Categories
मनोरंजन

बलिउड अभिनेत्री सन्नी लियोनी नेपाल आएकी छन् सन्नीले भनिन्–‘नेपाल विश्वकै सुन्दर देश’ उनलाई भेट्न नेपाली कलाकारको तछाडमछाड (भिडियो सहित)

काठमाडौं, २६ भदौ ।बलिउड अभिनेत्री सन्नी लियोनी नेपाल आएकी छन् । उनी विहिवार दिउसो नेपाल आएकी हुन् । आउने भएकी छन् । उनले आइटम डान्स गरेको नेपाली फिल्म ‘पासवर्ड’को प्रमोशनका लागि उनी नेपाल आएकी हुन् । फिल्म निर्माण युनीटले उनी नेपाल आउने प्रचार गरिरहेको थियो । सन्नीले केही महिना अघि आफु नेपाल आउन लागेको समेत बताएकी थिइन् । तर हाल भने उनले केही उल्लेख गरेकी थिइनन् । सन्नी नेपाल आउने खबर थाहा पाएर विमानस्थलमा क्यामेरा सहितका सञ्चारकर्मीको निकै ठूलो भिड लागेको थियो । सञ्चारकर्मी र सर्वसाधारणको भिड छिचोल्दै सन्नीलाई जोगाउन सुरक्षाकर्मीलाई निकै हम्मे हम्मे परेको देखिन्थ्यो ।

उनी नेपाली भादगाउँलो टोपी लगाएर विमानस्थलमा देखिए पछि उनको स्वागतमा बसेकाहरुले हुटिगं गरेका थिए । विमानस्थलमा सुरक्षाकर्मीको बाक्लो उपस्थिति थियो । सुरक्षा घेरामा विमानस्थलवट बाहिरिएकी सन्नीलाई जोगाउँदै सुरक्षाकर्मीले गाडी सम्म पुर्याएका थिए । त्यतीबेलाको छोटो दुरीमा पनि भिड ब्यवस्थापन गर्न प्रहरीलाई मुस्किल देखिन्थ्यो । केही पहिले उनले एक भिडियो सन्देश पोष्ट गर्दै आफु नेपाल आउन लागेको जानकारी गरेकी थिइन् । ‘पसवर्ड’मा सन्नी आइटम डान्सरका रुपमा देखिएकी छन् ।

नायिका सन्नी लियोनीलाई नेपाललाई विश्वकै सुन्दर देश भनेकी छिन् । चलचित्र ‘पासवर्ड’को प्रिमियरमा सहभागी हुन आज नेपाल आएकी सन्नीले नेपाल आउन पाउँदा आफू सधै नै उत्साहित हुने बताइन् । काठमाण्डौको कुमारी हलमा आयोजना भएको चलचित्रको प्रिमियरमा सहभागी हुन पुगेकी सन्नीले नेपाली चलचित्रमा आइटम नृत्य गर्न पाउँदा पनि खुशी व्यक्त गरिन् । सन्नीले भनिन्–‘विश्वकै सबैभन्दा सुन्दर देशमा उपस्थित हुन पाउँदा आनन्दित महशुश भएको छ । यस्तै, मलाई यो निकै नै उत्साहजनक समयमा सहभागी हुन पाउँदा खुशी लागेको छ ।’

साझको स्पेसल शोमा सन्नी बोल्ड अवतारमा पुगेकी थिईन जसले सबैको नजर तानेको थियो । सन्नीलाई झन्डै दुई घण्टा कुरेपछि उनको आगमन भएको थियो भने सन्नी आएपछि प्रिमियरको माहोल नै तत्तिएको थियो । सन्नीले प्रिमियर शोमा आएर आफु नेपाल आउदा खुशी भएको कुरा उल्लेख गर्दै आफुलाई मोमो खाने रहर भएको पनि बताएकी छिन । सन्नी आउनु अगाडी प्रिमियर शोमा माहोल अलि तत्तिएको पनि थियो तर सन्नी आएपछि माहोल साम्म भएको छ । सन्नीले प्रिमियरमा आएर फोटो खिचेर होटल तर्फ नै फर्किएकी छिन । सन्नीले पुरै चलचित्र भने हेरिनन ।

Leave a Reply

Your email address will not be published.