Categories
ताजा समाचार

सामाजिक सञ्जालमार्फत १५ करोड ठ*गी गरेको आरो*पमा प्रहरीद्वारा तीन जना पक्रा*उ

सामाजिक सञ्जालमार्फत १५ करोड ठगी गरेको आरोपमा प्रहरीले तीन जनालाई पक्राउ गरेको छ।

महानगरीय प्रहरी अपराध महाशाखाको टोलीले दोलखाका रमेश खड्का, नवलपरासीका विश्वेश्वरप्रसाद तिवारी र सन्दीप कलवारलाई पक्राउ गरेको हो।

उनीहरूले चिठ्ठा परेको भन्दै विभिन्न मानिसलाई भाइबर, ह्वाट्स एप, इमो, फेसबुक लगायतका सामाजिक सञ्जाल प्रयोग गरी ठगी गरेको पाइएको महाशाखाले जनाएको छ। अपराध महाशाखाले बुधबार पत्रकार सम्मेलन गरी तिनै जनालाई सार्वजनिक गरेको छ।

महाशाखाका अनुसार उनीहरूले ठगी गरेको रकमको केही प्रतिशत कमिसनस्वरूप राखेर बाँकी रकम भारतमा पठाउने गरेको खुलेको छ। ‘अनुसन्धानअनुसार अहिलेसम्म १४ करोड ६९ लाख ९१ हजार रुपैयाँ कारोबार भएको देखिन्छ,’ महाशाखाका प्रहरी उपरीक्षक ईश्वर कार्कीले भने, ‘१५ देखि २० प्रतिशत रकम कमिसन राख्ने गरेको पाइएको छ।’

उनीहरूले ठगी गरेको उजुरी लिएर १५ जना पीडित प्रहरीको सम्पर्कमा आएको महाशाखाले जनाएको छ। चिठ्ठाबापत केही पैसा बुझाउनुपर्छ भन्दै उनीहरूले मानिसहरूलाई फकाउने र पैसा बुझेपछि बेपत्ता हुने गरेको पाइएको छ।

उनीहरूको सम्पर्क कृषि विकास बैंक लहान शाखाको पाँच करोड ठगीका मुख्य योजनाकार अफ्रिकन नागरिक पिटरसँग देखिएको कार्कीले बताए। ‘ठगी गरेको रकम पिटरलाई पठाउने गरेको देखिएको छ,’ उनले भने, ‘उनीहरू पिटरसँग मिलेर ठगी धन्दामा संलग्न रहेका छन्।’

कृषि विकास बैंक लहान शाखाको रकम लुट्ने मुख्य योजनाकार अफ्रिकन नागरिक पिटर हुन्। उनी मुम्बईमा रहेको प्रहरीले दाबी गरे पनि हालसम्म पत्ता लाग्न सकेको छैन।

गत असोज पहिलो साता कृषि विकास बैंक लहान शाखाको करिब ५ करोड रुपैयाँ व्यक्तिको खातामा ट्रान्सफर गराएर लुटेको आरोपमा प्रहरीले १८ जनालाई पक्राउ गरेको थियो। उनीहरू पिटरका लागि नेपालमा काम गर्ने एजेन्ट थिए।

Leave a Reply

Your email address will not be published.