Categories
ताजा समाचार

नुवाकोटको विदुरमा आइचर दुर्घ*टना, २ जनाको मृ*त्यु, ६ जना घा*इते

नुवाकोटको विदुरमा सवारी दुर्घटना हुँदा २ जनाको मृत्यु भएको छ ।

नार्गाजुन कन्ट्रक्सन प्रा.ली.को बा२क ७९१० नम्वरको आइचर गाडी विदुर नगरपालिका ६मा दुर्घटना हुँदा २ जनाको मृत्यु भएको जिल्ला प्रहरी कार्यलय नुवाकोटका प्रहरी नायव उपरिक्षक राजेश थापाले बताए ।

अन्य ६ जना घाइते भएका छन् । घाइतेलाई उपचारको लागि काठमाडौं रिफर गरिएको डीएसपी थापाले बताए ।

ठूलो परिमाणमा अवैध सुनचाँदीसहित १ युवक पक्राउ

ठूलो परिमाणमा अवैध सुनचाँदीको गरगहनासहित सिरहा प्रहरीले एक युवकलाई पक्राउ गरेको छ ।

प्रहरी चौकी ठाडी सिरहाबाट खटिएको टोलीले गएराति जाँच गर्ने क्रममा जिल्लाको भगवान्पुर गाउँपालिका–४ ठाडीबजारबाट अवैध सुनचाँदीको गरगहनासहित सिरहाको गोलबजार नगरपालिका–४ निवासी ३४ वर्षीय मनोज रायलाई पक्राउ गरेको हो ।

भारततर्फबाट नेपालतर्फ आउँदै गरेको ज२प ६४२२ नंको मोटरसाइकल जाँच गर्ने क्रममा डिकीभित्र लुकाई–छिपाई राखिएको सुनचाँदीका गहना बरामद भएपछि रायलाई पक्राउ गरिएको जिल्ला प्रहरी कार्यालय सिरहाका प्रवक्ता प्रहरी नायब उपरीक्षक अपिलराज बोहराले जानकारी दिए।

पक्राउ परेका रायको साथबाट हातमा लगाउने सुनको बाला दुई, मङ्गलसूत्र ठूलो–सानो गरी चार, नथी सिक्रीसहितको एक, कानमा लगाउने बाली दुई, टप दुई, झुम्का बाला टीका एक थान र चाँदीको पाउजु पाँच, हातमा लगाउने पञ्जा एक जोडी, ब्रासलेट एक थान, खुट्टामा लगाउने बिच्छी तीन थान, औँठी एक थान र बच्चाले लगाउने बलिया तीन थान बरामद भएको प्रवक्ता बोहराले बताए। पक्राउ परेका रायमाथि आवश्यक अनुसन्धान भइरहेको प्रहरीको भनाइ छ ।

Leave a Reply

Your email address will not be published.