Categories
ताजा समाचार

करेन्ट लागेर दुवै हात गुमाएकी मेघा घिमिरेले अमेरिका पुगेर कृत्रिम हात हालेर फर्केकी मेघा घिमिरेको भिडियो भाईरल भएपछि (हेर्नुहोस भिडियो)

करेन्ट लागेर दुवै हात गुमाएकी मेघा घिमिरेले अमेरिका पुगेर कृत्रिम हात हालेर फर्केकी छिन् । नारायण रिना मेमोरियल फाउण्डेशनले दुर्घटनामा परी दुवै हात गुमाएकी मेघा घिमिरेलाई उपचारका लागि अमेरिका लगेको थियो । हात हालेपछि मेघा निकै खुशी छिन्, कुनै दिन सानो सहयोगका लागि तड्पिरहेका मेघाा र उनको आमाले मिडियामा आईसकेपछि मेघााको हात हाल्नका लागि लाखौं सहयोग पाए ।

अमेरिका पुगेर ८० लाख भन्दा माथिको हात हालेकी मेघााले बताएकी छिन् । कृत्रिम हातको सहायताले मेघाा हिजोआज आफ्नो काम आफै गर्ने भएकी छिन् । लुगा लाउने, खाना खाने लगायतका काम गर्न उनलाई अब आमाको साथ चाहिदैन । भिडियो हेर्नुस

बाल सुधारगृह भित्र विद्यालयको बिजोग

विराटनगर । विराटनगरस्थित बाल सुधारगृहभित्र रहेको विद्यालय बिजोग अवस्थामा सञ्चालन भइरहेको छ । बाल बिज्याइँको आरोपमा कैदीबन्दी रहेका बालकहरूलाई पढाउन स्थापना भएको विराटनगरस्थित सुधारगृहभित्र रहेको माध्यमिक विद्यालय बिजोग अवस्थाले सञ्चालन भइरहेको हो ।

विद्यालयमा भौतिक पूर्वाधार, शैक्षिक सामग्री, शिक्षक कर्मचारी, पाठयपुस्तक सबैको चरम अभाव छ । सुधारगृहभित्र रहेको विद्यालयमा कक्षा ५ देखि १२ सम्मका विद्यार्थीलाई पढाउने जम्मा दुई जना मात्र शिक्षक छन । विद्यालयमा कर्मचारी एक जना पनि छैनन् । विद्यालयको न त अफिस छ न त विद्यार्र्थीलाई पाठयपुस्तक र कापी कलम नै । जेनेतन जुटाएका पायठपुस्तकहरूको सहयोगमा शिक्षकहरूले पढाउँदै आएका छन् । विद्यालयमा विद्यार्थीहरू सबै भुइँमा बसेर पढ्ने गर्छन । विद्यालयमा भएका तीन वटा कक्षा कोठा पनि अति नै साँघुरा छन् । विद्यार्थी कोचमकोच भुइँमा बसेर पढ्ने भएकोले शिक्षकहरूले हिँडडुल पनि गर्न पनि पाउँदैनन् ।

कक्षा कोठा, शिक्षक अनि शैक्षिक सामग्री र पाठयपुस्तक अभावले पठनपाठनमा अति गाह्रो भइरहेको शिक्षक कृष्णराज चौधरी बताउँछन् । उनका अनुसार शिक्षक नभएकोले साना कक्षाका विद्यार्थी पढाउन सुधारगृहभित्रै कैदीबन्दी रहेका बालकहरूबाट सहयोग लिने गरिएको छ । विद्यालयमा नेपाली, गणित, अंग्रेजी र विज्ञान पढाउने शिक्षक नै छैनन् । सबै विषयगत शिक्षक नभएकोले विद्यालयमा पाठयक्रमअनुसार पढाइ हुन पाएको छैन । नियुक्त भएका दुई जना शिक्षकहरूले नै जेनतेन जम्मा चारवटा विषयलाई फोकस गरेर पढाउँदै आएका छन् ।सुधारगृहभित्र हाल १ सय ५२ जना बालकहरू कैदीबन्दी छन् ।

तीमध्ये १ सय ३२ जना नियमित विद्यालयमा पढिरेहका छन् । कक्षा ५ मा पढ्ने विद्यार्थी सबैभन्दा बढी हुने गरेका छन् । यसैगरी एसईई र कक्षा ११ र १२ को परीक्षा दिने विद्यार्थीहरू पनि मनग्गे हुने गर्दछन । पढ्ने कक्षा कोठाको अभावमा विद्यार्थीहरूलाई चौरमा राखेर पढाउन थालिएको छ ।शिक्षकहरूका अनुसार सुधारगृहभित्र भएको विद्यालयले सामुदायिक विद्यालयको अनुमति यसै वर्षबाट प्राप्त गरेको छ । तर पाठयपुस्तक, शैक्षिक सामग्री, पोशाक र छात्रवृत्तिबापतको रकम भने पाउन थालेको छैन । न त शिक्षक र कर्मचारीको दरबन्दी नै प्राप्त गरेको छ । कापी कलम, पाठयपुस्तक र केही शैक्षिक साम्रागीका लागि महानगरपालिकालाई आग्रह गरेको तर प्राप्त भइनसकेको शिक्षिका फुलमाया प्रसाइँले बताइन् ।

विद्यालयमा व्यवस्थापन समिति नहुँदा रेखदेख र संरक्षणमा समस्या भइरहेको छ । पहिले विद्यालयलाई बाल सुधारगृह व्यवस्थापनको जिम्मा लिएको युसेफ नेपाल नामको गैरसरकारी संस्थाले जेनेतेन सञ्चालन गराउँदै आएको थियो । हाल विद्यालयलाई सरकारले स्वीकृति दिइसकेकोले उसले संरक्षण गर्न छाडिदिएको छ । युसेफको विराटनगर सुधारगृह इन्र्चाज मिलन चौहानले अझै पनि एक जना शिक्षक र केही शैक्षिक सामग्री सहयोग गरिेरहेको बताए ।

बाल सुधारगृहभित्र बालबिज्याइ (बाल अपराध) गरेर पूर्पक्षका लागि र सजाय भुक्तान गर्न आएका बालकहरू मात्र बस्दछन् । बाहिर जान नपाउने र अन्य कुनै सीपमूलक तालिम पनि नभएकोले उनीहरू दिनभरि विद्यालयवरिपरि नै हुन्छन् । तर विद्यालयको अवस्था दयनीय हुँदा उनीहरूको आवश्यकताअनुसार गुणस्तरीय पठनपाठन हुन पाएको छैन । तर विद्यालयलाई सम्पन्न बनाएर गुणस्तरीय पठनपाठन गराउन सके सुधारगृहका बालकहरूको शैक्षिकस्तर राम्रो हुने र उनीहरूको आँचरण व्यवहारमा पनि साँच्चै सुधार आउन सक्ने शिक्षकहरू बताउँछन् ।

 

Leave a Reply

Your email address will not be published.