Categories
ताजा समाचार

प्रधानमन्त्री ओली डायलासिसका लागि पुनःअस्पतालमा

काठमाडौं । प्रधानमन्त्री केपी शर्मा ओलीलाई अस्पताल लगिएको छ । प्रधानमन्त्री ओलीलाई शुक्रबार अपरान्ह त्रिवि शिक्षण अस्पताल सँगै रहेको मनमोहन कार्डियोथेरासिक भास्कुलर एण्ड ट्रान्सप्लान्ट सेन्टरमा लगिएको हो । नियमित स्वास्थ्य परीक्षणका लागि प्रधानमन्त्री ओलीलाई मनमोहन लगिएको प्रधानमन्त्रीका प्रेस सल्लाहकार सुर्य थापाले बताए ।

थापाका अनुसार नियमित डायलासिस गरेर प्रधानमन्त्री ओली आजै बालुवाटर फर्किनेछन् । १२ वर्षअघि मृगौला फेरेका प्रधानमन्त्री ओलीको पछिल्लो समय प्लाज्माथेरासिसले काम नगरेपछि नियमित हेमोडायलासिस गर्दै आएका छन् ।

एसपी मल्लले चितवन छाडे
चितवन । जिल्ला प्रहरी कार्यालय चितवनका प्रहरी उपरीक्षक (एसपी) दानबहादुर मल्लले चितवन छाडेका छन् । उनले आजमात्रै दरबन्दीका लागि रवाना बुझेर चितवनबाट काठमाडौं हिँडेका छन् ।

उनलाई आजै जिल्ला प्रहरी कार्यालय तथा चितवनका विभिन्न संघ–संस्थाले बिदाइसमेत गरेका छन् । उनले आजै डीएसपी एकनारायण कोइरालालाई बरबुझारथ गरेका छन् । जिल्ला प्रहरी प्रवक्तासमेत रहेका कोइरालाले आज मल्ललाई कार्यालयबाट बिदाइ गरिएको जानकारी दिए । ‘‘उहांँ आज यहांँबाट बिदाइ भएर जानुभयो,’’ उनले भने, ‘‘घर जानुहुन्छ कि काठमाडौं त्यो भने थाहा भएन ।’’

मल्लले आफूलाई निमित्त जिम्मेवारी सुम्पिएको भन्दै कोइरालाले अर्का एसपी गंगा पन्त कहिले आउने भन्ने विषयमा एकिन जानकारी नभएको बताए ।

यद्यपि स्रोतका अनुसार पन्त आइतबार आउने भएकी छन् । सरुवा भएको दुई सातासम्म पनि जिल्ला नछाडेपछि एसपी मल्लको चर्को आलोचना भएको थियो । प्रहरी प्रधान कार्यालयले पुस ४ गते एसपी मल्लको सरूवा त्रिभुवन अन्तर्राष्ट्रिय विमानस्थल सुरक्षा कार्यालयमा गरेको थियो ।

Leave a Reply

Your email address will not be published.