महिला सांसदले भने: पुरुषहरु महिलाबाट पीडित, पुरुषहरु अन्यायमा परेका छन्,यो कुरा कतिको सहि कि गलत आफ्नो प्रतिक्रिया राख्नुहोस्

ताजा समाचार

महिला अधिकारको नाममा धेरै ठाउँमा महिला अधिकारकै दुरुपयोग भएको सांसदहरुले बताएका छन्।

विशेषगरी वैदेशिक रोजगारीमा गएका पुरुषहरु महिलाबाट पीडित भए पनि न्याय नपाएको भन्दै सांसदहरुले गुनासो गरेका छन्।

महिला तथा सामाजिक समितिमा भएको छलफलमा सांसदहरुले विदेश गएका पुरुषहरु महिलाबाट पीडित हुने गरेपनि उनीहरुले न्याय नपाएको बताए।

राष्ट्रिय महिला आयोगको प्रतिवेदन माथिको छलफलमा सांसद गंगा चौधरीले पीडित पुरुषहरुले न्याय खोज्न कहाँ जाने भन्दै प्रश्न गरिन्।

उनले भनिन्, ‘महिला मात्रै पीडित छैनन्, पुरुषहरु कहाँ जाने न्याय खोज्न? महिलाले पनि पुरुषमाथि अन्याय गरेका छन्। श्रीमान् विदेशमा काम गर्ने, यहाँ श्रीमती अर्कैसँग घुम्ने, भए भरको सम्पत्ति कुम्ल्याउने, विदेशबाट फर्किँदा न आफ्नो परिवार, न सम्पत्ति, न श्रीमती।’

सांसद हिरा गुरुङले आयोगले सहर केन्द्रित कार्यक्रमलाई प्राथमिकता दिएको उल्लेख गर्दै पुरुष हिंसाका घटनालाई पनि दायरामा ल्याउनुपर्ने बताइन्। महिला मात्रै हिंसामा पर्ने गरेको नभई पुरुषमाथि पनि हिंसा हुने भएकाले आयोगले दुबै पक्षलाई न्याय दिनुपर्ने उनकाे भनाइ छ।

आयोगकी सचिव शान्ता भट्टराईले पुरुष हिंसा हुने गरेको भएपनि घटनाहरु बाहिर आउन नसकेको बताइन्।

आयोगको कार्यक्षेत्रभित्र पुरुषका घटनाहरु लिन नपाउने प्रावधान रहेको उनको भनाइ छ। उनले भनिन् ‘विदेश गएका पुरुषका श्रीमती अर्कैसँग गएको सन्दर्भमा त्यहाँ अर्को पुरुषले शोषण गरिरहेको छ कुनै न कुनै रुपमा।’

Leave a Reply

Your email address will not be published.