Categories
ताजा समाचार

पाँचथरको हत्यामा ज्वाइँ र साढुभाइ पर्ने मानबहादुर माखिमकै संलग्नता रहेको हुनसक्ने प्रारम्भिक निष्कर्ष

पाँचथरको मिक्लाजुङ गाउँपालिका–९ जनाको हत्या भएको घटनामा संलग्न रहेको भनी आशंका गरिएका माखिम घरभन्दा झण्डै दुई घण्टाको पैदल दूरीमा पर्ने लिम्बा गाउँमा रुखमा झुण्डिएको अवस्थामा मृत फेला परेका छन् ।

अनुसन्धानमा संलग्न एक प्रहरी अधिकारीका अनुसार झुण्डिएको अवस्थामा फेला परेका मानबहादुर धनराज शेर्माका साढुभाइ र बमबहादुर फियाकका ज्वाइँ पर्ने व्यक्ति हुन् । एक प्रहरी अधिकारीले भने, ‘‘मानबहादुरको श्रीमतीसँग सम्बन्ध राम्रो रहेनछ । श्रीमती माइतीमा बस्दै आएकी थिइन् ।

सम्बन्ध विच्छेदको प्रक्रिया चलिरहेको थियो । उनले धनराज र बमबहादुरको परिवारले श्रीमतीलाई डिभोर्स दिन उचालेको आरोप लगाउँदै आएका रहेछन् । त्यही झोँकमा उनले सबैको हत्या गरेका हुनसक्छन् ।’’ प्रहरीका विभिन्न निकायले घटनाको अनुसन्धान गरिरहेको प्रहरी प्रवक्ता डीआईजी विश्वराज पोखरेलले जानकारी दिए ।

आक्रमणबाट भागेर बाँच्न सफल भएकी १२ वर्षीया बालिका सीता खुजुमले मुकुण्डो लगाएको व्यक्तिले खुकरी प्रहार गरी हत्या गरेको प्रहरीलाई बताएको पोखरेलले बताए । घटनास्थलमा कुनै पनि हतियार फेला परेको छैन ।

हत्या गरिएका परिवार र रुखमा झुण्डिएको अवस्थामा फेला परेका मानबहादुर सामान्य परिवारका व्यक्ति थिए । घटना मध्यरातमा भएको हुनसक्ने बताइएको छ ।

हत्या हुनेमा ३६ वर्षीया जस्मिता फियाक, ४१ वर्षीय धनराज शेर्मा, २६ वर्षीया मनकुमारी फियाक, ६ वर्षीया इक्सा शेर्मा, १३ वर्षीया योवना शेर्मा, आठ वर्षीया मुना शेर्मा, ७४ वर्षीय बमबहादुर फियाक, बमबहादुरकी श्रीमती र १२ वर्षीया आशिका खजुम लिम्बू छन् ।

पाँचथरको चारैतिर नाकामा चेकजाँच कडा पारिएको र तीन सयभन्दा बढी प्रहरी परिचालन गरिएको प्रदेश नम्बर एक प्रहरी कार्यालयका प्रवक्ता डीएसपी सिद्धराज न्यौपानेले जानकारी दिए ।

‘रातिको ३ बजे फोन गर्नुभएका काकाले मलाई भन्नुभयो– मेरो पुरानो रोग बल्झियो । म उपचारका लागि झापा झरेको छु । औषधि खानका लागि मलाई ५ हजार चाहियो । भाइ आउँछ, उसलाई ५ हजार दिएर पठाइदे ।’
उनले ‘हुन्छ’ भन्दै फोन राखे । सम्भवतः मानबहादुरले गरेको त्यो नै अन्तिम कल हुनसक्ने नेलकमको अनुमान छ । थप कुरा उनको फोन हेरेपछि नै खुल्ने छ ।

पाँचथर हत्याकाण्डः ‘आत्महत्या’अघि मानबहादुरले ५ हजार किन मागेका थिए ?

पाँचथरको मिक्लाजुङ– ६ का नेलकम माखिमलाई आज (मंगलवार) बिहान ३ बजेको समयमा एउटा कल आयो ।

नेलकम निद्रामा नै थिए । फोन आएपछि ब्यूँझिए । फोन थियो काका नाता पर्ने मानबहादुर माखिमको ।

मिक्लाजुङ– ७ का मानबहादुर तिनै व्यक्ति हुन्, जसको शव मिक्लाजुङ– ८ मा करमको रुखमा झुण्डिएको अवस्थामा फेला परेको छ ।

मिक्लाजुङ– ३ मा उनका ससुरा बमबहादुर फियाक र साढुदाइ धनराज शेर्माको परिवारका ९ जनाको गएराति नै विभत्स हत्या भएको छ ।

उक्त हत्याकाण्डमा मानबहादुरकै संलग्नता हुनसक्ने प्रारम्भिक अनुमान प्रहरीको छ ।

काकाको फोन देखेपछि नेलकमले रातको समय भए पनि ‘रिसिभ’ गरे

काका मानबहादुरले पहिले मानसिक रोगको उपचारका लागि ट्याब्लेट खाने गरेको थाहा पाएको नेलकमले लोकान्तरलाई जानकारी दिए ।मानबहादुरको परिवारमा करीब ७५ वर्षीय बुवा र आमासँगै दुई भाइ र एक बहिनी छन् । विवाह भइसकेकी बहिनी माइतीमै रहेको नेलकमले बताए ।

दुई दिदी विवाह भएर आ–आफ्नो घर गइसकेका छन् ।केही समय विदेश पनि बसेका मानबहादुर करीव २ वर्षयता घरमै रहेको नेलकमले जानकारी दिए ।मानबहादुर र आफ्नो खलक एउटै भएको उनको भनाइ छ ।

Leave a Reply

Your email address will not be published.