Categories
ताजा समाचार

लाइसेन्सको लिखित र ट्रायल दुबै परीक्षा अनिश्चित कालका लागि बन्द [ सूचनासहित हेर्नुहोस् ]

काठमाडौ । सवारी चालक अनुमति पत्र (लाइसेन्स) को लिखित र ट्रायल दुबै परीक्षा अनिश्चित कालका लागि स्थगित भएको छ । यातायात व्यवस्था विभाग बागमती प्रदेश अन्तरगतको चाबहिल यातायात कार्यालयले अनिश्चितकालका लागि लाइसेन्सको (लिखित र ट्रायल) दुबै परीक्षा स्थगित गरिएको जनाएको हो ।

सोमबार एक सूचना जारी कार्यालयले परीक्षा निगरानीका लागि ट्राफिक प्रहरी नखटाइएकाले सोमबारदेखि अर्थात् आजदेखि नै अनिश्चितकालका लागि चालक अनुमतीपत्र लाइसेन्स को लिखित र प्रयोगात्मक दुबै परीक्षा स्थगित गरिएको जनाएको हो ।

लाइसेन्सको लिखित र प्रयोगात्मक परीक्षाका लागि कार्यालयको संयोजकत्वमा महानगरीय ट्राफक प्रहरीको प्रतिनिधिमुलक भूमिका रहदै आएकोमा महानगरीय ट्राफिक प्रहरी महाशाखाबाट पुस २७ गते प्रतिनिधि ट्राफिक प्रहरी उपलब्ध नहुने व्यहोरापत्र प्राप्त भएकाले आजैदेखि अर्को सूचना प्रकाशित नहुँदासम्मको लागि कार्यालबाट संचालन गरिने लिखित तथा प्रयोगात्मक परीक्षा स्थगित गरिएको छ’ कार्यालद्धारा जारी सूचनामा भनिएको छ ।

ट्राफिक प्रहरीले किन प्रतिनिधि ट्राफिक प्रहरी उपलब्ध गराउन नसकेको हो खुलाइएको छैन । तर लामो समय परीक्षा बन्द हुँदा योग्यता पुगेका दक्ष व्यक्तिले समेत लाइसेन्स लिन सकिरहेका छैनन् ।
सूचना हेर्नुहोस्

Leave a Reply

Your email address will not be published.