Categories
आर्थिक

बढ्यो सुनको मूल्य, हेर्नुहोस् आजको बजार भाउ

काठमाडौं । केही दिनदेखि लगातार सुनको मूल्यमा वृद्धि भएको छ । अघिल्लो साता घटेको सुनचाँदीको मूल्य यो साता बढ्ने क्रममा छ । तोलाको ७० हजारमुनि झरेको सुनको मूल्य फेरि ७२ हजार नाघेको छ ।

मंगलबार सुनचाँदी दुवैको मूल्य बढेको छ । सोमबारको तुलनामा मंगलबार बजारमा सुन ३ सय र चाँदी १५ रुपैयाँले बढेको हो । सोमबार ७१ हजार ९ सयमा कारोबार भएको छापावाला सुन मंगलबार ३ सयले बढेर ७२ हजार २ सय मा कारोबार भइरहेको नेपाल सुनचाँदी व्यवसायी महासंघले जनाएको छ ।

तेजावी सुन प्रतितोला ७१ हजार ९ सयमा कारोबार भइरहेको छ । चाँदी प्रतितोला ८ सय ७५ रुपैयाँमा कारोबार भइरहेको महासंघले जनाएको छ ।

अन्य समाचार

मेचीनगरमा अन्तरराष्ट्रिय महोत्सवको तयारी पूरा

झापाको मेचीनगरमा बुधबारदेखि शुरु हुने तेस्रो अन्तरराष्ट्रिय औद्योगिक, व्यापार तथा पर्यटन महोत्सवको तयारी पूरा भएको छ । हङकङ बजारको रुपमा बहुचर्चित धुलावारी बजारको बिजनेस पार्कमा सञ्चालन हुने महोत्सवमा नेपाल, भारत र बङ्गलादेशका २०० कक्ष रहने आयोजक संस्था मेची उद्योग वाणिज्य सङ्घका अध्यक्ष ऋषि तिम्सिनाले जानकारी दिएका छन् ।

निर्यातमूलक स्वदेशी कृषि वस्तुको व्यापारिक प्रवद्र्धनका लागि स्टलमा प्राथमिकता दिइएको महोत्सवमा सबै प्रकारका व्यापारिक र औद्योगिक उत्पादनको प्रदर्शनी हुने र पर्यटन प्रवद्र्धनका लागि समेत गतिविधि सञ्चालन गरिने अध्यक्ष तिम्सिना बताए।

महोत्सवले निर्यातजन्य स्वदेशी कृषि वस्तुको व्यापार र नेपाल भ्रमण वर्ष २०२० को प्रवद्र्धनमा महत्वपूर्ण योगदान पु¥याउने अपेक्षा राखिएको जनाउँदै मेचीनगर नगरपालिकाका उपप्रमुख मीना उप्रेतीले नगरको समृद्धिका लागि महोत्सव कोशेढुङ्गा बन्ने बताएका छन् ।

पुस १७ गतेसम्म सञ्चालन हुने महोत्सवमा इलामको सन्दकपुर र जौबारीमा उत्पादित बहुमूल्य केशरको कक्षसमेत राखिने भएको छ । सन्दकपुर–५ जौबारीस्थित जौबारी मल्टिपरपोज एग्रिकल्चर एण्ड इन्भाइरोेमेन्ट सेन्टरले गत वर्षदेखि इलाममा व्यावसायिक केशर खेती गरिरहेको छ । केशरको प्रवद्र्धन र व्यावसायिक सम्भावनाको पहिचान गर्न अन्तरराष्ट्रिय महोत्सवमा केशरको छुट्टै प्रदर्शनीकक्ष राखिने संस्थाका अध्यक्ष वीरबहादुर कटुवालले जानकारी दिए ।

Leave a Reply

Your email address will not be published.