मनोरंजन

एजेन्सी । भारतीय सुपरस्टार अभिनेता अमिताभ बच्चनको कोरोनाको रिर्पोट नेगेटिभ आएको भन्ने समाचारको अमिताभ स्वयमले खण्डन गरेका छन् । अमिताभले बिहीबार साँझ ट्वीट गर्दै भारतीय मिडिया झुठा भएको भन्दै आक्रोश पोखेका छन् ।

भारतीय मिडियाले अमिताभ बच्चनको कोरोना परिक्षण रिपोर्ट नेगेटिभ आएको र डिस्चार्जको तयारीमा रहेको भन्दै समाचार आएकोमा अमिताभले आपत्ति वजाउँदै ती समाचारहरु सत्य नभएको भन्दै खण्डन गरेका छन् ।

अमिताभका साथै अभिषेक बच्चन, ऐश्वर्या राय बच्चन तथा अभिषेक र ऐश्वर्याकी छोरी आराध्या १२ दिनदेखि कोरोना संक्रमणको शिकार बनेर मुम्बईको नानावती अस्पतालमा उपचाररत छन्। अमिताभका छोरा अभिषेकको भने कोरोना रिर्पोट नेगेटिभ आएको समाचारमा जनाइएको छ ।

प्रायजसो सामाजिक संजालमा औधी सक्रिय हुने अमिताभ बिरामी भएको समयमा पनि अस्पतालमा नै आराम गरेर सामाजिक संजालमा भने निरन्तर अपडेट भइ नै रहेका छन् ।

भारतीय मिडिया विश्वमा नै सर्वाधिक झुठा भन्ने प्रमाणहरु बेला बेलामा आइ नै रहेका छन् । भारतीय मिडियाले चीन, नेपाल, पाकिस्तान, लगायतका आफ्ना छिमेकी राष्ट्रहरु विरुद्ध अफवाह फैलाउने बाहेक अन्य काम नै गरेको छैन ।

यो पनि -कुकुरले सुँघेरै कोरोनाभाइरस पत्ता लगाउन सक्ने बैज्ञानिकले खोले रहस्य

काठमाडौं । कोरोना भाइसरको त्रास दिनानुदिन बढीरहेका बेला जर्मनीमा भने कुकुरले सुँघेर कोरोनाभाइरस पत्ता लगाउन सक्ने रहस्य बाहिर आएको छ ।

अनुसन्धानकर्ताले सुँघ्न सक्ने कुकुर अर्थात ‘स्नाइफर डग्स’ ले कोरोना भाइरस संक्रमण भएका र नभएका स्याम्पललाई सुँघेर पत्ता लगाउन सक्ने दाबी गरेका छन् ।

जर्मनीको हेनोवर शहरस्थित युनिभर्सिटी अफ भेटरिनरी मेडिसिनले गरेको यो अनुसन्धानले एयरपोर्ट र खेल मैदानजस्तो सार्वजनिक स्थानमा कोरोनाभाइरसको संक्रमणको पहिचान गर्न सक्ने र यसले भिडभाड हुने स्थानमा कोरोनाका बिरामीको पहिान गर्न सहज हुने दाबी गरेको छ ।

उक्त अनुसन्धानमा जर्मनीको हेनोवर शहरस्थित युनिभर्सिटी अफ भेटरिनरी मेडिसिनलाई त्यहाँको सेनाले पनि साथ दिएको समाचारमा जनाइएको छ ।

Leave a Reply

Your email address will not be published.